طالاما نزلت النهاردة يبقي مش هقدر أنزل الجمعة وهنزل السبت بإذن الله.
بارت³⁴«الجزء الثاني».
لـ"روح الزين"²«.
بقلم منارجمال"شجن".
«في ڤيلا عاصي».
عاصي قاعد يقرأ كتاب في الِـ leaving room ومايا قاعدة جنبه وعيونها عليه وسرحانة في ملامحه وتفاصيله وبعد وقت عاصي بص ليها وابتسم.
عاصي: مالك بتبصيلي كدا ليه؟.
مايا انتبهت ليه وقربت منه وضمت إيديه برقة.
مايا: اقولك ولا تزعل مني وندبها خناقة كالعادة.
عاصي حط ايديه علي خدودها بخفة وابتسم.
عاصي: قولي اللي إنتِ عايزاه، هفضل سامعك أيوه بنتخانق بس دا ميمنعش إنك تحكيلي اللي جواكي ومتخبيش وتكتمي.
مايا اتنهدت براحة من كلام عاصي وحنيته اللي مش بتقل بل بتزيد والأمان اللي بتحس بيه دايمًا من كلامها معاه، ضمته زي الطفلة الصغيرة وبتتكلم بحزن.
مايا: نفسي في بيبي شبهك يا عاصي، عايزة حاجة منك وتربطني بيك.
عاصي ضمها ليه بحنان واتكلم بوجع.
عاصي: إحنا عملنا اللي نقدر عليه ومفيش فايدة، وبعدين هو لازم يكون عندنا أطفال عشان تربطني بيكي إنتِ شايفة إني ممكن أبعد عنك بعد السنين دي كلها وانتِ عارفة انه مش فارقلي الموضوع دا أصلا.
مايا بعدت عن حضنه وبصت ليه برجاء وكسرة.
مايا: طيب سيبني الجأ لدكاترة برا ونشوف حل.
عاصي اتنهد بضيق: قولتلك لأ قبل كدا لو ربنا رايد نخلف هنخلف.
مايا بدموع: يا عاصي افهمني إنت ليه خايف.
عاصي بإصرار: مايا قولت لأ وهيفضل دا رائي لأ يعني لأ.
مايا اتعصبت: وأنا عايزة بيبي يا عاصي مش عشان حصلت معايا حادثة بسيطة تسببلك كل الانانية دي في إنك تحرمني من الخلفة نهائي.
عاصي: عشان كفاية عليا اللي شوفته من الحادثة اللي حصلت ليكي ومش هستحمل اعيش الخوف دا تاني شايفة انها حادثه بسيطة صح كنتي بتموتي وتقوليلي بسيطة أنا مبقتش فاهمك يا مايا.
مايا بكسرة: طيب نتبني طفل من ملجأ روح وزين.
عاصي قام من مكانه: أنا مش عايز اشيل اسمي لحد مش مني ونبقا اب وام بالاسم بس ومنعرفش الطفل دا هيعمل فينا إيه لما يكبر علي ايدينا واحتمال يكون طماع ويئذينا.
مايا وقفت ومسكت ايديه: أنا بجد تعبت ليه بتحرمني من حاجة نفسي فيها يا عاصي.
عاصي اتعصب جدًا: مايااا قولت كفاية تقدري تروحي الملجا زي عادتك وتقضي يومك هناك كالعادة ممنعتكيش لكن انك تفرضي عليا نجيب طفل يعيش معانا هنا لأ وألف لأ اقفلي علي الموضوع دا بقا ومش لازم كل ليلة ننكد علي بعض بسبب الحكاية دي وانتِ عارفة كويس ردي بيكون إيه دايمًا.
أنت تقرأ
روح الزين( الجزء الثاني)
Mystery / Thrillerجاءت لهذه الحياة حتي تُعاني وتتألم؛ ولكن أتيٰ ذاك الفارس الزين الذي فاق حبه لها كُل المقاييس والحدود، ولم يتركهم الشر ابدًا وظل يحاوطهم تُريٰ إلي متي سيصمدوا.
