صدمات القدر

البارت الاول❤️

بسم الله الرحمن الرحيم

ممكن تدوسوا ع النجمه و ف الاخر سيبوا رأيكوا ف الكومنتات
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
البارت الاول
اسلام:ممكن بقا تردى عليا
..........................
اسلام:منا مش هفضل كده كتير انتى لازم تحكيلى
...............
اسلام:بردوا طب تمام براحتك عمتا انا مش هيأس و هكلمك عنى للمره المليون.. بصى ي ستى انا دكتور اسلام سمعت عن حالتك و سمعت كمان ان فى هنا اكتر من دكتور حاولوا معاكى بس انتى بردوا مش بتتكلمى معاهم و مسكت حالتك من شهر و نص تقريبا و لسه عند نقطه البدايه و بعدين انتى ولا بتتكلمى و بتكلى و بتشربى بعد عذاب ليه رافضه الحياه اوى كده و بعدين بص فى الساعه و قال..بصى انا هبعتلك الممرضه تديكى الدوا و انا همشى علشان الوقت اتأخر يلا باى
روح اسلام بيته (هو عايش لوحده مامته و باباه متوفين وعنده اخت متجوزه و مسافره) اتعشى و حاول ينام مش عارف ينام من كتر التفكير فيها بقاله كتير اوى معاها و اتعود عليها بقت حاجه اساسيه ف حياته و حبها اه متستغربوش حبها جدا حب شكلها حب ملامحها حب سكتها حب كل حاجه فيها و بعدين نام بعد تفكير كتير جدا و صحى الصبح لبس و راح عندها لقاها صاحيه بس مش بتتكلم و بتبص للفراغ
اسلام:صباح الخير ي حبيبه
حبيبه......
اسلام:بردوا طيب بصى انا هروح مشوار كده مش هتأخر على طول و جى يلا سلام
ومشى اسلام و قرر ان هو يروح عند بيتها و اهلها و طلع سأل البواب و عرف هى الدور الكام و خبط
اسلام:بيت الانسه حبيبه وليد
باباها بخضه: ايوه ي بنى بنتى حصلها حاجه
اسلام:لا لا محصلهاش حاجه انا كنت عايز اتكلم مع حضرتك شويه
وليد:طمنت قلبى اتفضل ي بنى تعالى
دخل اسلام و قعد شويه وبعدها اتكلم اللى هو جى علشانه
اسلام:انا دكتور اسلام ماسك حالت حبيبه و كنت جاى اتكلم مع حضرتك شويه بخصوصها عايز اعرف كل حاجه عنها انا مسكت الحاله من شهر و نص تقريبا و حاولت معاها انها تتكلم بس مش عارف
باباها:و انت ليه مصر اوى انك تكمل معاها مانت ممكن تسبها زى غيرك
اسلام:صدقنى انا اصلا معرفش بس عندى فضول اوى اعرف اللى حصلها و نفسى تخف ع ايدى
باباها:طيب انت عاوزنى اعملك اى دلوقتى
اسلام:عايز اعرف عنها كل حاجه من ساعه متولدت
باباها:بص انا ممكن اديك المذكره بتاعتها دى ممكن تفيدك
اسلام:حلو اوى دى اكيد هتسعدنى و اعرف اى سبب اللى وصلها ل كده
باباها:تمام ثانيه واحده
اسلام:براحتك خالص
و بعد شويه
باباها:اتفضل ي بنى
اسلام:شكرا جدا ليك و ان شاء الله اكون عند حسن ظن حضرتك يلا بعد اذن حضرتك
باباها:ان شاء الله اتفضل ي بنى مع الف سلامه
نزل اسلام من عندهم و ركب عربيته و رايح عند المستشفى عن حبيبه و طول الطريق بيفكر ي ترى حكايتها اى اى اللى موصلها ل كده و راح المستشفى و طلع عند حبيبه لقاها نيمه جاب كرسى قعد جمبها و فتح المذكره
(هاى انا حبيبه وليد ف كليه فنون جميله قسم ديكور بابايا اسمه وليد و مامتى اسمها سعاد و مستوى المدى بتعنا كويس يعنى عندى عربيه بصرف اللى انا عايزه بابايا صاحب شركه استيراد وتصدير و معنديش اخوات و عندى صاحبه انتيمه عمرى اسمها نادين معايا من ثانوى بحبها اوى و بتقف معايا ف كل المواقف)
اسلام:اى ده طب و صحبتك دى انا مشفتهاش ولا مره ليه ليه مبتجيش!
(بحب جدا الورود البيضا و بحب الاغانى الهاديه زى فيروز بحب كل اغنيها وانا دلوقتى نقصلى سنه و اتخرج و اعمل اكتر حاجه بحبها و كنت مركزه ف دراستى و ف بيتى و اهلى لغايت متعرفت ع تامر .. فلاش باك
حبييه ف العربيه
حبيبه:ي بنتى خلاص اهو وصلت
نادين:هو انتى متعرفيش تيجى ابدا ف معادك
حبيبه:بس ي بابا و بعدين ان..ي نهار ابيض اى اللى انا عملته ده
نادين:اى ي بنتى عملتى
حبيبه:اسكتى خالص خبط حد ف عربيته سلام
حبيبه نزلت من العربيه علشان تعتزر و تصلح اللى عملته
حبيبه:انا اسفه جدا والله مكنش قصدى
تامر: لا ولا يهمك انا اللى اسف مخدش بالى منك
حبيبه:لا اصل انا كنت بكلم صحبتى و مكنتش مركزه و بعتذر منك تانى و انا ممكن اصلحها عادى جدا
تامر:لا لا و لا يهم قاطع كلامه صوت نادين
نادين: حبيبه جرالك حاجه ي حبيبتى
حبيبه:لا انا تمام الحمدلله
نادين:طب الحمدلله و وجه كلامها ل تامر احنا اسفين جدا
تامر:لا محصلش حاجه فرصه سعيده بعد اذنكوا
حبيبه:اتفضل
تامر مشى و هما دخلو الكافيه
نادين:بقا انا ي صرصور المجارى تقفلى ف وشى و قال اى جايه عندك ليكون حصلك حاجه و اجى الاقيكى واقفه مع المز ده
حبيبه:بس بس اى بكابورت فتح ف وشى و بعدين اى مز دى متحترمى نفسك ي بت انتى
نادين:بس بس انا جعانه اوى و انتى مش جعانه ولا اى
حبيبه:اه جدا يلا شوفى هتطلبى اى
طلبوا الاكل و بعدين قاعدوا شويه و روحوا
مامتها:حبيبتى جيتى حمدالله على السلامه
حبيبه:الله يسلمك ي ست الكل
مامتها:اكيد جعانه ي حبيبتى اما اقوم احضرلك الاكل
حبيبه:لا لا مش عايزه كلت انا و نادين برا تسلميلى
مامتها:بردوا نادين ي حبيبه انا مش قولتلك ان انا البنت دى مش برتحلها
حبيبه:لى بس ي ماما انا شايفه انها معملتش حاجه وحشه معايا و بقت الانتيم بتاعتى
مامتها:ي حبيبتى انا خايفه عليكى و بعدي.. وقاطع كلامها باباها اللى من كلامه ان هو سمع كلامهم كله
باباها:سبيها براحتها بنتى عاقله و عارفه ازاى تمشى حياتها
حبيبه: حبيبى ي بابا ...يلا بقا ي جماعه تصبحوا ع خير علشان ورايا جامعه بكرا
مامتها:ماشى ي حبيبتى تصبحى ع خير
ودخلت غيرت هدومها و نامت صحيت على تليفون من نادين
حبيبه بصوت ناعس:اى ي بنتى زن زن ارحمى امى شويه
نادين:يلا ي بت قومى علشان الجامعه
حبيبه:احيه اقفلى ي بت اقوم اللبس بسرعه
نادين:يلا ي ختى و انا هستناكى ف الجامعه
حبيبه:ماشى ماشى
حبيبه قامت لبست بسرعه وخرجت
مامتها:اى ي حبيبتى صحيتى استنى بقا احضرلك الفطار
حبيبه:فطار اى بس ي ماما ده انا اتأخرت و لازم انزل حالا بعدين هفطر مع نادين ف الكليه
مامتها:طيب ي حبيبتى ربنا يوفقك ي حبيبتى
حبيبه:يلا مامى باى
حبيبه نزلت و ركبت عربيتها و بسرعه كانت ف الكليه و هى داخله خبطت ف حد
حبيبه بزعيق:اى ي بنى ادم انت مش تف.. انت تانى
🌺🌺🌺🌺🌺🌺🌺🌺🌺🌺🌺🌺🌺🌺🌺🌺يارب تكون عجبتكم
بقلم/سلمى اسامه