حب مستحيل

الفصل التاسع

الفصل التاسع

عاد الي منزله وهو في قمه سعادته هو يتذكر ما قالته جميلته وحبيبته ( انشاء الله يا يوسف هبقي افاتح بابا وماما في الموضوع ده في اقرب فرصه ) هاهو يقترب من حلمه الذي يحلم به منذ اربع سنوات عندما رائها تجلس مع صديقتها صدف وخطفت انظاره وقلبه وانتظر كثيره حته اتت الفرصه المناسبه ليخبرها بمشاعره وكان اسعد شخص في العالم عندما علم انها تبادله نفس المشاعر فاق من شروده علي صوت والدته وهي تنادي عليه : يوسف انت جيت ياحبيبي
- اه ياماما لسه جاي دلوقتي وعندي خبر ليكي هيخليكي تطيري من الفرحه
حنان بلهفه : خير ياحبيبي فرحني
- النهارده فتحت دينا علي انها تفاتح اهلها ان اروح انا وانتي نتقدملها قولتي ايه
- حنان بسعاده احضتنت ابنها الغالي : بجد يايوسف اخيره ياحبيبي مع انك اتاخرت اوي بس يلاه مش مهم المهم انك فاتحتها في الموضوع ده اخيره ثم اكملت بتسال وطمني هي وافقت وله ايه

- اه ياماما وافقت وقالتلي هتقولهم في اقرب وقت
- مبروك مقدما ياحبيبي اما اروح احضرلك الغداه بقي بمناسبه الاخبار الحلوه دي
--------------------------
ايه يا دينا بقالك عشر دقايق مقعداني قدامك ومقلتيش كلمه واحده ما تنطقي بقي قالتها كريمه بنفاذ صبر من ابنتها التي اخبرتها انها تريدها في موضوع هام
- دينا بتوتر وتعلثم حاولت اخراج الكلمات : ماما كنت عايزه يعني اقولك يعني ان يوسف الي كلمتك عليه قبل كده عايز يجيب مامته ويقابلك انتي وبابا قولتي ايه
- كل ده يا اخره صبري علشان تقولي الكلمتين دول صبرني يارب ثم اكملت بفرحه بابنتها الوحيده : ماشي يادينا انا طبعا موافقه يابنتي يوسف شخص كويس وانا من ساعه ما حكيتي عنه وانا بدعي ربنا يجعله من نصيبك
- طب وبابا مين هيقولو
- ابوكي دماغه ناشفه ومصمم يجوزك للواد معتز ابن عمك ده ده الحل الوحيد معاه ان ادهم بيه يكلمه

- عبث وجهه دينا وظهر الضيق علي ملامح وجهها وتذكرت الموقف الذي حدث بينهم عندما اوقفها في الحديقه وانها قررت انها لن تطلب منه اي شئ الان والدتها تطلب منها ان تخبرها انه الوحيد الذي يستطيع ان يقنع والدها  ولاحظت ولدتتها شرودها وتغير ملامح وجهها وتسالت بترقب : مالك يادينا وشك اتقلبت كده ليه يابنتي

- مفيش ياماما هو احنا لازم نقول لادهم مينفعش انتي تقنعي

- ولله يابنتي انا هحاول معاه بس لو موافقش يبقي مفيش حل تاني

- ماشي ياماما ربنا يسهلها من عنده
---------------------------
نور انتي معايه قولتي ايه تسائل  تميم بحيره وترقب عندما طال الصمت من جهه نور فاقت نور من شرودها واستطاعت ان تستوعب ما قاله وتجميع الكلمات لكي ترد : اه اه معاك ياتميم انا بس اتفاجئت شويه من طلبك
- طب ايه موافقه وله مش موافقه
- مش عارفه ياتميم سيبني افكر وهرد عليك
تنهد تميم وقال : ماشي يانور خدي وقتك وفكري ذي مانتي عايزه وانا مستني بس لازم تعرفي ان بحبك بجد وان انتي مختلفه عن اي واخده عرفتها يانور عايزك تصدقي ده وبس 
- وانا هفكر في كلامك ياتميم وهرد عليك
- تمام وانا مستني سلام