صدمات القدر

البارت الخامس❤️

بسم الله الرحمن الرحيم
بعتذر جدا ع عدم نشر البارت يوم الخميس بسبب انقطاع الانترنت
قبل اى حاجه ممكن تدوسوا ع النجمه اللى تحت و ف الاخر سيبوا رأيكوا ف الكومنتات
🌺🌺🌺🌺🌺🌺🌺🌺🌺🌺🌺🌺🌺🌺
البارت الخامس
حبيبه بتتكلم بالعافيه و دموع مش راضيه تقف:ع ..عااا..يييزه..م..ماااما
اسلام:حاضر .. حاضر والله هجبهالك بس نطمن عليكى الاول و مش لازم تقولى حاجه..طيب حاسه بحاجه
هزت حبيبه راسها بمعنى لا
و اسلام خرج من عندها و هى فضلت تعيط و تفتكر اللى فات و مش قادره تصدقه
______________________________________________
فلاش باك
حبيبه:الوو ي نادين
نادين:الوو ي حبيبه عامله اى
حبيبه:مش كويسه ي نادين تامر مش بيرد عليا و بقاله كام يوم مش بيكلمنى على طول انا مش عارفه ف اى
نادين:معلش ي حبيبه ممكن يكون مشغول مع مامته
حبيبه:لا ي نادين انا قلبى مش مطمن كان ع طول بيرن عليا حتى لو مشغول انا خايفه يكون كان بيلعب عليا
نادين:لا لا متقوليش كده تامر باين عليه ابن ناس و محترم و كان ع ايديك كان بياخد من الفلوس بالعافيه
حبيبه:منا بقول كده برضوا.. خلاص ي نادين اقفلى دلوقتى
نادين:ماشى ي حبيبتى ابقى طمنينى عليكى
حبيبه:ماشى ي حبيبتى.. سلام
اتحركت ب عربيتها و فضلت تفكر تعمل اى ملقتش حل غير انها تروحله بيته و فعلا وصلت بيته لانها كانت عارفه الطريق علشان قبل كده وصلته نزلت من العربيه و طلعت عند الشقه و لقت الباب مفتوح شويه دخلت من غير صوت و دخلت عند الاوض كلها مفتوحه معادا واحد فتحت الباب حته بسيطه جدا و شافت
______________________________________________
قاطع تفكيرها دخول اسلام :انا كلمتهم ي حبيبه و هما مسافه السكه و جاين
هزت حبيبه راسها بمعنى ماشى
اسلام:حتى وانتى كمان كويسه مش راضيه تردى عليا
حبيبه:لا والله انا فعلا مش قادره اتكلم و تعبانه اوى
اسلام:طيب انا هجبلك تكلى دلوقتى و هجبلك الدوا علشان لما مامتك و باباكى يجوا يلاقوكى فل الفل
حبيبه ابتسمت و هزت راسها و هو خرج و جبلها الاكل و دوا و جيه و بعد شويه جم اهل حبيبه مكنوش مصدقين ان بنتهم رجعتلهم تانى
مامتها:كده ي حبيبه تعملى كده فينا
حبيبه: انا اسفه ليكوا والله
باباها:بلاش الكلام ده دلوقتى المهم انك الحمدلله بقيتى احسن
حبيبه:الحمدلله ي بابا بس انا عاوزه امشى من هنا
باباها:انا قولتلهم والله و هما قالولى لازم تفضل شويه تحت الملاحظه
مامتها:معلش ي حبيبتى استحملى شويه مجتش ع كام اليوم دول
حبيبه:ماشى ي ماما
باباها:يلا احنا هنقوم نروح و نجيلك بكره بدرى
مامتها:لا ي خويا انا عايزه اقعد مع بنتى شويه انا ملحقتش اشبع منها
باباها:ي ستى هبقى اجيبك بكره بدرى علشان تلحقى تقعدى معاها
حبيبه:روحى ي ماما اسمعى كلام بابا و تعالى بدرى
مامتها:هتوحشينى ي حبيبه امك
حبيبه:و انتو كمان والله متتاخروش بكره بقا
باباها:حاضر ي حبيبتى
______________________________________________
مشيوا و بعدها اسلام خبط ع الباب و فتح نص فتحه
اسلام:اخبار الجميل عامل اى دلوقتى
حبيبه: تعالى ي دكتور اتفضل
دخل اسلام و قعد ع الكرسى اللى جمب السرير
اسلام:عامله اى دلوقتى
حبيبه:الحمدلله بخير
اسلام:حاسه بحاجه
حبيبه:يعنى شويه صداع كده
اسلام:ده طبيعى جدا...انا عند ليكى خبر حلو
حبيبه:اى هو
اسلام:لما باباكى و مامتك يجوا هتروحى معاهم
حبيبه:اى ده بجد هروح معاهم
اسلام بحب ظاهر:اه هتروحى معاهم
حبيبه:انا متشكره جدا ع اللى عملته علشانى
اسلام:لا شكر على واجب ده شغلى .. يلا تصبحى على خير بقا علشان انا مش قادر و عايز اروح انام و انتى كمان لازم ترتاحى علشان تصحى بكره بدرى
حبيبه:تمام ماشى تصبح ع خير
______________________________________________
روح اسلام بيته و دخل الحمام استحمى و زعلان جدا ان مش هيشوف حبيبه تانى طب ازاى يروح يقولها ان هو بيحبها و هى لسه خارجه من الحاله اللى هيا فيها و بيدعى ربنا تكون من نصيبه لانه حبها بجد و مستحيل يعملها حاجه تأذيها ف قرر ان هو يستنى يديها هدنه علشان تفوق من الحاله اللى كانت فيها و ترجع تعيش حياتها تانى و هو هيحاول يوقعها ف حبه و فاق من تفكيره ع صوت موبيله
اسلام:حبيب قلبى اللى واحشنى
نور:واحشتك اى ي بكاش هو انا لو وحشتك كنت مش هتسأل عنى كده
اسلام:غصب عنى والله ي حبيبتى كان عندى حاله و كنت مشغول معاها
نور:ربنا يوفقك ي حبيبى انت عامل اى وحشتنى اوى ي اسلام
اسلام:وانتى والله ي حبيبتى و اخبار حبايب خالهم عاملين اى
نور:زى القرود مطفحنى الدم هما و ابوهم
حازم:الله بقا و انا مالى ي لمبى
نور:انت ده انت الراس الكبيره
حازم:هاتى بقا هاتى اكلمه... اى ي وحش عامل اى
اسلام بضحك:الحمدلله انت عامل اى مغلب اختى معاك ليه يلا
حازم بعياط مصطنع:والله ي باشا مجيت جمبها هى بس بتحب تتبلى عليا
نور:سمعاك ي كداب
حازم:حبيبه قلبي هو انا قولت حاجه..اى ي بنى هو انت بتتصل علشان تخرب بيتى
اسلام:والله ي بنى مش انا اللى اتصلت مراتك انت اللى اتصلت
حازم:طيب.. اى ي حبيبى انت عامل
اسلام:تمام والله ي برنس انتوا اخباركوا اى
حازم:والله الحمدلله ف نعمه اى ي عم مش ناوى تيجى نشوفك
اسلام:حاضر ي حبيبى اخلص بس و هاجى والله
حازم:ماشى ي حبيبى مفيش حاجه كده و لا كده علشان نخلص منك
اسلام بضحك:هو انا كنت جيت جمبك ي عم انت..عمتا اه فى
حازم:ايوه العب ي كبير  اى حلوه
اسلام:احترم نفسك ي عم انت
حازم:اى ده ي بطه بتغيرى من اولها اومال بعد كده هتعمل اى
اسلام:اتصدق انا غلطان انى بحكيلك غور يلا
حازم:خلاص ي عم الحبيب يلا ي حبيبى عايز حاجه
اسلام:لا ي حبيبى سلامتك و خلى بالك من اختى يلا و من عيالها و على الله تزعلها انت فاهم
حازم:و النبى قول الكلام ده لختك
وقفل و اسلام دخل ينام علشان يصحى الصبح يودع حبيبه
______________________________________________
فى الصباح
صحى اسلام ع صوت المنبه و قام و كله نشاط و قام لبس و ظبط شعره و بقا وسيم جدا و بجسمه الرياضى و خد مفاتيح عربيته و راح ع المستشفى و طلع عند حبيبه لقى اهلها موجدين عندها
اسلام:صباح الخير
كلهم:صباح النور
باباها:تعالى ي بنى اقعد
اسلام:لا مفيش داعى انا بس قولت اطلع اطمن على حبيبه و امشى ع طول
باباها:والله ي بنى انا بشكرك جدا ع اللى عملته مع بنتى حد مكانك كان سابها زى اللى فاتوا و مكنتش بنتى رجعتلى من تانى
اسلام بيبص ع حبيبه و بيتكلم:انا معملتش حاجه والله انا كل اللى عملته ان انا لقيت انها محتاجه حد يقف جمبها و يساعدها تخرج من الحاله اللى هى فيها
باباها:احنا متشكرين جدا.. يلا ي ام حبيبه علشان نمشى
مامتها:حاضر ثانيه واحده
اسلام:اى ده هتمشوا ع طول
باباها:اه ي بنى حبيبه مستعجله جدا علشان تروح البيت
اسلام:اه بقا م حبيبه اتكلمت و محدش هيعرف يسكتها
تانى
حبيبه:لا والله انا بس واحشنى البيت و عايزه ارتا... و فجاه حبيبه بتبص ع بابا الاوضه و بتتخض من الشخص ده و لسه هتصرخ
🌺🌺🌺🌺🌺🌺🌺🌺🌺🌺🌺🌺🌺🌺
ي رب يعجبكم
بقلم/سلمى اسامه