حب مستحيل

الفصل الثالث والثلاثين

الفصل الثالث والثلاثين

استيقظ ادهم من نومه وهو يشعر بصداع رهيب وارهاق  بسبب نومه لساعات قليله الفتره السابقه اتجه الي الحمام لاستحام وتغير ملابسه لعله يفيق قليله خرج من غرفته بعد ان انتهي من ارتداء ملابسه واتجه  الي المكتب حيث يوجد والده

ادهم : صباح الخير يابابا

صالح : صباح النور يا ادهم اخيره شوفتك يا استاذ

- ادهم : انا اسف يابابا انا عارف ان ماثر في الشغل جامد

- صالح : انا مقدر الحاله الي انت كنت فيها وعلشان كده كنت سيبك براحتك بس ان اعرف انك عايز تروح تمسك فرع الشركه في السويس انا مش موافق

- ادهم : يابابا بعد اذنك دي رغبتي انا عايز ابعد شويه عن هنا ومش هعرف اشتغل في الجو الي هنا انا عايز اشتغل وسط ناس ميعرفونيش وله يعرفو،الي حصل ممكن

- صالح : طب وامك واميره يعرفو حاجه

- ادهم : ماما انا قولتلها امبارح ومعترضتش واميره هقولها النهارده علشان هسافر بكرا
- صالح : بكرا ده انت مقرر بقي حته لو انا مكنتش موافق
- ادهم : انا عارف حضرتك مش هتقف قدام طلبي خصوصه لو في مصلحتي علشان كده كنت محدد السفر بكرا
- صالح : ماشي يا ادهم الي يريحك يابني اعمله سافر وخلي بالك من نفسك اهم حاجه
- ادهم : شكرا يابابا عن اذنك
صعد ادهم الي غرفه اميره ودخل بعد ان سمحت له بالدخول : ادهم باشا بنفسه في اوضتي يبقي اكيد عايز مصلحه
- ادهم : طول عمرك فهماني انا فعلاه عايز منك خدمه
- اميره : اخويا بتاع مصلحته قول عايز ايه
اخرج ادهم ظرف من جيب بنطاله واعطاه لاميره استغربت اميره منه ولكن ما ذاد استغرابها عندما رات المكتوب علي ظهر الظرف مما جعلها تتسال باستغراب : ايه ده يا ادهم
- ادهم بهدوء : هفهمك وبداء ادهم يفهمها ما يجب ان تفعله
--------------------------
ذهبت دينا الي نور لاطمئنان عليها بعد ما حكته عن تميم : يابنتي انتي ليه مصممه ان بيخونك يمكن انتي فهمتي الموضوع غلط
نور ببكاء : غلط انتي بتقولي غلط بعد الصوره والرساله الي ورتهملك
- دينا : افهمي ياغبيه ما يمكن هي مسكت ايده غصب عنه وكانت متفقه مع حد يصورهم بلاش تسرعك ده
- نور : ياسلام وكانت متفقه ان يبقي بيضحك ومبسوط اوي كده
- دينا بانفعال : انتي عايزه تنكدي علي نفسك وخلاص يابنتي ده ايه ده وانا نفسي افهم انتي مش بتردي عليه ليه يانور
- نور : مش عايزه اكلمه وله اسمع صوته انا اصلاه بفكر اقول لبابا يخلي يطلقني منه
- دينا بصدمه : لا ده انتي اكيد اتجننتي رسمي طلاق ايه وكلام فاضي نور انتي كده بتظلمي جوزك وانتي عارفه تميم بيحبك قد ايه ومستحيل يكون بيخونك
- نور ببكاء : امال ايه يادينا انا هتجنن مين الي كانت قاعده معاه دي
- دينا : يابنتي ما تكلمي وتفهمي منه واهو ترتاحي بص انا هتصل بيه اخلي يجي وتقعدو وتتكلمو
اتصل دينا بتميم الذي بمجرد ان راي اسمها رد سريعا : الو ايه يادينا قوللي انك كلمتيها
- دينا : اه وانا عندها دلوقتي وعايزك تيجي تتكلم معاها
- تميم : بجد طب انا ثواني وهكون عندكو سلام
اغلقت دينا الهاتف ونظرت الي نور معاتبه : ولله حرام عليكي الراجل هيموت عليكي وانتي معندكيش دم
- نور : يعني انتي لو مكاني هتعملي ايه لو لقيتي حد بعت صوره لمعتز مع واحده ومبسوطين كده
صمتت دينا ولم تجيب علي سوالها لاتعرف ماذا كانت ستفعل فهي حته هذي اللحظه لا تعرف ما هو احساسها باتجاه معتز هل هو حبيب ام مجرم صديق واخ كبير  فقط لاحظت نور شرودها فحركت يديها امام وجهها : ايه روحتي فين
- فاقت دينا من شرودها : معاكي معاكي مفيش حاجه
- نور : كل ده علشان قولت معتز بس انتي حبتي وله ايه
- دينا : مش عارفه يانور بس الاحتمال الكبير لا محبتهوش ومش قدره ان احبه معتز اه بيحبني وبيعمل كل حاجه تبسطني بس مش قدره احس باي مشاعر حب ناحيته ومش عايزه اظلمه معايه
- نور : طب وبعدين هتعملي ايه هتسيبي
- دينا : لا مش عارفه بعد الامتحانات هقرر وهي خلاص كلها يومين وتبداء
- نور : ربنا يسهلها
- دينا : يارب قومي يلاه بقي ياستاذه علشان تميم علي وصول اكيد مش هتقابلي بالبيجامه الشيك دي وعياطك ده
- نور : هقوم حاضر
بعد نص ساعه خبطت والدته نور عليهم : نور تميم بره وعايز يتكلم معاكي
توترت نور من وجوده واقتراب تلك المواجهه مما جعل قلبها ينقبض من الخوف والارتباك امسكت دينا يديها وحاولت ان تطمئنها : اهدي ان شاء الله مفيش حاجه من الي في دماغك صح يلاه اطلعي هزت نور راسها وخرجت وجدت تميم يجلس مع والدها في الصالون الذي خرج ليعطي لهم حريه التحدث جلس نور علي نفس الاريكه ولكن علي بعد مناسب استغربه تميم وتسال : انتي قعده بعيد كده ليه وبقالي اسبوع بحاول اكلمك او اشوفك وانتي مش بتردي وبترفضي تشوفيني في ايه يانور هو انا زعلتك في حاجه
اخرجت نور هاتفها واخرجت الصوره والرساله واعطته الهاتف دون ان تنطق بحرف امسك منها تميم الهاتف وانصدم مما رائه وجعله يغضب كثيره : بنت ال.. انا هفهمك علي كل حاجه يانور الصوره مش ذي مانتي فاهمه
- نور واادموع تجمعت في عينيها وبنبره مختنقه : امال ايه ممكن تفسرلي
- تميم : حاضر دي مياده بنت عمي وانتي شوفتيها يوم كتب الكتاب وادي ايه هي كانت مضايقه صح
هزت نور راسها ايجابه ولازالت تستمع اليه
- تميم بهدوء : هي قبل ما انا ما اتقدملك بابا كان هيجوزهالي بس انا رفضت واصريت ان انا هتجوزك انتي وبابا وافق ومعترضتش وانتي شايفه بابا بيحبك ازاي حصلت خناقه كبيره بين بابا و عمي بسبب الموضوع ده وساعتها هما جم كتب الكتاب غصب عنهم من اسبوع لقيت مياده بتتصل بيا وبتقولي انها عايزه تحل الخلاف الي بينا وتصلح الوضع بين بابا وعمي وفعلاه روحت ومردتش اقولك ان هقابلها علشان مضايقيش ولله مش اكتر واول ما كنت هخلص كنت هقولك بس انتي من يومها مش بتردي عليا
نور : وانت كنت مسك ايديها وبتضحك ليه بقي
- تميم : هقولك ...
فلاش باك
مياده : دي حياتك ياتميم وانا اكيد مش هجبرك انك تكون معايه بس علي الاقل لازم نحافظ علي علاقه الصداقه والاخوي الي بينا وله ايه
- تميم : انا اكيد موافق انا اكيد مش عايز الاوضاع مابينا تسوء ابدا وخصوصه بين بابا وعمي
- امسكت مياده يديه وقالت بابتسامه : اكيد احنا طول عمرنا بنصلح الاوضاع مابينهم ذي ما كنا صغيرين وله نسيت
: ضحك تميم عندما تذكر ما كان يفعلو وهم اصدقاء من كوارث ومشاكل وبعدها يفكرو في حل لتلك المشكله : طبعا فكر يامياده
تركت مياده يديها عندما نظرت بجوراها لصديقتها التي صورتهم واكدت لها انها التقطت الصور : طب انا همشي انا ونبقي نتكلم ونحدد قعده عائليه كده مع بعض
- تميم : تمام يلاه اوصلك في طريقي
باك
تميم : بس ده كل الي حصل ولله وانا من يومها وله كلمتها وله شوفتها ومن يومها بحاول اتصل بيكي وانتي مش بتردي عليا خالص  وقلقت عليكي اوي علي فكرا
- نور ببكاء : يعني انت مش بتخوني
- تميم باندهاش : بخونك انتي بتتكلمي بجد انا هخونك يانور بعد كل الي عملتو علشانك والي عملتو علشان اتجوزك والي استحملتو منك علشان بحبك تفكيرك ياخدك ان اخونك
نور : ما انا ملقتش تفسير تاني لصوره وكمان انا يومها قعدت اتصل بيك كتير وانت مردتش وفي الاخر قفلت التلفون
- تميم : انا وقتها مردتش علشان مكنتش عايزك تعرفي علشان متضايقيش وكنت لما اخلص هكلمك بس متوقعتش ان تفكيرك وثقتك فيه تخليكي تفكري كده
- نور : انا اسفه انا بس مقدرتش استحمل شكلك معاها متزعلش مني
- تميم بزعل مصطنع : لا انا زعلان وجامد كمان عن اذنك انا ماشي وقف تميم واخذ اغراضه من علي الطرابيزه وتوجه ناحيه الباب ولكن اوقفته يد نور التي امسكت معصمه وقالت ببكاء : لا متمشيش علشان خاطري انا اسفه ان شكيت فيك متمشيش وانت زعلان مني علشان خاطري
التفت اليها تميم وقال بنبره معاتبه محذره : يعني مفيش شك تاني
نور : ابدا
تميم : وله عدم رد علي التفلون واختفاء بالشكل ده تاني
- نور : عمري ماهعملها تاني في حياتي
- تميم : ولو حصل
- نور : يبقي ليك الحق تعمل الي انت عايزه ساعتها
- تميم : يبقي كده اتفقنا علي فكرا انتي وحشتيني اوي
-نور : وانت كمان علي فكرا وحشتني
- تميم : طب ايه مفيش اي واجب مع جوزك حبيبك الي مفروض يكسر دماغك علي عدم ردك علي التفلون ده
- قبلته نور علي وجنته بخجل : خلاص  بقي ياحبيبي ميبقاش قلبك اسود ما انت الي غلطان بس انا عدتها اهو
- تميم : ماشي مع ان انتي محسساني انك بتبوسي ابن اختك 
- نور وهي تفتح الباب : لا مانت متحلمش باكتر من كده لحد يوم الفرح ياقلبي وخرجت من الغرفه سريعا
- تميم : اه يابنت المجنونه انتي  خلتيني اغلط في حماتي يانور يخربيتك
-------------------------
اميره بانفعال : انت بتقول ايه يا ادهم انا مستحيل اعمل كده
- ادهم : وطي صوتك لا هتعملي كده ياميره وهتدلها الجواب مفهوم
- اميره : ليه يا ادهم هتستفيد ايه ياخويا
- ادهم : ملكيش دعوه هستفيد ايه هتديها الجواب وله ادهولها انا
- اميره : ياربي عليك مش فاهمه انت بتفكر في ايه بصراحه
- ادهم : ملكيش دعوه انا بفكر في ايه اهم حاجه تديها الجواب
- اميره : حاضر حاضر ربنا يسترها
- ادهم : شكرا ولله هتوحشنا خناقتنا دي لما اسافر
- اميره باستغراب : مسافر هتسافر فين وليه
- ادهم : فين السويس ليه همسك شغل فرع الشركه الي هناك
- اميره : هو في مشكله هناك لازم تسافرلها يعني وهترجع
- ادهم : لا مفيش مشكله انا عايزه امشي من هنا واقعد مع نفسي شويه
- اميره : يعني انت عايز تخليني اديها المصيبه دي وبعدها تسافر وتسبني انا في وش المدفع صح
- ادهم : معلش انتي قدها
- اميره بسخريه : اه قدها اوي كفايه علي الست سعاد الي طلعت سوسه علي الاخر ياض ياادهومي
- ضربها ادهم علي مؤخره راسها : امك ياجزمه انتي بتقولي ليه كده
- اميره : اقولك ياخويا بقول كده ليه امبارح بعد ما انت ماقومت سالتني سوال غريب اوي
- ادهم : سوال ايه
- اميره : سالتني مين البنت الي كان بيحبها ادهم قبل سمر الله يرحمها هي قالتلي انها شكه في واحده بس عايزه تتاكد مني
- ادهم : تصدقي غريب فعلان انا برضو يوم ما جيت من المستشفي علشان اغير هدومي قعدت تسالني اسئله ذي دي وتقولي نظراتك فضحاك وانها واخده بالها من الي بعملو
- اميره : يبقي امك قفشتك ياكبير امك دي جهاز مخابرات ياعم دي طلعت عارفه ان بحب امجد من قبل كل الي في البيت ازاي معرفش
- ادهم : مش مهم بقي تعرف متعرفش متفرقش كتير المهم هتديها الجواب امته
- اميره : لما تيجي من عند صاحبتها النهارده هدهولها
- ادهم : مش هوصيكي ياميره في ايديها ومحدش يعرف حته ماما
------------------------
عادت دينا الي منزلها ودخلت الي غرفتها رائتها اميره من شباك غرفتها : استرها يارب الله يخربيت جوابتك ياادهم ده جواب بزمتك
خرجت اميره من غرفتها ونزلت الي الاسفل وتوجهت باتجاه المطبخ ولكن اوقفها صوت والدتها من الصاله : اميره رايحه فين
- توترت اميره من صوت والدتها كثيره وتوجهت ناحيتها بخطواط مرتعشه : مفيش ياماما رايحه اقعد مع دينا شويه اصلها وحشاني اوي وبقالي كتير مقعدتش معاها
- نظرت سعاد لما في يديها وتسالت : وايه الي في ايدك ده
- اميره بارتباك : ده ده وله حاجه
- سعاد بنبره تحذريه شديده : اميره بتاعه ايه الجواب ده ولمين
- توترت اميره اكثر واكثر من نبره والدتها وقالت بارتباك لا تعرف ماذاه تقول حته : ده ده جواب اه امجد بعتهولي عادي يعني اصل انا كنت دايما بقولو ان عايزه اعيش احساس الجوابات ده راح كتبلي واحد وانا يعني حبه اوري لدينا يلاه عن اذنك وهربت اميره من امام والدتها قبل ان تسالها سوال اخر وهي متاكده انها لم تصدق كلمه مما قالته
ارجعت سعاد ظهرها الي خلف قليله علي الكرسي وقالت بنبره همسه : فكر ان انتي  اخوكي اذكي مني الا  انا مشفتوش يعني  وهو بيكتب الجواب ماشي يا ادهم
-------------------
دخلت اميره الي غرفه دينا بعد ان سمحت لها بالدخول
- دينا بسعاده : ازيك يا اميره وحشني اوي
- اميره : وانتي كمان ولله يادود وحشاني اوي بس اديكي شايفه الدنيا عمله ازاي معايه
- دينا بتفهم : انا  عارفه ولله الله يكون في عونكم وعونك
- اميره : يارب استمره في التحدث لبعض الوقت ثم قالت اميره بارتباك : كنت عايزه اديكي حاجه كده
- دينا : حاجه ايه
اعطتها اميره الظرف بتوتر وقالت : ده ومتسالنيش عن سببه علشان انا معرفش ولله
اخذت منها دينا الظرف وقرات المكتوب علي ظهره مكتوب : الي من خطفت قلبي وعقلي
فتحت الظرف واخرجت الورقه من داخله وبدات في قرائته : الي حبيبتي وابنتي و صديقتي وحياتي كلها  اه انا خد وقت طويل اوي علشان اقول كده بس انا كنت خايف اخسرك وعلشان انا جبان ايوه انا جبان واكبر دليل ان جبان انا بقولك الكلام ده علي ورق بس انا عندي الشجاعه اقولك اي حاجه ماعده دي دينا ياجمل بنت شافتها عينيا من يوم ما اتولدتي ومامتك رجعت بيكي من المستشفي وشوفتك وانتي خطفني بطريقه غريبه مش عايزك تبعدي عني ابدا بس مش قدر اقولك وله اعبر كان اي حد يجي يكلمك كلمه تضايق او يزعلك كان كانه بيزعلني ونفسي امحي من علي وش الدنيا بحب اتكلم معاكي بحب ضحكت كلامك طريقتك عفويتك كل حاجه فيكي بحبها انا افتكرت بحبي لسمر هنساكي ومش هيبقي في مكان لحبك في قلبي بس انا اكتشفت انك مش بس في قلبي لا انتي في قلبي وعقلي وروحي كلها انا خسرت سمر بس مش عايز اخسرك انتي كمان ومستعده اعمل اي حاجه علشان تكوني معايه لو انتي بس توافقي
بحبك يا دينا......
--------------------------
خلص الفصل واهو فصل طويل خد مني وقت معلش