صدمات القدر

الفصل السابع عشر

وحشتونى اوى الحمدلله بعد غياب طويل و مكنش بأيدى والله الفتره اللى فاتت دى كان عندى مشاغل كتير جدا و كان عند فرح و ان شاء الله بقا نرجع اقوى من الاول و ان شاء الله البارت هينزل كل يوم جمعه و عايزه اشوف رأيكوا
🌺🌺🌺🌺🌺🌺🌺🌺🌺🌺🌺🌺🌺🌺
البارت السابع عشر
و اخيرا جه اليوم اللى مستنيه القلوب انها تقرب من بعض اللى هيبقى ف حاجه رسمى ما بنهم اخيرا جه اليوم اللى هيشوفها بعد بعاد اسبوعين عن حبيبته و ملكه قلبه
***********
ف الصباح
كانت حبيبه نايمه و التليفون رن خدت التليفون من غير ما تشوف مين اللي بيرن كالعاده يعنى
حبيبه بنعاس:الو
اسلام:لا بجد هو انتى لسه نايمه
حبيبه:اه
اسلام:اه اى ي بنتى ف بنت يبقا خطوبتها انهارده و لسه نايمه لغايت دلوقتى
حبيبه:ايوه اعمل اى يعنى
اسلام:انا اللى هقولك تعملى اى مش كنا زمانا اتخطبنا امبارح و خلصنا
حبيبه:ي سلام و انا اصحى من الصبح بدرى و اروح امتحان و اجى و معرفش انام و علشان اجهز نفسى و بليل يبقى ف خطوبه ليه هو انا روبوت 
اسلام:لا ي حبيبتى انتى مش روبوت و مهو علشان كده وافقت ان احنا نأجلها لانهارده علشان لقيت هتتعبى
حبيبه:طيب انا هقوم بقا افطر و كده
اسلام:ماشى يلا سلام
حبيبه:باى
قفلت حبيبه مع اسلام و قامت خدت شور و غيرت هدومها و خرجت ل مامتها
حبيبه:صباح الفل ع ست الكل
مامتها:صباح النور ي حبيبتى انا سيبتك تنامى براحتك علشان عارفه انك كنتى تعبانه من ايام الامتحانات
حبيبه:حبيبتى ي ماما مهو ف واحد استلم الشغلانه دى غير حضرتك
مامتها بأستغراب:مين؟!
حبيبه و هى رايحه ناحيه التلاجه و بتاكل:اسلام ي اسلام هو بس علشان صاحى بدرى شويه ف قرفنى من الصبح قومى يلا اصحى الوقت اتأخر و كلام من ده
الام بضحك:ههههه طب والله كتر خيره انا لو كنت صحيتك مكنتش هقدر عليكى
حبيبه و ف بوقها اكل:تشكرى ي امومه..اومال بابا فين
مامتها و هى بتروق:نزل الشغل من بدرى قال علشان يلحق يجى بدرى
حبيبه:يلا ربنا معاه
مامتها:وانتى مش ناويه تخلصى اكل علشان تيجى تروقى معايا
حبيبه:لا انا انهارده خطوبتى و عروسه المفروض معملش حاجه كفايه ان انا هعمل شويه ماسكات لوشى و هلبس و كده يعنى و هتعب اوى
مامتها و هى رايحه ناحيه حبيبه:والنبى اى و اومال مين هيساعدنى ف عمايل الاكل و الترويق علشان الناس اللى هتيجى دى مش المفروض الناس تبعك انتى و ده خطيبك اللى جى ده
حبيبه و هى لسه بتاكل:اه
مامتها:اما هى اه مش المفروض تقومى تسعدينى
حبيبه:و انا مالى ي لمبى
مامتها طلعت تجرى وراها:بت انا جبت اخرى منك هو اى ده
طلعت تجرى حبيبه من مامتها:اهدى ي منار و صلى ع النبى كده
و لقت جرس الباب بيرن جريت حبيبه ع الباب تفتحه لقت نور
حبيبه:حبيبى حبيبى اى النور ده
نور:ده نورك ي قلبى انا قولت اجى اقعد معاكى من بدرى و اسعدك ف تحضير لبسك ده لو مفيش ازعاج يعنى
حبيبه:ازعاج اى بس ده اسمه كلام و الله فرحتينى جدا
نور:حبيبتى ربنا يخليكى
حبيبه:تعالى يلا ادخلى
دخلت نور و حبيبه الشقه و خرجت مامتها من المطبخ
نور:ازيك ي طنط
الام:ازيك انتى ي حبيبتى اى النور ده
نور:الله يخليكي ي طنط
الام:تعالى حبيبتى اقعدى واقفه عندك ليه و انتى ي حبيبه روحى صبى عصير ل نور
نور:لا ي طنط ملهوش لازوم
الام:ده حاجه عاديه ي حبيبتى اومال فين ولادك
نور:سبتهم ل حازم انهارده يلبسهم هما و يفطرهم خليه يشيل شويه
الام بضحك:جدعه والله
فضلوا التلاته ينضفوا البيت و يعملوا الاكل و اعتبرت الام نور بنتها التانيه و كان بيخرج من البيت صوت ضحك عالى و اغانى و بعد انتهاء التنضيف دخلت نور و حبيبه الاوضه و بدءوا ف تحضير لبسهم و نور كانت بتساعد حبيبه ف لبسها و ف الميك اب و خلتها ايه من الجمال و طبعا زاد جمالها حجابها و قعدوا و مستنين يجوا
***********
نور و هى بتقعد ع السرير:ياااا الواحد تعب اوى ده انا مبعملش ف بيتى كده
حبيبه بضحك:هههههه تستاهلى جيتى بدرى ليه و بعدين دى ماما ي بنتى مش اى حد
نور:ربنا يخيلهالك ي ستى بهزر معاكى بس قوليلي اى القمر ده كله
حبيبه:ربنا يخليكى ي نور انا مش عارفه اقولك اى انتى غيرتى حياتى للحسن بكتير بمجرد دخلتى حياتى خلتينى اتحجب وانا اصلا مكنتش بفكر فيه خلتينى احافظ ع صلاتى الصراحه انا مش عارفه اشكرك ازاي
نور:ولا شكر ولا حاجه انتى كنتى محتاجه مساعده وانا كان ف ايدى المساعده دى و اتمنى منبعدش عن بعض ابدا و نبقى اخوات
حبيبه:اكيد طبعا انا اللى محتجاكى ف حياتى والله
و فجأه سمعه صوت جرس الباب
نور:اهم جم استنى انتى هنا و انا هطلع اطمن ع عيالى لحسن يكون حازم كلهم ولا حاجه
حبيبه:هههههه روحى بسرعه
فتح الاب الباب و دخلهم ف الصالون
الاب: ازيك ي اسلام ي بنى
اسلام: الحمدلله ي عمى انت اى الاخبار
الاب:بخير الحمدلله
قاطعهم دخول الام و حبيبه وراها بس طبعا بشكلها الجديد طبعا اسلام ميعرفش انها اتحجبت
دخلت حبيبه: السلام عليكم
بص اسلام بذهول ل حبيبه:مين دى
الكل ضحك عليه و ردت نور عليه:ههههه دى حبيبه ي اسلام سلامه نظرك ي حبيبى
اسلام بذهول من شكلها:ما شاء الله اى القمر ده
خبط حازم ف كتف اسلام و همس:ابو قاعد يهبل
اسلام و خد باله من اللى قاله:اسف والله ي عمى بس انا متفجأ
الاب:ههههه ولا يهمك ي بنى
نور: يلا بقا لبسوا الدبل
لبسوا الدبل و الجو كان كله ضحك و سعاده
اسلام:بس مقولتليش اى القمر ده كله
حبيبه بكسوف:شكرا، هى دى بقا المفأجاه اللى كنت عملهالك
اسلام:احلى مفاجاه اعملى حسابك ان شاء الله الشبكه هننزل نشتريها ف اى وقت
حبيبه:ان شاء الله
قعدوا شويه و بعدها اسلام راح ل باباها
اسلام:بعد اذنك ي عمى كنت عايز اخد حبيبه و نخرج شويه
باباها:موافق بس بلاش تأخير
اسلام:حاضر
اسلام خد حبيبه و راحوا مطعم هادى يتعشوا فيه و قعدوا و طلبوا الاكل
اسلام بحب:متتخيليش فرحتى عامله ازاى انا كنت اتمنى انك تكونى معايا من ساعه ما شوفتك و اتمنيت اتكلم معاكى وقتها بس طبعا انتى مكنتيش معايا خالص و لما روحت اخد المذكره انا مكنش قصدى حاجه والله انا بس كنت عايز اعمل اى حاجه علشان اخرجك من الحاله اللى انتى كنتى فيها
حبيبه قاعده قدامه مذهوله من كلامه وشافت صدق كلامه ف عنيه :انا عارفه كل ده و مقدره تصرفك و انا بعتذر عن اسلوبى لما عرفت انك اخد المذكره بس انا من طبعى مبحبش حد ياخد حاجتى و كمان من غير علمى و انا بشكرك جدا ع وقفتك جمبى
اسلام ب ابتسامه:ولا شكر ولا حاجه دلوقتى بقا جه الوقت اللى هكلمك فيه عن حياتى مستعده ولا نخليها وقت تانى
حبيبه هزت راسها برفض و بحماس:لا لا خليها دلوقتى مفيش مشكله
اسلام:بصى ي ستى اسمى اسلام محمد توفيق عند اختى الوحيده و هى نور بابا و ماما اتوفوا ف حادثه عربيه بعد جواز نور ب حوالى سبعه شهور طبعا عدت الفتره دى علينا احنا الاتنين كانت صعبه جدا فراق الاب و الام مره واحده حاجه صعبه جدا مكنش ف حد داعم ليكى نور كان عندها حازم كان الداعم ليها و سندها بس انا كنت لوحدى بس الحمدلله عديت الفتره دى و نور سافرت مع جوزها و حازم كمل دراسته هناك  و فضلت هنا كنت بشغل نفسى ف الدراسه اى حاجه متخلنيش اقعد لوحدى كمان كنت برجع البيت متأخر بحيث اروح اتعشى و انام و اصحى الصبح افطر و انزل اروح الجامعه لغايت ما شوفت نهى.
حبيبه ب استغراب:نهى ! نهى مين؟
اسلام:قبل اى حاجه انا بحكيلك عن الماضى بتاعى علشان تكونى عارفه ب اى حاجه عن حياتى حتى قبل ما اشوفك.. نهى دى بقا انا شوفتها ف الجامعه كانت معايا ف طب بردوا انسانه محترمه و جميله و حبيتها و هى حبتنى و قولت خلاص الدنيا هتضحكلى و خلاص لقيت حد يونسى ف حياتى و اخيرا لقيت حد اعيش علشانه و روحت طلبت ايديها بس محصلش نصيب اهلها رفضونى لانى كنت لسه بدرس و لسه مقدرش افتح بيت و انى مش مستواها و كان ف حد متقدملها و اهلها كانوا موافقين عليه و هى كمان كانت موافقه مكنش عندها مانع و طبعا سبت نهى خالص و بعت عنها و انشغلت ف دراستى و بعدها اتخرجت و بعدها اتلهيت ف شغلى و بعدها شوفتك غيرتى كل حاجه خلتينى اتمسك بيكى و عايز اعرف انتى مين؟مين عمل فيكى كده؟مين اللى خلاكى توصلى للمرحله؟كنت اتمنى تفوقى و تردى ع كل اسألتى و بعدها رجعت نهى تانى بعد السنين دى كلها جاتلى بس اتفجأت مش دى نهى اللى كنت اعرفها مش دى نهى اللى حبتها كان شكلها غريب و شكلها كان دبلان و بهتان و متبهدل و بعدها عرفت ان جوزها خد كل املاكها بعد ما باباها اتوفى و رماها ف شارع و جت عندى علشان اساعدها و سافرتها بره و اعتقد انك عارفه الباقى بقا.
حبيبه:طب هو انت ليه بتقولى الكلام ده
اسلام:علشان ده حقك زى ما عرفت الماضى بتاعك انا كمان اقولك كل حاجه عن حياتى
حبيبه: المفروض بقا يكون دورى ان احكى انا كمان بس زى ما انت قولت انت عارف عنى كل حاجه
اسلام: وانا مش عايزك تحكى اى حاجه بس لو انتى بقا حابه تقولى حاجه اتفضلى
و بعدها جه الاكل:اى رأيك ناكل الاول و بعد كده نتكلم
حبيبه: تمام
خلصوا اكل و ركبوا عربيه اسلام فضلوا يتمشوا شويه بيها و هو يحكى عن نفسه و يقولها الحاجات اللى بيحبها و هى فضلت تتكلم بردوا معاه و فضلت تحكى بردوا عن نفسها و اسلام كان بيسمعها و كانه ميعرفش عنها حاجه كان عايز يسمعها و بعدها روحها و روح هو كمان البيت
***************
فى بيت اسلام
دخل اسلام البيت و هو مبسوط و بيغنى
:وانت معايا مايشغلنيش الناس.....فرق الاحساس اجمل بكتير....وانت معايا بشوف احلى الناس .....دى حقيقه خلاص مافيهاش تغير .....باااااين حبيبت ايوه انا حبيبت الدنيا اللى بتضحكلى معاك ع طول
وبيشغل النور لقى حازم قاعد على الكنبه
حازم:وعجبى
اسلام بفزع:سلامه من قول من رب الرحيم
حازم:اتخضيتى ي بطه
اسلام:ف اى ي بنى مالك؟!
حازم:مالى؟انت بتسألنى مالى؟صحيح مانت مقضيها حب مع المزه بتاعتك و سيبنى هنا افضل مع اختك البومه دى اللى مش عاجبها حاجه دى
اسلامه بضحك:هههههه فكرتنى بالست اللى جوزها راميها و سهران مع صحابه ع القهوه هههههه و بعدين ماتحترم نفسك اى المزه بتاعتك دي
حازم:يعنى انت هتزعق ع المزه بتاعتك و بالنسبه ل اختك البومه عادى؟
اسلام:لا منا عارف انها بومه ههههه قولى عملت اى انهارده
حازم:تعالى ي بنى احكيلك وراحوا قعدوا ع الكنبه:بص ي بنى اول ما روحنا البيت لقيت العيال بيقولوا عايزين ناكل كيكه لقيتها بتقولهم خليها بكره علشان انا تعبانه انهارده قولت انا بقا متقوم ي واد ي حازم اعملهم انت الكيكه تكون فرحت العيال و كمان ريحت مراتك حبيبتك
اسلام:حلو و بعدين
حازم:لقيتها دخلت الحمام تستحمى وقولت للعيال تعالوا نعمل كيكه سوا و دخلنا عملنا الكيكه اى يعنى شويه دقيق وقعوا ف الأرض و شويه زيت ع الرخامه و استعملنا يجي ٦ او ٧ اطباق لقيتها بقا خرجت و صوتت وقال اى انتوا بهدلتوا المطبخ و انا زوج مش مراعى مراتى ف وقت تعبها هل ده جزاتى
اسلام: هما الستات كده دايما بيقفشوا من اقل حاجه يلا ي بنى ربنا معاك انا داخل انام
حازم:ادخل ي اخويا ادخل وانا كمان داخل تصبح ع خير
اسلام:وانت من اهله
***********
عند تامر
كان قاعد ف المكتب مع مسعد
تامر:بص ي مسعد عايزك تنفذ كل اللى قولتلك عليه مش عايز غلطه
مسعد:متخفش ي كبير كل حاجه هتمشى زى مانت عايز
تامر:ماشى تنفذ ع طول بكره الصبح و حقك هتخده اول ما تخلص
مسعد:تسلم ي كبير تأمرنى ف حاجه تانيه
تامر:لا خلاص امشى انت
🌺🌺🌺🌺🌺🌺🌺🌺🌺🌺🌺🌺🌺🌺 ي رب يكون عجبكوا و اتمنى اشوف رڤيوهات للروايه ف جروبات الفيس ❤️🌏
اشوفكوا يوم الجمعه ان شاء الله ❤️🌏