صدمات القدر

البارت الثالث عشر ♥️

بسم الله الرحمن الرحيم
🌺🌺🌺🌺🌺🌺🌺🌺🌺🌺🌺🌺🌺🌺
الثالث عشر

خرجت حبيبه من الاوضه و هى شايله صنيه المشروبات و خارجه ب بسمه جميله و سرعان ما اختفت
حبيبه:انت..؟!
خرجت حبيبه لقت اسلام قاعد بره و معاه ناس غريبه و اطفال طبعا دول كانت اخته و جوزها و ولادها و باباها قاعد عادى و مبتسم
باباها:تعالى ي حبيبتى متتكسفيش
طبعا حبيبه كانت مستغربه دول ازاى موجدين و المفروض عمها هو اللى بيبقى موجود دخلت و قعدت جمب باباها
نور ب بسمه:انتى حبيبه قموره اوى ماشاء الله انا نور اخت اسلام و ده حازم جوزى و دول ولادى
حبيبه:اهلا بيكوا ...معلش ي جماعه هستأذن اخد بابا هقوله ع حاجه ونرجع تانى
حازم:اه طبعا اتفضلوا
خرجت حبيبه مع باباها
حبيبه:ممكن افهم فى اى انا مش فاهمه حاجه مش المفروض عمى هو اللى يبقى جوه
باباها:استنى هقولك
فلاش باك
باباها دخل المطبخ كانت الام بتخلص ف الاكل علشان الضيوف:ها خلصتى الاكل و لا لسه؟
الام:اه خلاص اهو كل حاجه خلصت
باباها:طب و حبيبه خلصت؟
الام:اه ناقص حاجات بسيطه
باباها:طيب ي حبيبتى
وبعدها خرج من المطبخ ع صوت التليفون اللى بيرن و اتفاجئ انه اخوه خالد
الاب:اى ي خالد عامل اى
خالد:الحمدلله تمام.. معلش انا بتعذر ليك مش هنقدر نيجى انهارده لان الواد كريم تعبان شويه و مش هنقدر نيجى
الاب:ليه كده بس الف سلامه عليه.. طب تعالى انت و هات الحاجه و تعالوا
خالد:لا معلش خليها مره تانيه
و ف نفس الوقت كان جرس الباب بيرن
الاب:طيب ي خالد مفيش مشكله ي حبيبى هقفل انا بقا علشان اشوف مين اللى على الباب
خالد:طيب ي حبيبى مع السلامه
و راح الاب يفتح الباب اتفاجئ ب دكتور اسلام
اسلام: اهلا ازى حضرتك ي استاذ وليد
الاب:اهلا ي بنى اتفضل
دخل اسلام و بقيت العيله و قعدوا ف الصالون و طبعا وليد مستنى تفسير بسبب انه جه انهارده
اسلام بصوت واطى:احم اتكلم ي حازم الله يحرقك
حازم:لا احنا متفقناش على كده
اسلام بنرفزه:وحيات امك
حازم:ايوه و بعدين انا نسيت القعده دى كانت بيتقال فيها اى انا متجوز من زمان
اسلام:ماشى ي كلب اما وريتك...احم احب اعرفك دى اختى نور و ده جوزها حازم و صديقى بردوا و دول ولادها محمد و سيليا
وليد ب بسمه: ماشاءالله ربنا يحفظهم
اسلام:ربنا يخليك.. ندخل ف الموضوع على طول بقا طبعا حضرتك مستغرب سر الزياره دى هو ف الحقيقه انا كنت جى و طالب ايد الانسه حبيبه
وليد ب صدمه:والله ي بنى انت فجأتنى والله .. انا اصلا مش عارف اقولك اى هو كان المفروض ابن عمها كان طالبها
اسلام:لا لا والنبى ي استاذ وليد انا بحب بنت حضرتك جدا و هى شخصيه محترمه جدا
وليد:والله ي بنى مش عارف اقولك اى عمتا هو القرار الاخير ل حبيبه
نور:ايوه بالظبط كده فين بقا عروستنا الحلوه
وليد:ثانيه واحده
باك
حبيبه:بس ي بابا انا مش عايزه حد ولا عايزه اتجوز
الاب:ف اى ي حبيبه هو انتى كل ما هيجيلك حد هتعملى كده حبيبتى انا مش هعيش اكتر ما عشت و عايز اطمن عليكى قبل ما يحصلى حاجه عمتا اقعدى معاه و بعد كده قولى رأيك
حبيبه:حاضر ي بابا
ودخلت حبيبه و قعدوا شويه و بعدها خرجوا ماعدا حبيبه و اسلام
اسلام:ازيك ي حبيبه
حبيبه:تمام الحمدلله ممكن افهم انت هنا بتعمل اى
اسلام: جى اطلب ايدك
حبيبه:بس انا مش موافقه و اعتقد كان قرارى وصلك قبل كده
اسلام:ي حبيبه افهمينى انا بحبك اوى و نفسى تكونى زوجتى ي حبيبه ادينى فرصه
حبيبه:بس انت عارف كويس اوى ان انا مش بحب حد ولا عايزه اقرب من حد
اسلام بعضب:انتى هتفضلى تعذبينى لحد امتى هتفضلى تكسرى ب خاطرى كل م اقولك ع حاجه ها قوليلى ي حبيبه ليه مش بتحسى بيا معندكيش قلب تحسى بقلبى اللى بيعشقك
حبيبه نزلت دموعها
اسلام و قد ضعف امام دموعها:خلاص ي حبيبه لو سمحتى متعيطيش انا اسف لانى اتعصبت عليكى
استمرت هى ف البكاء
اسلام:يا بنت الحلال يدخلوا دلوقتى يقولوا عملت فيها اى هتجبيلى بلوه
ابتسمت حبيبه على كلامه
اسلام:ايوه كده اضحكى خلى وشك ينور بدل النكد اللى احنا فيه ده
اسلام و هو يقرب منها:حبيبه ادينى فرصه صدقينى مش هخليكى تندمى ابدا والله انا بحبك اوى ي حبيبه لو سمحت ادينى فرصه
حبيبه و هى شافت الصدق فى عيناه: حاضر ي اسلام انا هدى فرصه لعلاقتنا بس ياريت تكون قدها
اسلام بفرحه: ان شاء الله
دخلت نور عليهم من غير استأذان
نور:ها ي جماعه هلبس فستان فى ليلتكوا دى
اسلام و خدها ف حضنه و بيتكلم ب فرحه:ايوه هتلبسى حبيبه وافقت
ابتسمت نور:مبروك ي حبيبى
جه حازم شد نور من حضن اسلام:بس ي بابا كده كخ
اسلام:اى الرخامه دى ياض
ابتسم حازم و خد اسلام ف حضنه:مبروك يا صحبى
اسلام:الله يبارك فيك ي باشا
حازم:يااا و اخيرا هخلص منك
خرج اسلام من حضن حازم:مفسد اللحظات السعيده يالا
حازم:ههههههههه
دخل الاب و خد حبيبه:مبروك ي حبيبتى
حبيبه:الله يبارك فيك ي بابا
مامتها:مبروك ي حبيبتى اخيرا هفرح بيكى
حبيبه:الله يبارك فيكى ي ماما
وقضوا اليوم و كان عباره عن ضحك و فرحه و بقا نور و حبيبه أصحاب و اسلام اتبسط من كده علشان مكنش عندها اصحاب وخلاص بقا ماشين
اسلام:يلا ي عمو نستأذن حضرتك احنا
وليد:ليه بس كده لسه بدرى
حازم:لا معلش مره تانيه بقا
وليد:خلاص ان شاء الله
نور:يلا باى باى ي حبيبه احنا دلوقتى بقينا اصحاب و معاكى رقمى كلمينى ف اى وقت اشطا يسطا
حبيبه:اشطا ي صحبى ههههه
اسلام بصوت واطى:كده بقا انا اتصل براحتى
حبيبه بنفس الصوت:ايوه بس مش براحتك اوى يعنى
اسلام بضحك:هههههه ماشى ماشى لما نشوف
***********
ف بيت خالد
وصل كريم البيت و كان الوقت اتأخر و كان باباه قاعد مستنيه
خالد:انت شرفت ي بيه
كريم:مساء الخير ي بابا
خالد:مساء الزفت ع دماغك اى البرود ده ياخى ولا كانك عامل مصيبه
كريم:عملت اى بس ي بابا
خالد:ولا حاجه فضلت مستنيك بس تيجى علشان نروح عند عمك علشان تطلب ايد بنته و حضرتك مجتش و قافل تليفونك
كريم:ايوا و مش هروح حتى لو حبيبه اخر بنت ع وش الدنيا حبيبه زى اختى و انا بحب اميره و هتجوزها
خالد:طيب علشان يكون ف علمك انا مش هخليك تتجوز البنت دى و لو مش حبيبه مش هيبقى حد تانى
كريم:بجد ..طيب و انا مش هستنى حضرتك تقرر مين اللى هتجوزها و هتجوز اميره غصب عن الكل
و سابه و طلع اوضته و دخلت مامته عليه لقته قاعد بيعيط
مامته:مكنش ينفع تعمل كده ي كريم كان ممكن تكلم بابا بهدوء و كان ممكن يفهمك
كريم ببكاء:انا اتكلمت معاه كتير و هو برضوا مش ف باله غير الفلوس اما ابنه الوحيد بيفكر ف اى او يفرح ابنه ازاى او لما ابنه يقوله خلاص قررت اتجوز و بحب واحده يفكر ازاى يحرمه منها هو طول عمره مش بيفكر فيا انا خلاص قررت اتجوز و سافر و حضرتك لو عايزه تيجى معايا اهلا وسهلا لو مش عايزه عادى هروح اطلب ايديها لوحدى انا مش مستنى حد
مامته بحزن:كده ي بنى بعد كل ده مش هروح مع ابنى الوحيد كده ي بنى انا مستحمله المر اللى انا عايشه فى ده علشانك فى الاخر تفكر كده فيا
قرب منها كريم و خدها ف حضنه:مش قصدى والله ي امى انا بس صعبان عليا نفسى
مامته:ولا يهمك ي ضنايا المهم خد معاد علشان تروح تطلب ايديها
كريم:حاضر يا امى
مامته:يلا ي حبيبى تصبح ع خير
كريم:وانتى من اهله ي حبيبتى
وخرجت مامته من الاوضه وراح غير هدومه و اتصلت ع اميره كالعاده
**************
روح اسلام و عيله الصغيره البيت و كانوا فرحانين كده اسلام و هو قاعد ع الكنبه
حازم:اخيرا ي بطه هتتجوز
اسلام:اخيرا ياختى والله انا لغايت دلوقتى مش مصدق ان حبيبه وافقت
حازم:اه صحيح قولى قولتلها اى علشان توافق علشان مكنتش سامع كويس
اسلام:هو انت كنت بتتصنت علينا
حازم:لا مهو انا معرفتش اسمع حاجه
اسلام:اه ي جزمه قديمه طب قايل حاجه
حازم:والنبى و النبى اللهى تحج ي شيخ
اسلام:خلاص انت هتشحت
و حكى كل حاجه ل حازم و حازم كانت قاعد و على وشه الصدمه
اسلام بضحك:مالك يالا انت اتلبست ولا اى
حازم:هو انت امتى بقيت كده
اسلام:بقيت اى
حازم:بقيت رومانسى كده انا قولت ي بنى انت مش هتتجوز من ساعه نهى
اسلام بتنهيده:والله انا ذات نفسى مش عارف انا بعمل كده ازاى مكنت قافل قلبى و قولت مش هحب تانى لقيت نفسى  بعشق حبيبه مش بحبها بس
حازم:يااااا جاااامد
اسلام:بس ياض
خرجت نور من المطبخ بعد ما حطت الاكل ع السفره
نور:ممكن بقا نبطل كلام و تيجوا تاكلوا
اسلام وهو بيقرب منها و بيحضنها:انا مش عارف ازاى كنت عايش من غيرك والله انا معدتى نشفت من كتر الاكل الجاهز
نور بحنان اخوى:يا قلب امك
حازم و هو بيقرب منهم:اى ي قلب امك انتى كمان و انت ي عم ابعد كده علشان هضربك
و قعدوا اتعشوا ف جو كله ضحك و هزار و اخيرا البيت اللى مكنش بيطلع منه صوت طلع من اصوات ضحك و هزار
🌺🌺🌺🌺🌺🌺🌺🌺🌺🌺🌺🌺🌺🌺
ي رب يكون عجبكوا
بقلم/سلمى اسامه