السلام عليكم
البارت الأول
من رواية ثلاث نجمات عشكي
.
.
.
.
.
.
.
انته علمتني بالشوق وعرفتني بالحب وكرهتني بثلاثة غيابك ، وبعدك ، وفراكك..
وحببتني بثلاثة..نجماتك ، ابتسامتك ، طولك...
وما افارق ثلاثة...حبك ، وشوكي الك ، لهفتي عليك...
ثلاث نجمات على جتافك..وثلاث شامات بخدي...
#اساور التميمي
.
.
.
.
.
.
.
توني رجعت من الدوام اريد ادخل للبيت..امي دخلت وياي للبيت..سلمت عليها وبست راسها..كالت الحمدلله على سلامتك يمه...
كتلها وين سيف..كالت عد بت جيرانه سجى..بالعادة جانت تاخذه لخالته هنا كاعدة بهالشارع من تروح مكان واني بالدوام تاخذه الها...
رغم انفصالنه خالته تحبه وتهتمله وهي وردة مال الله عكس اختها..ورغم كلشي صار مامنعته من امه يشوفها ساعة او ساعتين...خواله ياخذونه...
كتلها منو هاي سجى...
ام ذو الفقار:جيرانه بت ابو علي دوم تجينه هي واختها وامها..صارلي فترة انطي الها هي كالت تهتم بي ماقصرت خطية هي ماقبلت اخلي بحضانة
ذو الفقار:انتي مو جنتي تحطينه عد خالته شنو يومية مكان يمه..مرة جيران مرة بيت خواله..اسجله بالحضانة امن أله
ام ذو الفقار:يروح عد خالته صارت تضربه ماريد وحدة تمد ايدها عليه..هو يكلي تضربني..وهاي بت جيرانة حبابة ومهتمة بي
ذو الفقار:يمه شلون تأمنين بت جيرانه تهتم لسيف
ام ذو الفقار:يمه لا تكبرها سنين جيرانه واعرفها خوش بنية وحبابه وترا مهتمة لأبنك تجيبه نظيف ومرتب وحتى كام يتعلم سلوك حلو وماكام يوكح..الفاظه جانت ماتنكال بسبب روحته يم خواله..وفد خوش بنية ومتعلمة وبس انخاها تركضلي
ذو الفقار:اني اخاف على ابني لا أكثر شعليه بيها حبابه وخوش بنية ومتعلمة ماراح اخطبها..ابني جاي تخلينه يمهم يعني ماعرف شيصير مايصير
ام ذو الفقار:لعد وين اخلي عد امه الخاينة الوكحة..يالله انته تفرغله لو اعوف دوامي..لو تزوج وفض السالفة
ذو الفقار:يمه شما حجيت طفرتي للزواج هو انتي تردين تخلصين كلبي لمن اتزوج..كتلج سالفة زواجي شيليها من بالج..وانتي راح تتقاعدين وتتفرغيله..لذلك انسي الزواج
ام ذو الفقار:بس يمه ابقه مرة جبيرة مابيه حيل جاهل..ازوج وخلصني من هالسالفة تعبت واقنعك مو كلهن نفس الشي مو كلهن خاينات..بس شكول الله يهديك
ذو الفقار:خلصتي حجيج يمه اني رايح..في امان الله...
ام ذو الفقار:يمه احاجيك شبيك عصبي كلما اجيب طاري الزواج..لشوكت تبقه هيج..سيف هم يريد اخو وانته كبرت
