صدمات القدر

البارت التاسع❤️

بسم الله الرحمن الرحيم

اولا كل سنه و انتوا طيبين بمناسبه العيد
ثانيا المواعيد ان شاء الله كل سبت و تلات و خميس
ثالثا بقا يا جماعه مستخسرين فيا الفوت ليه ها هزعل والله 😂😂 انما بقا الناس اللى بتعمل فوت دى خدوا بوسه منى💋😂❤️ نبدأ بقا
🌺🌺🌺🌺🌺🌺🌺🌺🌺🌺🌺🌺🌺🌺
البارت التاسع

و راحت ناحية الباب و بتفتحه و اتفجأت بكلام اسلام
اسلام:انا عرفت كل اللى حصل قبل الحادثه
بصت حبيبه ع اسلام بصدمه:عرفت اى
قرب اسلام عليها:عرفت كل حاجه بس اللى مش عارفه اى اللى حصل لما نزلتى من البيت
حبيبه بتوتر و بتهرب من نظرات عيونه:محصلش حاجه ... كل اللى حصل ان انا عرفت ان واحده صحبتى توفت فمقدرتش استحمل الصدمه
اسلام بتصميم:لا مش هو ده اللى حصل .. حصل اى ي حبيبه اللى خلاكى توصلى للحاله اللى كنتى فيها
حبيبه بزعيق:يوووو قولتك محصلش حاجه و قولتلك ع اللى حصل عن اذنك انا ماشيه
و راحت ناحيه الباب و بتفتحه راح اسلام مسك ايدها:خلاص انا اسف مش هسألك ع حاجه خلاص بس ممكن تهدى و تقعدى شويه
حبيبه:لا انا مقولتش ل ماما ان انا هتأخر بعد اذنك مره تانيه
اسلام بتسرع:طب ممكن ناخد ارقام بعض بحيث اطمن عليكى يعنى
حبيبه:بصفتك اى تاخد رقمى
اسلام:بصفتى الدكتور بتاعك و انتى مريضه عندى
حبيبه:بس انا خفيت و مش مريضه دلوقتى
اسلام:لا انتى مريضه عندى لغايت معرف اى اللى عمل فيكى كده
حبيبه:تانى بردوا .. ماشى هديك الرقم ب لو سألتى عن حاجه تانيه هعملك بلوك و مش هتعرف توصلى
اسلام:خلاص و انا موافق
****************
و فعلا خدوا ارقام بعض و نزلت حبيبه ركبت عربيتها و بتفكر ف كلام اسلام ان هو مصمم يعرف الماضى بس هى مش عايزه تحكى لحد ع ماضى عايزه تعيشوا لوحدها و اتحركت بعربيتها و مشغله اغنيه ل فيروز
انا ل حبيبى
و حبيبى الى
يا عصفوره بيضه
لا بقى تسألى
لا يعتب حدا
ولا يزعل حدا
انا ل حبيبى و حبيبى الى
و وصلت البيت طلعت شقتها فتحت الباب
حبيبه:ماما انا جيت
مامتها:حمدلله ع السلامه ي حبيبتى
حبيبه:الله يسلمك ي ماما
مامتها:يلا اتخلى غيرى بسرعه قبل م ابوكى يجى و يعرف انك نزلتى علشان ميزعقش
حبيبه:حاضر هدخل اغير بس انتى والنبى خلصى الاكل علشان جعانه اوى
مامتها:حاضر ي حبيبتى
دخلت حبيبه اوضتها و غيرت هدومها و مسكت المذكره و فتحتها و شافت اخر حاجه كتباها و افتكرت ليله الحادثه و صعبان عليها نفسها ان خلاص مبقاش ليها أصحاب و فكرت انها لازم ترجع ل حياتها الطبيعيه من تانى و تبدا تنزل الجامعه من تانى علشان تلحق الامتحانات و قررت تفتح الموضوع ده مع باباها لما يرجع و بعدها خرجت من الاوضه تشوف مامتها
*****************
عند اسلام ف المستشفى قاعد ف مكتبه و بيفكر ازاى يكلم حبيبه ازاى يخلى حبيبه تحكيلوا على اللى حصلها و ازاى يعترفلها بحبه مش عارف يعمل و بعدها افتكر انه سايب نهى ف البيت
اسلام:هى نقصاكى انتى كمان ... مش عارف هعمل اى معاكى والله ي نهى مش كان كل واحد راح ف طريقه
اتنهد تنهيده طويله و بعدها خد الچاكيت بتاعه من ع الاكنبه و خرج و نزل ركب عربيته و راح ع البيت و بعد حوالى نص ساعه من الوقت وصل اسلام بيته ركن عربيته و طلع شقته و اتعمد يرن الجرس علشان ميفتحش الباب فجأه خرجت نهى من المطبخ ع صوت الجرس و بصت من العين السحريه و بعدها فتحت الباب
اسلام:ازيك ي نهى
نهى:ازيك ي اسلام عامل اى
اسلام:تمام الحمدلله و بعدها قعد ع الكرسى :هاا اى اخبارك دلوقتى
نهى:احسن الحمدلله ... انا فكرت هعمل اى
اسلام بأستغراب:هتعملى اى!
نهى:هسافر عند خالتى ف كندا .. انا مش هينفع اقعد هنا تانى انا هسافر هناك و منها اعيش عندها و منها اشتغل بره
اسلام:طب فكرى كويس بدل متندمى
نهى:لا انا ندمت مره واحده بس مستحيل اندم تانى
اسلام:خلاص براحتك شوفى عايزه تسافرى امتى علشان احجزلك الطياره
نهى:ياريت ي اسلام لو ينفع انهارده انا مش عايزه اقعد هنا تانى و متقلقش اسافر بس و هبعتلك مصاريف التذكره بتاعت الطياره
اسلام:اى اللى انتى بتقوليه ده انتى عبيطه ي بنتى مفيش الكلام ده احنا اخوات و لازم نقف ف ضهر بعض
نهى بحرقه:اه طبعا اخوات
اسلام:تمام انا هنزل احجزلك الطياره و انتى اجهزى علشان معادها
نهى:تمام و انا هبقى معاك ع الخط
اسلام:تمام يلا سلام عليكم و فتح اسلام الباب و نزل ركب عربيته
اسلام:اه طبعا اخوات هو انتى فكرانى ينفع نرجع زى زمان لا اللى فات ينفع يتنسى و لا اللى اتكسر ينفع يتصلح و اتحرك اسلام بعربيته
***************
صحى تامر من النوم ع صوت تليفونه و كان مسعد
تامر:ايوه ي زفت
مسعد:ايوه ي باشا ف اخبار جديده
تامر:اخلص قول
مسعد:نزلت الصبح راحت المستشفى و بعدها طلعت ع البيت
تامر:متعرفش راحت ليه
مسعد:لا والله ي باشا
تامر:اومال انت لازمتك اى ... خلاص اقفل و اى حاجه جديده قولى
مسعد:تحت امرك ي باشا... بس معلش الواد ابنى تعبان و عايز
قاطعه تامر كلامه:عدى عليا ف البيت و هديك مبلغ حلو بس وحيات عيالك بلاش شغل الشحاته ده
مسعد:تحت امرك ي باشا يلا بسلامه انت
قفل تامر مع مسعد و بص حواليه و سمع صوت حد ف حمام الاوضه و قام وخبط ع الباب
نادين بصوت عالى نسبيا:ثانيه ي حبيبى و الحمام هيبقى فاضى
تامر:طيب، رجع تامر قعد ع طرف السرير و مسك موبايله و اتصل ب حد
تامر:لازم الصفقه دى تتم
رجب:متقلقش ي باشا
تامر:عارف لو الموضوع ده تم هنتنقل نقله تانيه خالص و انت هتعمل اللى انت عاوزه
رجب:حاضر ي باشا كل حاجه ف السليم
تامر:طيب اقفل انت و اى جديد كلمنى
رجب:من عنيا ي باشا
خرجت نادين من الحمام:اى ي حبيبى صحى النوم
تامر:صباح الخير
نادين:اى كنت بتكلم مين ع الصبح كده
تامر:كنت بتكلم مكالمه شغل ي نادين
نادين:طيب ي حبيبى يلا ادخل انت خد دوش و عقبال م خليهم يجهزوا الفطار تحت
تامر:طيب ماشى و بعدها دخل تامر الحمام و هى واقفت قدام المرايه و حطت يدها على بطنها:لازم انهارده اروح اتأكد اذا كان فى بيبى ولا مفيش و بعدها نزلت تحت
*****************
فى المساء
اسلام بيكلم نهى ف التليفون و هو سايق عربيته: ايوه ي نهى بصى الطياره معادها الساعه 9 يلا اجهزى علشان اجى اخدك
نهى:لا انا جاهزه من الصبح تعالى يلا علشان مش عايزين الطياره تفتنا
اسلام:خلاص ماشى يلا سلام
***************
عند دكتور نساء و توليد
نادين:ها ي دكتور
الدكتور:مبروك ي مدام انتى حامل
نادين بفرحه:بجد ي دكتور .. والله انا مش مصدقه نفسى
الدكتور: الف مبروك ي مدام و بعدها قام سبها علشان تقوم من ع السرير و بعدها قامت نادين و قعدت قدامه ع الكرسى
الدكتور:دى الادويه و موعدها و اهم حاجه تداخد ف انتظام
نادين:ان شاء الله ي دكتور حاضر و بعدها خدت شنطيتها و خرجت
*****************
تامر:جهز اللى قولتلك عليه
الشخص:امرك ي باشا
بعدها قفل تامر :و كده اكون خلصت من اول عصفور
🌺🌺🌺🌺🌺🌺🌺🌺🌺🌺🌺🌺🌺🌺
ي رب يعجبكم
بقلم/سلمى اسامه

اشوفكوا ان شاء الله يوم التلات