صدمات القدر

البارت السادس ♥️

بسم الله الرحمن الرحيم

قبل اى حاجه ممكن تدوسوا ع النجمه اللى تحت و ف الاخر سيبوا رأيكوا ف الكومنتات و شير ل اصحابكوا
كل سنه وانتم طيبين ♥️
🌺🌺🌺🌺🌺🌺🌺🌺🌺🌺🌺🌺🌺🌺
البارت السادس

حبيبه:لا والله انا بس واحشنى البيت و عايزه ارتا... و فجاه حبيبه بتبص ع بابا الاوضه و بتتخض من الشخص ده و لسه هتصرخ راح الشخص اختفى اللى لاحظ حبيبه اسلام لانها كانت بتتكلم معه
اسلام و هو بيبص على المكان:ف حاجه ي حبيبه
حبيبه:لا لا مفيش
باباها:خلصتى ي حبيبتى خلاص احنا خلصنا
حبيبه:اه ي بابا تمام
اسلام: تحبوا اوصلكوا انا معايا العربيه بتاعتى
باباها:لا ي بنى متتعبش نفسك احنا معانا العربيه يلا بعد اذنك
و نزلوا تحت و ركبوا العربيه و اسلام متابعهم من الشباك اللى ف اوضته حبيبه و زعلان جدا انه مش هيشوفها تانى
______________________________________
ف مكان تانى
تامر:عينك متتشلش من عليها لازم اعرف عنها كل حاجه
محسن:متقلقش ي باشا هى اول مره يعنى
تامر:يعجبنى فيك ي محسن انك واثق من نفسك
محسن:عيب عليك ي باشا يلا سلام بقا
و قفل معه و قال: لازم ارجعك ليا تانى ي حبيبتى لازم و اخلص منهم كلهم و تبقى ليا لوحدى و ملكى ليا
______________________________________
روحت حبيبه و اهلها البيت
حبيبه:يا كان البيت واحشنى اوى
مامتها:ي حبيبتى حمدالله على السلامه ي حبيبتى نورتى بيتك من تانى
حبيبه:حبيبتى ي ماما ربنا يخليكوا ليا ي رب
باباها:وانا بقا مليش من الحب جانب و لا اى ي ست حبيبه
جريت عليه و خدته ف حضنها
حبيبه:انت اللى ف القلب ي بابا
باباها:ربنا يخليكى ليا ي حبيبتى
حبيبه:و يخليك ليا ي بابا
مامتها:يلا ي حبيبتى ادخلى غيرى هدومك عقبال معمل الاكل
حبيبه:حاضر ي ماما بعد اذنكوا
دخلت حبيبه الاوضه و قعدت ع طرف السرير و بدأت تفتكر اللى حصل و تعيط جامد
______________________________________
فلاش باك
و لقت الباب مفتوح شويه دخلت من غير صوت و دخلت عند الاوض كلها مفتوحه معادا واحد فتحت الباب حته بسيطه جدا و شافت تامر مع نادين ف وضع يمنع فيه الكلام و اتصدمت ف حبها و اتصدمت ف صاحبتها و عشره عمرها و ضاع كل الاحلام اللى حلمتها ازاى دول يعملوا كده و بعدين طلعت تجرى بسرعه اتخبطت ف التربيزه و عملت صوت
نادين: تامر ف حد بره
تامر:مين بس اللى بره بس ي روحى
نادين:والله بتكلم جد ف حد بره
تامر:حاضر ي نادين هقوم اشوف بس خليكى هنا
وخرج تامر لقا باب الشقه مفتوح راح قفله و رجع تانى الاوضه  تامر:قولتلك مفيش حد ده الهوا زق الباب
نادين: طيب اصلى اتخضيت
تامر:تعالى هنا بقا نكمل كلامنا
______________________________________
نزلت حبيبه تجرى ع السلم مش مصدقه و مش مستوعبه اللى حصل من اقرب اتنين ليها ركبت عربيتها و مشيت ع الطريق السريع فضلت تعيط و تصرخ بكلام:ليه ي تامر تعمل فيا كده ده انا حبيتك من قلبى فالاخر يحصلى منك كده ده انت اول حب ف حياتى و انتى ي نادين تعملى فيا كده ده انتى مكنتيش بس صحبتى لا ده انا كنت بعتبرك اختى و كل حاجه ف حياتى ده انتى لما كنتى بتحتاجى حاجه كنت انا اول الناس اللى بقدملك المساعده حرام عليكوا والله حرام عليكوا دمرتونى و بوظتوا حياتى و كانت بتعيط جامد فجأه العربيه خرجت عن سيطرتها و مكنتش شايفه من كتر الدموع و كان ف عربيه  كبيره معديه خبطت فيها وهى دى الحادثه بتاعت حبيبه
______________________________________
باك
حبيبه عماله تعيط و فجأه بابا الاوضه خبط
حبيبه:ثانيه واحده
مامتها:يلا ي حبيبتى الاكل جاهز
حبيبه:حاضر ي ماما جايه
قامت حبيبه مسحت دموعها بوجع كبير جدا و غيرت هدومها و خرجت تاكل مع اهلها
حبيبه ب ابتسامه مزيفه:اهلا اهلا بالحلوين
باباها:تعالى ي حبيبتى يلا عايزك تكلى كل الاكل ده كله ده امك عامله كل الاكل اللى انتى بتحبيه
حبيبه:حبايب قلبى ربنا يخليكوا ليا
مامتها:ويخليكى لينا ي حبيبتى يلا كلى قبل م الاكل يبرد
و قاعدوا يكلوا ف صمت و حبيبه سرحانه
باباها:اى ي حبيبتى مش بتاكلى ليه
حبيبه:لا ي بابا باكل اهو
باباها:قوليلى ي حبيبتى اى سبب الحادثه انتى من ساعت الحادثه واحنا مش عارفين السبب
مامتها:و اى لازمه السيره دى دلوقتى المهم انها كويسه و معانا
باباها:طبعا الحمدلله بس اى برضوا السبب
حبيبه بتوتر:مفيش ي بابا انا كنت ماشيه ع الطريق و مختش بالى من العربيه اللى قدامى راحت العربيه لافه و اتخبطيت فيها و اتقلبت
باباها:و اى سبب الحاله اللى انتى كنتى فيها
حبيبه اتوترت جدا مش عارفه تقوله اى: اصل ي بابا كان ف واحده صحبتى اتوفت ف اليوم ده و كنت بحبها بس فا موتها اثر فيا
باباها:الله يرحمها ي حبيبتى
حبيبه:الله يرحمها
باباها:المهم ان انتى معانا دلوقتى بس لازم مش اى حاجه تأثر ف نفسيتك لازم تكونى قويه لاى ظرف ممكن تتحطى فيه
حبيبه:حاضر ي بابا.... انا شبعت تسلم ايدك ي ماما بعد اذنكوا
مامتها:اى ي حبيبه ده اسمه كلام فين الاكل اللى انتى كلتيه ده
حبيبه:والله ي ماما مش قادره اخد نفسى كلت كتير جدا ده انتوا بعد كده مش هتلحقوا عليا
مامتها:بالهنا و الشفا ي حبيبتى يلا ادخلى ريحى نامى ع سريرك اكيد وحشك
حبيبه:اه والله ي ماما يلا تصبحى ع خير
اهلها: وانتى من اهله
دخلت حبيبه اوضتها و فضلت تفكر ف اللى فات و نامت بعد تفكير كتير
______________________________________
ف مكان تانى
تامر و هو قاعد ماسك السلسله بتاعت حبيبه: وحشتينى ي حبيبتى ممكن اكون ف الاول كنت بستغلك بس دلوقتى انا بحبك بجد فاكره السلسله دى خدها ازاى
و بيرجع ب افكاره
🌺🌺🌺🌺🌺🌺🌺🌺🌺🌺🌺🌺🌺🌺
ي رب يكون عجبكوا
بقلم/سلمى اسامه