صدمات القدر

البارت الرابع عشر ♥️

بسم الله الرحمن الرحيم
🌺🌺🌺🌺🌺🌺🌺🌺🌺🌺🌺🌺🌺🌺البارت الرابع عشر

عاد الصباح ع جميع ابطالنا صحى اسلام و على وشه ابتسامه مشرقه اخيرا هيحقق حلمه اخيرا و هيتجوز حبيبته
قام اسلام و دخل استحمى و غير هدومه و خرج من الاوضه شاف الاطفال قاعدين قدام التليفزيون بيتفرجوا ع فيلم كرتون راح اسلام عندهم و قعد جمبهم و شال سيليا
اسلام:صباح الخير حبيبه خالو بتتفرجى ع اى
سيليا:بتفرج ع رابونزل
اسلام:اممم شكلها حلو اوى رابونزل دى
سيليا:اه جدا و شايف شعرها انا عايزه شعرى كده
اسلام: ههههه لما تكبرى هيبقى كده
اسلام:وانت ي عم محمد عايزه تبقى زى مين
محمد:انا هكون زى يوجين
اسلام:ومين ده كمان
محمد:ده بردوا ف الكرتون ده بس حرامى
اسلام بصدمه:وانت عايز تكون حرامى
محمد:مش بالظبط مهو انا هروح اسرق التاج بتاع الاميره و هشوف الاميره و احبها و بعدين اعرف ان هى الاميره المفقوده
اسلام:ربنا يعونك ع المهلبيه اللى ف دماغك دى اوعى بقا ي سيليا علشان اروح اشوف امك هتفطرنا و لا لا
دخل اسلام المطبخ وشاف اخته واقفه بتحضر الاكل
اسلام:صباح الخير ي نونو
نور:صباح النور ي حبيبى
اسلام:اومال حازم فين
نور:نايم مهو مستغل بقا ان مفيش شغل
اسلام بخبث:طيب هروح اصحيه
نور:طيب ي حبيبى
دخل اسلام الاوضه عند حازم بهدوء خالص و كان معاه مايه ساقعه و جه عنده و رماها عليه
حازم بفزع: يييح اى ده
اسلام:قوم ي حبيب ماما
حازم بغضب:اه ي حيوان
و طلع يجرى وراه طلع اسلام يجرى و هو بيضحك
اسلام: خلاص ي حزومى بقا ميبقاش قلبك اسود
حازم:والله ما هسيبك
اسلام:خلاص ب ي حازم العيال بتتفرج علينا و بعدين اعمل حساب للسن انا اكبر منك ع فكره
حازم:اه منا عارف اكبر منى ب شهر
اسلام:مش بيقولك اللى اكبر منك ب يوم يعرف عنك ب سنه شوف انت بقا
نور و هى خارجه من المطبخ :ممكن بقا تبطلوا شغل العيال ده
حازم:انا مالى هو اللى رماه عليا مايه ساقعه
اسلام:ي قلب امك اتصدق صعبت عليا معلش انا معنديش احساس تعالى ف حضنى
حازم:شوفت انت قاسى عليا ازاى مكنتش متوقعه منك كده ي دكرى
اسلام:معلش ي بت انتى العشق بردوا
حازم:هيهيهيهيهيهي
اسلام:اه ي سافله
بصوا ع نور اللى واقفه بتبص بنظرات مقرفه عليهم
اسلام:بقولك اى يسطا متيجى نروح نفطر بدل ما نور هتولع فينا كده
حازم:انا بردوا بقول كده يلا يسطا
و راحوا قعدوا يفطروا
******************
ف بيت حبيبه
صحيت حبيبه بنشاط حاسه ب حاجه جديده ف حياتها حاسه ان الفرح خلاص هينور حياتها بس ي ترى اسلام مش هيعمل زى تامر و مش هيخلى الفرح ده حزن
قامت حبيبه غيرت هدومها و خرجت من اوضتها لقت باباها قاعد قدام التليفزيون
حبيبه:صباح الخير ي بابا
باباها:صباح النور ي حبيبه بابا
حبيبه:اومال ماما فين
باباها:فى المطبخ ي حبيبتى
دخلت حبيبه المطبخ:صباح الخير ي ماما
مامتها:صباح الخير ي حبيبتى اى رايحه انهارده الجامعه
حبيبه:اه خلاص هانت اهى و ناقص اسبوع ع الامتحانات
مامتها:يلا ي حبيبتى ربنا معاكى
حبيبه:يلا عايزين حاجه
مامتها:لا ي حبيبتى مع السلامه
خدت حاجتها وراحت تفتح الباب لقت اسلام واقف قدامها
اسلام بغمزه:اى القمر رايح فين
حبيبه ب استغراب:انت بتعمل اى هنا
اسلام:عادى جى ل عمى اسكتى هو انتى متعرفيش
حبيبه:لا معرفش
اسلام:اصل جى احدد معاد الخطوبه
حبيبه:لا والله
اسلام بضحكه:اه والله
باباها جه ع الصوت:بتكلمى مين ي حبيبه
حبيبه:ده اسلام ي بابا
اسلام بهمس:اسمى بيطلع من بوقك عسل
حبيبه:خفه
باباها:تعالى ي بنى اتفضل ادخل
اسلام:شايفه الاحترام مش انتى موقفانى ساعه ع باب
حبيبه:ادخل ي عم ادخل
دخلوا و قعدوا ف الصالون
باباها:اى ي حبيبه مش كنتى رايحه الجامعه
حبيبه:اه اصل قولت لسه بدرى قولت اقعد معاكوا
باباها:انت اخبارك اى ي بنى
اسلام:الحمدلله ي عمى بخير.. انا جى انهارده علشان نحدد معاد الخطوبه
باباها:والله ي بنى ده المفروض رأى حبيبه
اسلام:طيب ها ي حبيبه رأيك نخليها امتى
حبيبه بتوتر:بص هو احنا ممكن نخليها بعد الامتحانات علشان مش هكون فاضيه خالص الايام دى
اسلام:طب الامتحانات هتخلص امتى
حبيبه:بعد اسبوعين
اسلام:حلو احنا نخليها اخر يوم امتحانات..ايوه والله معاد مناسب جدا
باباها بضحك:طيب ي بنى ع بركه الله
حبيبه:طيب ي جماعه استأذن انا علشان كده هتأخر
باباها:طيب ي حبيبتى مع السلامه
اسلام بسرعه:طيب انا استأذن انا كمان علشان ورايا شغل
باباها:ليه ي بنى متخليك شويه
اسلام:معلش مره تانيه
خرج اسلام من الشقه لقى حبيبه نازله ع السلم
اسلام:القمر رايح فين
حبيبه:رايحه الجامعه
اسلام:طب تحبى اوصلك
حبيبه:لا شكرا مش عايزه اتعبك معايا
اسلام:مفيش تعب والله و بعدين ي ستى تعبك انتى بالذات راحه كده و جميل و عسل ي عسل
حبيبه بضحك مصطنع:هههه دمك خفيف ي اسمك اى..يلا بابا عدينى علشان اتأخرت ع الجامعه
راحت حبيبه نحيه العربيه و بتفتح الباب
اسلام:حبيبه
حبيبه:نعم
اسلام ب بسمه: خلى بالك من نفسك
حبيبه ب بسمه:حاضر مع السلامه
و ركب العربيه و مشيت راح اسلام عند عربيته و ركبها و قال:ربنا يحفظك ليا ي حبيبه
**************
كان مسعد واقف بيراقب حبيبه كالعاده و اتصل ع تامر
تامر:ها ي مسعد ف حاجه جديده
مسعد:ف حاجه غريبه بتحصل ي باشا
تامر:قول ع طول اخلص
مسعد:حاضر ف شاب كده بقاله كام يوم بيروح عند الانسه حبيبه البيت و امبارح كان مع اهله فوق بردوا عند الانسه حبيبه و بينطلها ف اى حته
تامر:متعرفش مين ده
مسعد:لا معرفش بس لو عايزنى اعرف هعرف ي باشا
تامر:خلاص شوفلى مين الواد ده
مسعد: حاضر ي باشا حاجه تانيه
تامر:لا مع السلامه انت
قفل تامر مع مسعد
تامر بيكلم نفسه:لو الموضوع زى اللى ف دماغى نهايه الواد ده ع ايدى حبيبه مش هتكون لحد غيرى
***********
ف الجامعه عند حبيبه
حبيبه قاعده ف كافتيريا خلصت محاضره و ناقص واحده تانيه
حبيبه قاعده بتفتكر نادين قد اى كانت بتحبها كانت اختها مش صحبتها بس هى فين دلوقتى هى مش موجوده ملهاش مكان ف الدنيا خلاص نادين ماتت و مش هتشوفها تانى كان عندها استعداد تسمحها بس ترجعلها بس خلاص فات الاوان قطع تفكيرها صوت التليفون
مسحت حبيبه دموعها و مسكت الموبيل لقت نور(اخت اسلام) هى اللى بترن
حبيبه:اهلا اذيك ي نور
نور:اذيك انتى ي حبيبتى عامله
حبيبه:انا تمام الحمدلله اى اخبارك و اخبار الصغيرين عاملين
نور:الحمدلله ي حبيبتى بقولك انتى بره و لا ف البيت
حبيبه:لا انا ف جامعه ف حاجه
نور:لا اصل الولاد عايزين يخرجوا و كده و كنت عايزاكى تيجى معايا ده لو مش هضيقك
حبيبه:لا عادى خلاص هخلص الجامعه و هكلمك
نور:خلاص تمام هستنى تليفونك
حبيبه:تمام ي حبيبى مع السلامه
نور:مع السلامه
*************
عند اسلام
دخل اسلام المكتب بتاعه بعد ما خلص مع المريض بتاعه
اسلام:انت بتعمل اى هنا؟!
🌺🌺🌺🌺🌺🌺🌺🌺🌺🌺🌺🌺🌺🌺
ي رب يكون عجبكوا
بقلم/سلمى اسامه