صدمات القدر

البارت الرابع♥️

بسم الله الرحمن الرحيم
قبل اى حاجه ممكن تدوسوا على النجمه و ف الاخر سيبوا رأيكوا ف الكومنتات و شير لاصحابكوا
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
البارت الرابع
تامر:راحت فين دى؟
مشيت حبيبه قبل م تامر يقولها حاجه و راحت عند باباها دخلت الشركه و قابلت السكرتيره
حبيبه:بابا جوا ي منار
منار:اه ي انسه حبيبه ثانيه واحده هتصل بيه
حبيبه:تمام انا مسنياكى وقاطع كلامها دخول الموظف محمد
(محمد ده موظف ف شركه باباها و كان اتقدم ل حبيبه قبل كده بس هى رفضت)
محمد:ازيك ي انسه حبيبه
حبيبه:ازيك ي محمد اى اخبارك و بعدين اى انسه دى شيل ي عم الالقاب خليك فريش كده
محمد بضحك:ماشى ي حبيبه عامله اى
حبيبه:تمام الحمدلله اى الدنيا معاك
محمد:اهو ماشيه انا بس كنت جى اقولك يعنى لو فكرتى ف الموضوع تانى
حبيبه:انا اسفه ي محمد حقيقى انا مش بفكر ف الكلام ده دلوقتى والله وانت انسان كويس و محترم جدا و اى واحده تتمناك بس حقيقى انا اسفه
محمد:طيب تمام مفيش مشكله بعد اذنك
حبيبه:محمد انا مش عايزاك تزعل منى بس مش بأيدى والله و بعدين لما يحصلى حاجه مش هدور ع اخ ليا
محمد:عندك حق و انا مش هتأخر عنك ف اى مساعده انتى عايزاها و اعتبرينى ي ستى انا اخوكى من انهارده
حبيبه:شكرا جدا ي محمد انك قدرت تفهمنى بعد اذنك بقا هروح ل بابا
محمد:اتفضلى
مشيت حبيبه راحت ع مكتب باباها و دخلت لقيته بيتكلم ف التليفون و شاورلها تقعد و خلص مكالمه
وليد:اى المفاجأة الحلوه دي
حبيبه:حبيبى ي بابا انا بس كنت قريبه من الشركه و قولت اعدى عليك و اطلب طلب منك
وليد:اطلبى ي حبيبه بابا
حبيبه:انا بس كنت عايزه 5000جنيه محتجاهم ضرورى
وليد:طيب استنى شويه عقبال ما تشربى حاجه اكون جبتلك الفلوس
حبيبه: ماشى ي بابتى ي عسل انت
وليد:كلى بعقلى حلوه ي بت انتى
حبيبه:حبيبى ي بابا هو انا ليا غيرك
وليد ولا انا ي روح قلب ابوكى
و بعد حبيبه خدت الفلوس وركبت العربيه و طلعت موبيلها اللى عمال يرن وهى عند باباها و مش عارفه ترد عليه و رن تانى و ردت
حبيبه:اى ي بنى كل ده رن
تامر:انتى فين ي حبيبه
حبيبه:اى الوش الخشن ده
تامر:ردى على اد سؤالى
حبيبه:كنت عند بابا هو ينفع نتقابل دلوقتى
تامر:تمام مستنيكى ف ....
حبيبه:تمام مسافه السكه سلام
قفلت حبيبه و اتحركت بالعربيه و وصلت عند المكان اللى تامر قلها عليه
و دخلت لقيته قاعد و شكله مضايق
حبيبه:اى ي تيمو
تامر:بلا تيمو بلا زفت
حبيبه:ليه كده بس
تامر:انتى بجد بتسألى انا قولتلك خمسه و راجع و رجعت ملقتكيش موجوده ممكن اعرف روحتى فين وليه مش بتردى ع التليفون شوفى رنيت عليكى كام مره
حبيبه:زى مقولتلك روحت عند بابا و مكنتش هعرف ارد ع التليفون و ليه بقا روحت بقا علشان اجيب دول
وطلعت الفلوس وبتحطها قدامه ع التربيزه
تامر:اى دول
حبيبه:دول5000جنيه بتوع مصاريف المستشفى
تامر:انتى بتهزرى ي حبيبه انا لا يمكن اخدهم
حبيبه: انت بتقول اى افرض مامتك جرالها حاجه بعد الشر هتسامح نفسك ازاى
تامر:بعد الشر عليها بس انا مش عارف هديكى الفلوس امتى
حبيبه مسكت ايده :مش عايزه حاجه منك ي حبيبى كفايه ان انا هعملك حاجه
تامر:ربنا ميحرمنى منك ابدا
حبيبه:ولا منك ي حبيبى.. انا همشى بقا علشان متأخرش
تامر:ماشى ي حبيبتى خلى بالك من نفسك ولما تروحى طمنينى عليكى
حبيبه:ماشى ي حبيبى سلام
مشيت حبيبه و روحت بيتها كلت و نامت و عدت الايام و الشهور عليها و الغريبه ان تامر بقا ياخد فلوس منها كتير و بحجج مختلفه عن اللى قبلها بس هى مش شايفه بيعمل حاجه غريبه لا هو محتاج مساعده و هى بتساعده 
حبيبه:يوو مش بترد ليه ي تامر
مامتها دخلت ع صوتها: ف اى ي حبيبه صوتك عالى
حبيبه:مفيش حاجه ي ماما انا هنزل شويه و جايه ماشى
مامتها:ماشى ي حبيبتى بس متتأخريش 
حبيبه:حاضر ي ماما و لبست حبيبه و نزلت (و دى كانت اخر المذاكره)
باك
اسلام:لا ليه خلصتى دلوقتى اى اللى حصل بعد كده
و بعدين ساب المذاكره و بص ل حبيبه اللى صاحيه بس كالعاده مش بتتكلم و مسك ايديها
اسلام:ارجوكى ردى عليا عايز اعرف اى اللى حصل عايز اخد حقك عايز اعرف مين عمل كده فيكى ارجوكى و بعدين ساب ايديها و قعد جمب السرير ف الأرض وبدا يعيط : طول عمر بدور ع الحب و لقيته معاكى بس انا لو قلت للناس انى بحبك هيضحكوا عليا و هيقلولى بتحب واحده مش ف الدنيا بس انتى حاجه حلوه اوى لما يحصلك حاجه زى كده يبقى انتى انسانه نضيفه من جواكى و طيبه ارجوكى ردى عليا عايز اعرف منك اى اللى حصل ... انا بحبك جدا ي حبيبه حبيبتك اوى و بعدين بص ع حبيبه لقاها دموعها بتنزل قام بسرعه مسح دموعها و مسح دموعه وقال:انتى سمعانى ي حبيبه بجد انتى سمعانى طيب ردى عليا قولى اى حاجه قولى انا سامعك علشان خاطرى ردى عليا
فضلت حبيبه تحرك بوقها و تقول كلام مش مفهوم و ده تحسن كبير جدا لانه كان بدا يفقد الامل فيها
اسلام:انا سامعك ي حبيبتى قولى مين اللى عمل فيكى كده
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
يارب تكون عجبتكم
بقلم /سلمى اسامه

اسفه جدا ع التأخير ان شاء الله المواعيد زى مكانت ❤️🌏