بسم الله الرحمن الرحيم
قبل اى حاجه ممكن تدوسوا على النجمه و ف الاخر سيبوا رأيكوا ف الكومنتات
🌺🌺🌺🌺🌺🌺🌺🌺🌺🌺🌺🌺🌺🌺🌺
البارت التالت
صحى اسلام ع موبيل من المستشفى قلق جدا ورد
اسلام بقلق:الووو
سعاد و دى كانت الممرضه بتاعت حبيبه
سعاد:اللحقنى ي دكتور حبيبه مش راضيه تاخد الدوا و مش راضيه تاكل و رافضه اى حاجه
اسلام بارتياح نوعا ما:طيب انا هقوم اللبس و جى ع طول مسافه السكه
سعاد:تمام ي دكتور
اسلام قام لبس بسرعه وخد شنطته الجلد و المذكره و نزل ركب العربيه و ساق بسرعه و كان ف خلال ربع ساعه كان قدام المستشفى و دخل المستشفى و طلع عند حبيبه لقاها صاحيه بس كالعاده مش بتتكلم
اسلام: صباح الخير ي حبيبه انا عارف انك مش هتردى بس ع الاقل بصيلى... بردوا مفيش فايده طيب ممكن تخدى الدوا و تكلى علشان محيصلكيش حاجه و تتعبى
وندى ع الممرضه و بعد فتره كبيره كانت حبيبه كلت و اخدت الدوا و قاعده فتح اسلام المذكره و بداء يقرأ فيها
*************
فلاش باك
تامر:انا بحبك
حبيبه بفرحه لانها هى كمان حبته بس مستحيل تروح تقول:انت .. انت بتقول اى
تامر:انا بقول ان انا بحبك جدا من اول مره شوفتك فيها وانا مستعد اتقدملك انهارده قبل بكره بس اتخرج الاول واشتغل وبعدين اجى اتقدملك ف ممكن تستنينى لغايت مخلص و اجى
حبيبه بسعاده:هستناك
تامر:افهم من كده انك عايزانى
حبيبه بكسوف:اه
تامر:انا مش مصدق نفسى انهارده احلى تانى يوم ف حياتى
حبيبه بعصبيه:الله بقا و اى هو اول يوم ف حياتك
تامر:اول مشوفتك و اول مشفت عنيكى
حبيبه بابتسامه خجل:طب انا لازم امشى بقا علشان متأخرش
تامر:طيب ابقى طمنينى عليكى اول متروحى
حبيبه:تمام يلا باى باى
حبيبه ركبت عربيتها تستوعب اللى حصل من شويه و كانت فرحه الدنيا كلها ع وشها اخيرا الواحد الوحيد اللى حبته فى حياتها هو كمان بدلها نفس الحب خديت نفس طويل و اتصلت ع نادين مهى متعوده اى حاجه تحصل بتقولها ع طول
حبيبه:ديدى مش هتصدقى اللى حصل من شويه
نادين:اى اللى حصل احكيلى بسرعه
حبيبه:قالى بيحبنى
نادين:مين ده
حبيبه:يادى النيله هو فى غيره
نادين:اى ده بجد تامر قالك بحبك
حبيبه:اه والله انا مش مصدقه نفسى
نادين:مبروك ي روحى يلا ياريت بقا تخلصوا نفسكوا بسرعه علشان عايزه اللبس فستان
حبيبه:هو ده اللى همك ي جزمه
نادين: اومااال ده انا هجيب فستان و هحضر فرح يلا والنبى بسرعه علشان اتحمست اوى والله للموضوع ده
حبيبه:يلا ي بت من هنا انا غلطانه اصلا ان انا حكيتلك اقفلى
نادين بضحك:سلام ي بيبو
اتحركت حبييه بالعربيه وشغلت فيروز و حاجه كده عال العال و وصلت البيت و طلعت
حبيبه:ماما ماااماا
مامتها:اى ي حبيبتى فى اى
حبيبه:انا فرحانه فرحانه اوى ي ماما
مامتها:ربنا يفرح قلبك ع طول ي حبيبتى بس قوليلى اى سر السعاده دى
حبيبه:هقولك ي ماما بس ف الوقت المناسب مش دلوقتى
مامتها:خلاص ي حبيبتى وقت متحبى تحكيلى انا موجوده ع طول
حبيبه:حبيبتى ي ماما انا هدخل انام بقا علشان انهارده كان يوم متعب اوى
مامتها:ادخلى ي حبيبتى ربنا يوفقك ف حياتك ي رب
حبيبه دخلت فضلت تتكلم مع تامر كتير و يتعرفوا ع بعض اكتر و اكتر و طبعا كل الكلام كان بيوصل ل نادين اول بأول لغايت م نامت صحيت الصبح حاسه بنشاط و حاجه كده غير عاديه انها هتقابل تامر بس مش صاحب لا حبيب و قامت لبست فستان شيك جدا وسيبت شعرها الحرير و كان شكلها فوق الجمال و صبحت ع مامتها و باباها و نزلت ركبت العربيه و اتحركت. اتصلت ب نادين
حبيبه:اى ي ديدى كل ده نوم
نادين:اى ي حبيبه
حبيبه:اى ماله صوتك
نادين: تعبانه شويه بس ف مش هقدر اروح الجامعه انهارده
حبيبه:طيب ي حبيبتى خلى بالك من نفسك
نادين:تمام ي روحى سلام
قفلت مع نادين و وصلت الجامعه و دخلت لقت تامر قاعد بس باين على وشه متضايق و فى حاجه حصلت
حبيبه:ازيك ي تامر عامل اى
تامر:تمام ي حبيبتى انتى اخبارك اى
حبيبه:تمام بس قولى مالك ف اى
تامر:لا مفيش حاجه متشغليش بالك انتى
حبيبه:ازاى يعنى مشغلش بالى بيك
تامر:والله مفيش حاجه بس ماما تعبانه جدا و راحت المستشفى و المشكله مصاريف المستشفى كبيره وانا مش عارف ادفعهم ازاى
حبيبه:ي حبيبتى ي طنط الف سلامه عليها كام المصاريف دى
تامر:5000جنيه
حبيبه بتفكير:خلاص سيب الموضوع ده عليا انا
تامر:انتى بتهزرى هتعملى اى يعنى بقولك اى.. اى ده ثانيه التليفون بيرن هرد عليه و اجيلك
حبيبه:تمام مستنياك
تامر قام رد على التليفون و حبيبه قامت مشيت تامر خلص التليفون و راح عند حبيبه ملقهاش
تامر:راحت فين دى؟
🌺🌺🌺🌺🌺🌺🌺🌺🌺🌺🌺🌺🌺🌺🌺🌺ي رب تكون عجبتكم
بقلم/سلمى اسامه
أنت تقرأ
صدمات القدر
Romanceفتاه تملك البراءه و طيبه و قعت مع شيطان كل همه يكسرها و اتخدعت من اقرب الناس ليها
