صدمات القدر

الجزء الحادي عشر ♥️

بسم الله الرحمن الرحيم ♥️
اولا انا عايزه اعرف رأيكوا فيها اكمل ولا لا ساعات بحس انها مش حلوه و بقول مش هكمل بس برجع تانى و اكمل ده سبب عدم نشر البارت ف مواعيده فا ممكن كل اللى يقرأ البارت يقول رأئيه يقول حلوه ولا لا يقول اكمل و كده شجعونى وشكرا ليكوا💜
🌺🌺🌺🌺🌺🌺🌺🌺🌺🌺🌺🌺🌺🌺
الحادى عشر

حبيبه:اى انتى بتقول اى؟
ساره:انا اسفه بس دى الحقيقه نادين ماتت امبارح دى الجامعه كلها عرفت
حبيبه بصدمه و دموع نازله بغزاره:ماتت.. ماتت ازاى لالا مستحيل الكلام و خدت حاجتها و طلعت من الجامعه بسرعه فى نفس التوقيت كان اسلام مستنى حبيبه بره الجامعه عاملها مفاجأه و فرصه يقرب منها لمحها من بعيد بتجرى بسرعه ناحيه عربيها و شكلها مبهدل و دموعها نازله ع وشها راح ناحيتها و مسك ايديها قبل م تفتح باب العربيه
اسلام:حبيبه استنى
حبيبه اتفجأت بوجود اسلام : انت.. انت بتعمل اى هنا
اسلام:مش مهم ف اى مالك
حبيبه ببكاء حاد:ابعد عنى... سبنى عايزه امشى... مش عايزه اشوف حد الله يخليك ابعد عنى و سيب ايدى
اسلام:مستحيل اسيبك تمشى و انتى ف الحاله دى انتى اتجننتى عايزه تعمل حادثه تانى
و للاسف اسلام بفكراها بيوم الحادثه و زادت من عياطها
حبيبه ببكاء و صراخ:ابعدددد عنىىىى عايزه امشى
اسلام:طيب طيب تعالى انا هروحك  و خدها اسلام وركبها عربيته و اتحرك ب عربيته و كل شويه يخطف نظرات ل حبيبه اللى منهاره من العياط و شكلها يصعب على الكافر و هو مش فاهم اى اللى وصلها للحاله دى هو قافل معاها الصبح و كان صوتها لحد ما كويس و قطع تفكيره صوت حبيبه اللى بتقول كلام هو مش عارف يسمعه و مش عايز يسألها لحسن تضدايق
حبيبه ببكاء و بتكلم نفسها من غير صوت:ازاى ماتت ازاى ماتت من غير ما تيجى و تصالحنى و منغير ما مسامحها الله يرحمك ي نادين عملتى كده ليه فيا ضحكتى عليا و موتى شوفتى ربنا عمل معاكى اى ي نادين الله يرحمك الله يرحمك ي نادين
*************
فى بيت تامر
طلع تامر الاوضه بعد ما دفن نادين و دخل استحمى و خرج قعد ع السرير بيفكر هيعمل اى بيفكر ازاى هيجيب حبيبه تانى ليه قطع تفكيره صوت موبيله و كان مسعد
تامر:ايوه ي مسعد اى الاخبار
مسعد:الانسه حبيبه نزلت من بيتها الصبح راحت الجامعه مفيش ثوانى و خرجت منهاره من العياط  كان الدكتور مراقبها و اول ما شافها كده راح عندها و خدها ع عربيته و مشى و انا وراهم دلوقتى
تامر:طيب اياك تبعد عنهم لحظه
مسعد:اوامرك ي باشا
***********
ف عربيه اسلام
وقفت العربيه ع النيل و بعدها بص ع حبيبه لقاها دموعها نازله من غير صوت مسك ايديها
اسلام:مالك ي حبيبه اى اللى حصل
انفضيت حبيبه ع مسكت ايده و شدت أيدها منه بسرعه استغرب اسلام رد فعلها بس معلقش
اسلام:مالك ي حبيبه
مسحت حبيبه دموعها:مفيش حاجه
اسلام:ازاى مفيش انتى مش شايفه حالتك قولى ي حبيبه ف اى مش هقدر اشوفك كده و اتفرج الله يخيلكى احكيلى وانا مش هقول لاى حد خالص
حبيبه:ن..نادين..ماتت و بعدها انفجرت بالدموع
صدم اسلام من اللى قالته
اسلام:ازاى ده حصل و عرفتى منين
حبيبه:عرفت من واحده معايا ف الجامعه قالتلى ماتت امبارح
اسلام:الله يرحمها ي حبيبه 
حبيبه:بس انا كنت محتجالها
اسلام: ادعيلها بالرحمه ي حبيبه...بس انا عايز اعرف اى اللى حصل بعد ما نزلتى من الشقه يوم الحادثه
حبيبه: قولتلك مليون مره محصلش حاجه و على الحادثه انا قولتك السبب ممكن بقا تروحنى
اسلام:خلاص خلاص انا اسف بس ممكن نقعد شويه ف اى مطعم ولا كافيه اقولك ع حاجه انا جعان جدا اى رأيك نروح ناكل
حبيبه:لا مش هينفع انا عايزه اروح ارتاح مش قادره
اسلام:والله مش هأخرك هنروح ناكل و شويه و هرجعك مطرح عربيتك
بعد معاناة طويلة مع حبيبه واقفت يروحوا ياكلوا مع بعض
قاعدين ع التربيزه مستنين الاكل ف صمت كان اسلام بيبص ل حبيبه ف قلبه كلام كتير اوى نفسه يقوله و حبيبه سرحانه ف نادين و ازاى ماتت طب تامر عارف ولا لا قطع تفكيرها نزول الاكل
اسلام:يلا ي حبيبه كلى عايزك تخلصى الاكل كله
حبيبه:حاضر
اسلام:مش عايزه تسألينى عن اى حاجه عنى
حبيبه:لا عادى
اسلام:طيب
اسلام مش عارف يقولها اى كل م يفتح معاها كلام تقفل الكلام تانى
حبيبه:فى حاجه واحده بس عايزه اسألك عليها
اسلام ب ابتسامه:اتفضلى
حبيبه:انت ليه اتمسكت بيا مع انك كنت ممكن تسبنى زى اى دكتور
اسلام:مش عارف والله ممكن اكون كنت عامل تحدى مع نفسى انى هخليكى ترجعى احسن من الاول او انى حبيبتك
حبيبه بصدمه: انت ... انت بتقول اى
اسلام:ايوه حبيتك ي حبيبه حبيت سكوتك حبيتك وانا مكنتش عارف عنك اى حاجه غير انك ف صدمه
حبيبه:بعد اذنك عايزه امشى
اسلام بحزن: طيب حاضر 
دفع حساب الاكل و مشيوا طول الطريق اسلام بيفكر ي ترى هتوافق عليه ولا مش هتوافق و مش هتديله فرصه يعوضها عن اى حاجه كانت وحشه ف حياتها
حبيبه كانت بتفكر ي ترى اسلام عايز يخداعها زى تامر ولا هو شخص مختلف عنه ي ترى هيدمر حياتها نهائى بقا مش مجرد حاله من الصدمه
وقف اسلام عند عربيه حبيبه
حبيبه و هى نازله: شكرا
اسلام مسك ايديها قبل م تنزل:استنى ي حبيبه.. انا عايزك تدينى فرصه وانا هعوضك والله عن اى حاجه وحشه شوفتيها ف حياتك انا عارف ان مش وقته الكلام ده بس عايزك تعرفى انا عايز اى منك مش هفضل اللف و ادور عليكى
حبيبه:شكرا جدا ع التوصيله
و نزلت اضايق اسلام جدا من رد فعلها بس قرر ميزهقش و يفضل معاها و تبقى ليه
ركبت حبيبه عرببتها و ساقت بسرعه جدا علشان تبعد عن اسلام و اول م بعدت وقفت العربيه ع جنب و فضلت تعيط كتير تفتكر مواقف نادين معاها و يوم خيانتها ليها و يوم اعتراف تامر بحبه ليها و يوم م شافت خيانته بردوا ليها و انهارده لما اسلام اعترف ليها بحبه خايفه توافق عليه و تعيد نفس الموقف تانى مش هتستحمل حاجه تانيه قررت تبقى جامده المره دى و مش هتقرب من حد تانى شغلت عربيتها و كملت الطريق ل بيتها وصلت البيت وطلعت لقيت باباها و مامتها قاعدين قدام التليفزيون
مامتها:اى ي حبيبتى اى اللى اخرك كده
حبيبه:مفيش ي ماما اتمشيت شويه بعد الجامعه
باباها: طيب يلا ادخلى غيرى هدومك علشان امك تحط الاكل
حبيبه:لا لا انا كلت بره
مامتها:اى ده هى نادين رجعت
حبيبه بحزن:لا ي ماما روحت لوحدى
مامتها: طيب ي حبيبتى
دخلت حبيبه اوضتها غيرت هدومها و قعدت شويه تفكر ف كلام اسلام هتعمل معاه اى هتديله فرصه ولا لا ....ولا ممكن يطلع زى تامر و يمكن اوحش...بس يمكن يطلع احسن من تامر و انسان محترم...و فجأه الموبيل رن مسكت الموبيل لقيت اسلام بيرن اترددت ترد ولا لا خلص الرن
حبيبه: الحمدلله قفل من نفسه
لقيته بيرن تانى
حبيبه:لا ده انت بقا زنان ردتت عليه
اسلام:اى ي حبيبه عامله اى دلوقتى
حبيبه:الحمدلله ي دكتور
اسلام:اى دكتور دى لا احنا نشيل الالقاب
حبيبه:الله انت مش قولت انا مريضه عندك
اسلام:اه قولت كده و كمان قولت انك حبيبتى
حبيبه:بعد اذنك ي دكتور ياريت يبقى فيه حدود
اسلام:حاضر ي ستى بس بلاش كلمه دكتور دى
حبيبه:حاضر
اسلام:طيب بتعملى اى
حبيبه:مفيش قاعده شويه و هنام
اسلام:انا قولت اطمن عليكى عايزه حاجه
حبيبه:لا شكرا
اسلام:بقولك اى
حبيبه:نعم
اسلام:ممكن نبقى اصحاب او اعتبرينى الدكتور بتاعك لو حاجه مضيقاكى مثلا تعالى قوليلى
حبيبه:لا شكرا مع السلامه
قفلت حبيبه و فرحانه انها ممكن تقف ف وش اى حد و مش هتقع فيها مره كمان
******************
عند اسلام
اسلام ببكاء: ليه ي حبيبه مش راضيه تدينى فرصه ليه وانتى مشوفتيش منى حاجه وحشه ابدا ليه... مقدرش انساكى ي حبيبه مقدرش انتى الوحيده اللى اكتشفت انى حبيتها بجد مش زى نهى... اكتشفت معاكى انى مكنتش بحبها و كان مجرد اعجاب ...ده انا حبيتك وانا معرفش عنك اى حاجه ...
وبعدها شغل اغنيه (ملناش نصيب) احمد خالد

كنت لسه بقولها امتى اللقا
ردت عليا بدمعتين ما خلاص بقا
ملناش نصيب من حبنا و هنعمل اى
رديت عليها و قلت لا متكمليش
انا بعد منك قلبى صعب ف يوم يعيش
قولولى بعد فراقنا ممكن اعمل اى
قولولى ازاى؟
اسيبه يروح
قولولى ازاى؟
ده هو الروح
قولولى لمين هعيش لو راح
ده لو غاب يوم
بعيشه عذاب
هعيش ازاى سنين لو غاب
مفيش بعديه
حياه غير بيه
هموت لو راح
بعدها مسح دموعه و كلم اخته
اسلام:الووو اى ي نور عامله اى
نور:الحمدلله ي حبيبى... مال صوتك فى حاجه
اسلام:لا ي حبيبتى مفيش حاجه اى اخباركوا واحشنى اوى ي نور
نور :والله وانت ي حبيبى
اسلام:بقولك ي نور محتاجك اوى اليومين دول ف كذا حاجه كدا عايزك تعمليهم معايا
نور:طيب ي حبيبى هخلى حازم ياخد اجازه علشان ننزل كلنا و نقعد معاك شويه حلوين
اسلام:ماشى ي حبيبتى ربنا يخليكى ليا
نور:و يخليك ليا ي حبيبى هو انا عندى كام اسلام يعنى
حازم:هو انا مليش ف الحب ده
اسلام:هو انت دايما رخم كده بتيجى ف اوقات غلط
حازم:براحتى  براحتى مراتى و اخو مراتى براحتى ولا مش براحتى
اسلام:براحتك ي عم
حازم:اى كنت عايز اى بتتصل ليه
اسلام:امشى يلا من هنا انا مش عارف هى متجوزاك ازاى
حازم:ملكش دعوه..لا بجد ف حاجه عندك
اسلام:لا والله مفيش حاجه بس عايزكوا جنبى الايام دى
حازم: طيب هاخد اجازه من الشغل و ع طول نبقى عندك
اسلام:ماشى ي حبيبى يلا عايز حاجه
حازم:لا سلامتك يلا سلام
🌺🌺🌺🌺🌺🌺🌺🌺🌺🌺🌺🌺🌺🌺
يارب يعجبكوا
بقلم/سلمى اسامه