صدمات القدر

البارت السابع♥️

البارت السابع

ف مكان تانى
تامر و هو قاعد ماسك السلسله بتاعت حبيبه: وحشتينى ي حبيبتى ممكن اكون ف الاول كنت بستغلك بس دلوقتى انا بحبك بجد فاكره السلسله دى خدها ازاى
و بيرجع ب افكاره
فلاش باك
______________________________________________
خبطت حبيبه ف التربيزه راحت السلسه وقعت نزلت علشان تجيبها سمعت صوت حد طالع بره سبتها و جريب ع بره
وخرج تامر لقا باب الشقه مفتوح و قفله و رجع تانى الاوضه  تامر:قولتلك مفيش حد ده الهوا زق الباب
نادين: طيب اصلى اتخضيت
تامر:تعالى هنا بقا نكمل كلامنا
و بعد فتره كبيره نايمه نادين ف حضن تامر
نادين:انا هقوم امشى بقا علشان هتأخر كده
تامر:ليه بس كده ده انا كنت مظبت ليله و لا الف ليله و ليله
نادين:خليها المره الجايه و كمان علشان ورايا مشوار انا و حبيبه بكره لازم نعمله
تامر:والله انا ساعات بتصعب عليا حبيبه من اللى بنعمله فيها
نادين و تنظر ل تامر بنظرات ناريه:انت حنيت ليها ولا اى
تامر فهم نادين قصدها اى:لا ي حبيبتى احن اى بس انتى بردوا الاساس
نادين:ايوه كده افتكرت حاجه تانيه يلا انا هقوم اللبس و اروح
لبست نادين و نزلت ركبت تاكسى و مشيت
تامر: الواحد يقوم يعمل حاجه يشربها
خرج تامر و داس ع السلسله و مسكها و فضل يضحك و بعدها اتصل ب نادين
نادين:اى لحقت اوحشك
تامر:ههههه لا وانتى الصادقه السلسله بتاعتك نسيتيها هنا
نادين:سلسله اى
تامر:اه والله ف سلسله مكتوب عليا حرفين H.N
نادين:ايوه ايوه خلي... وبعدها افتكرت انها لابسه السلسله و بصت عليها و قالت: تامر دى بتاعت حبيبه
تامر:اى بس اللى هيجيب حبيبه هنا
نادين:ايوه والله دى بتاعت حبيبه انا و حبيبه كنا جيبنها سوا
تامر:طب ارجعى ي نادين علشان نتكلم ف الموضوع ده
نادين:انا جايه حالا و قفلت مع تامر و قالت ل السواق:ارجع ع المكان اللى خدتنى منه تانى
و بعد شويه رجعت نادين ل تامر وطلعت خبطت و بعديها تامر فتح لها الباب و دخلت
نادين وهى بتلطم:هنعمل اى دلوقتى هنعمل اى
تامر بعصبيه:اهدى بقا انا فعلا نزلت سألت البواب عليها قالى ف واحده طلعت ومفيش وقت نزلت بتعيط
نادين برعب:اكيد شفتنا اكيد شفتنا ... هنعمل اى
تامر:مش هنعمل حاجه احنا نسيبها ل ظروف و نشوف هيحصل اى  وبعدها فاق ب افكاره ع التليفون
تامر:هاااا عملت اى
محسن:مفيش ي باشا هى من ساعت مطلعت منزلتش تانى
تامر: تمام خلى عينك عليها
محسن:تحت امرك ي باشا
و بعدها قفل و قام دخل الاوضه و نام
______________________________________________
حبيبه دخلت اوضيتها و مسكت موبيلها تتفرج ع صورها هى و نادين و جه صورته عيد ميلادها
فلاش باك
نادين بتكلم حبيبه ف التليفون
نادين:يلا ي حبيبه انزلى انا واقفه تحت
حبيبه:ي بنتى خلاص نازله اهو
نادين:طيب يلا يختى
خلصت حبيبه لبسها و نزلت لقت نادين واقفه
نادين:كل ده ي حبيبه ده احنا رايحين الجامعه اومال لو كنا رايحين فرح كنتى عملتى اى
حبيبه:نينينيني اركبى وانتى ساكته
ركبوا العربيه و راحوا ع الجامعه و دخلوا المحاضره و اول م فتحت الباب لقت البلالين بتفرقع و حاجات بتنزل من فوق و شافت كلمه مكتوبه
(عيد ميلاد سعيد يا حبيبه)happy birthday y habiba
و لقت حد بيحضنها من ضهرها
نادين:كل سنه وانتى طيبه ي حبيبتى وعقبال مليون سنه و احنا مع بعض دايما
حبيبه حضنتها اوى :وانتى طيبه ي قلبى بجد شكرا جدا ع المفجأه الجميله دى ربنا ميحرمنى منك ابدا
نادين:بطلى عبط ي بت انتى احنا اخوات
باك
هربت الدموع من عيون حبيبه:قلبى مش مصدق اللى انتى عملتيه فيا ي نادين ممكن عادى اصدق ع تامر بس انتى لا انتى مش بس صحبتى انتى كنتى اختى ربنا يسامحك ي نادين ع وجعه قلبى دى
و بعدها قامت تدور ع المذكره بتعتها و فضلت تدور مش ليقاها خافت جدا تكون وقعت تحت ايد مامتها او باباها فخرجت بسرعه تسأل عليها بره
حبيبه: ماما مشفتيش المذكره بتاعتى
مامتها:لا والله ي حبيبتى اسالى باباكى
حبيبه:طيب ماشى و بعدها خبطت ع باب الاوضه و دخلت لقت باباها قاعد و ماسك اوراق ف ايده
باباها:تعال ي حبيبتى
حبيبه ب ارتباك:بابا هو انت مشوفتش المذكره بتاعتى
باباها:اه شوفتها ي حبيبتى و اديتها ل دكتور اسلام
حبيبه بخضه:اى انت بتتكلم بجد
باباها:ف اى اه بتكلم بجد هو الكلام ده فيه هزار
حبيبه:ازاى ي بابا تيدى حد حاجه من بتعتى من غير معرف
باباها: و فيها اى يعنى ي حبيبه الدكتور كان عايز يسعدك و كان عايز اى حاجه عنك ف اللى فات ف انا قولتله يمكن فيها اللى يفيدك
حبيبه:خلاص ي بابا محصلش حاجه بعد اذنك
باباها:استنى ي حبيبه و راحلها و طلع من جيبه مفاتيح عربيه
حبيبه:اى دا؟!
باباها:دى عربيه جديده بدل اللى باظت
حبيبه بفرح:حبيبى ي بابا و حضنته شكرا جدا ي بابا
باباها:العفو ي حبيبه بابا يلا ادخلى نامى بقا
حبيبه: تمام تصبح ع خير
دخلت حبيبه الاوضه فرحانه ب عربيتها الجديده و خايفه من وقوع المذكره ف ايد الدكتور و قررت انها تروحله بكره ف المستشفى تاخد منه المذكره و بعدها غيرت هدومها و نامت
______________________________________________
اسلام روح البيت مش طايق نفسه بعد م حبيبه مشيت من المستشفى و بيفكر ازاى يكلمها او يشوفها و قطع تفكيره صوت جرس الباب استغرب مين اللى جايله دلوقتى لان هو مفيش حد بيجيله و قام فتح الباب و اتفاجأ ب حبيبته
🌺🌺🌺🌺🌺🌺🌺🌺🌺🌺🌺🌺🌺🌺
ي رب تكون عجبتكم
بقلم/ سلمى اسامه