THERD(ثيرد)

السحر الفرعوني

مفيش ثيرد

بهزر بهزر

مبدأيا محدش بجرب الكلام ده

مش مصدقين ابحثوا عنه حتلاقو ان الناس بتقول محدش يجربه

اللهم بلغت اللهم فاشهد

اللهم اني بريئه من اي شئ حتعملوة سواء حذرت عليه وله لا

خلصتوا فقره الشتيمه والدعا

ياله انجوي مش حقرفكو...<تبتعد وتنظر لكم بصمت>

_Thread_
السحر الفرعونى.
*ف الاول كده لازم نعرف ان السحر الفرعوني تم وصفه بأنه اخطر م السحر الاسود او سحر الفودو و النوع ده كان بيسمي بالسحر الاسود الفرعوني..و النوع التاني اسمه السحر الابيض الفرعوني او الدفاعي..و ده كان بيستخدم ف اغراض الخير بس*
: *السحر ده كان علم عند المصري القديم و اللي كانوا بيعملوا السحر كانوا علماء.. و موجود اية من القرآن بتثبت وجوده منذ عهد المصريين القدماء*
*بسم الله الرحمن الرحيم "وَقَالَ فِرْعَوْنُ ائْتُونِي بِكُلِّ سَاحِرٍ عَلِيمٍ" صدق الله العظيم*
*السحر ف مصر القديمة كان مقتصر علي الكهنة فقط..و ع الرغم ان علماء الاثار حققوا الالاف من الاكتشافات الاثرية إلا ان موضوع السحر مازال غامض و مش معروف عنه كتير و يعتبر من اهم الاسرار الفرعونية*
: *البعض بيقولوا ان لعنة الفراعنة هي نوع من انواع السحر و خاصة بعد وجود العبارات التحذيرية علي معظم مقابر الملوك و اشهرها كانت مقبرة الفرعون الذهبي توت عنخ آمون و اللي لقوا الجملة دي ع مقبرته*

*سيضرب الموت بجناحيه السامين كل من يعكر صفو الملك*
*السحر كان مقتصر ع الكهنة بس لكن برضو ممكن شخص م العامه يمارس السحر لكن بشروط صعبة جدا م الكهنة و شبه مستحيلة..يقال ان الكهنة كانوا بيستخدموا السحر الاسود علشان يعاقبوا اللي مش بيقدموا قرابين للألهة و كان بيستخدموا لغة الجن "السيريانية"*
*عدد كبير جدا م الابحاث اشارت ان مصر المهد الاول لطقوس السحر وطقوس التنشئة اللي كان بيعملها الشخص عشان يبقى كاهن و كان بيقوم بيها نوع معين من الكهنه كان بيعرف ب اسم السحرة او العرافين*
*حسب كتاب دكتور زاهي حواس جنون اسمه الفراعنه.. و اللي قال فيه ان الفراعنه بيأمنوا نفسهم في رحله الذهاب للحياه الابديه عن طريق انواع مختلفه من السحر.. و ده السبب في اننا بنلاقي نصوص و كلمات مش مفهومه على جدران بعض المعابد مثل مقبره الملك اوناس اخر ملوك الاسره ال5*
*وكان الغرض من النصوص دي انها تحمي المقبره و صاحب المقبره اللي هو الملك نفسه و الكنوز بتاعته.. بعض علماء الاثار كمان قالوا ان النصوص دي فقدت القيمة السحرية بتاعتها بعد مرور كل المده دي*

*النصوص الموجوده على مقبره الملك اوناس معروفه باسم متون الاهرام او نصوص الاهرام.. وهي عباره عن تراتيل دينيه و سحريه موجوده في غرفه الدفن الموجوده اسفل الهرم*
: *كان لازم على الملك او المتوفي انه هو يحفظ النصوص دي عشان يعبر من البوابات الخاصه بالعالم الاخر و ينتقل ل حقول الايار اللي بتوزاي الجنة ف المفهوم بتاعنا.. وكمان كانت بتحميه من الوحوش و الثعابين اللي موجوده في العالم الاخر*
*و يقال كمان ان النصوص دي كانت بتساعد الشخص او الملك المتوفى ان هو يستخدم اشعه الشمس زي الحبال عشان يصعد على الجبال بسهولة.. كمان الطريقه اللي اتكتبت بيها نصوص الاهرام كانت غريبه جدا..زي مثلا الاشخاص بنلاقي الجسم منفصل عن الرأس و الاطراف*
: *دكتور زاهي حواس ذكر ف احدي كتبه عن اشهر القصص المرتبطة بالسحر و اهمها قصة الكاهن اللي زوجته خانته و قصة خوفو و السحرة و قصة سنفرو مع الكاهن اللي شق المياه*
السلام عليك أيها الإله الأعظم إله الحق. لقد جئتك يا إلهي خاضعًا لأشهد جلالك، جئتك يا إلهي متحليًا بالحق، متخليًا عن الباطل، فلم أظلم أحدًا ولم أسلك سبيل الضالين، لم أحنث في يمين، ولم تُضلني الشهوة فتمتد عيني لزوجة أحد من رحمي، ولم تمتد يدي إلى مال غيري، لم أكن كاذبًا، ولم أكن لك عاصيًا، ولم أسعَ للإيقاع بعبد عند سيده.
: إني يا إلهي لم أُجِعْ ولم أُبْكِ أحدًا، وما قتلت وما غدرت، وما كنت محرضًا على قتل، إني لم أسرق من المعابد خبزها ولم أرتكب الفحشاء ولم أدنس شيئًا مقدسًا، ولم أغتصب مالًا حرامًا ولم أنتهك حرمة الأموات، إني لم أبِعْ قمحًا بثمن فاحش ولم أغش الكيل. أنا طاهر، أنا طاهر، أنا طاهر. وما دمت بريئًا من الإثم، فاجعلني يا إلهي من الفائزين".