البارت الأخير من روح الزين الجزء الثاني هينزل يوم الاثنين بإذن الله والحمدلله قدرت أكتب وأنزل قبل السبت اهوه البارت الِـ قبل الأخير، صلوا على شفيعنا أولًا ﷺ.
بارت³⁵«الجزء الثاني».
لـ"روح الزين"²«.
بقلم منارجمال"شجن".
«في ڤيلا زين».
زين: روح.
روح بجمود: عايزة بنتي.
زين بحزن: هنرجعها بس فوقي.
روح بصت ليه: هي كويسة يا زين مش كدا.
زين غمض عيونه بألم علي حالة مراته اللي بقت في النازل ومش عارف يعملها إيه.
زين: أيوه عندك شك في قوة بنتك.
روح بدموع: لأ.
زين: إنتِ أكتر حد عارف فريدة وشخصيتها عاملة إزاي وهي جيش كامل بحالها وبتقدر تدافع عن نفسها.
روح: بس دي بنتي ومش معقولة مبقاش خايفة عليها وهي مختفية الأيام دي كلها ومعرفش عنها حاجه.
زين: حقك تخافي عليها، بس هي مبتخافش هي فريدة من نوعها لو تعرفي ومستحيل فريدة حد يقدر عليها بعد التدريبات وكل حاجة اتعلمتها علي يد أكبر مدربين في النادي والجيم دا غير توجيهات ياسين ليها والظباط اللي كانت معاهم دايما وبتخرج في المهمات الرسمية زي الظابط بالظبط في اجازاتها.
روح اتنهدت بوجع وحطت إيدها علي راسها.
روح: أنا قلقانة يا زين.
زين قرب منها وضمها لصدره ومكانها المناسب اللي مش لغيرها ودايمًا ليها لوحدها وبترتاح فيه وبتنام زي الطفلة الصغيرة في حضنه.
زين: كل حاجة هتبقي تمام.
روح غمضت عيونها وسكتت بس قلبها أطمن وارتاحت.
فون زين بيرن وشافه وكان عبدالله وحاول يبعد عن روح بس هي اخدت بالها وبصت ليه باستغراب.
روح: مين بيتصل بيك في وقت زي دا؟.
زين: دا عبدالله.
روح بلهفة: طب رد يمكن وصل لفريدة.
زين حس انه مكالمة عبدالله دي وراها حاجة تقلق ومش عايز روح تسمعها بص ليها وفتح عليه وعمل نفسه مش سامع عبدالله كويس.
زين: الو.
عبدالله: زين إنت صاحي عايز اتكلم معاك ضروري.
زين بص لروح واتكلم: أيوه أيوه بس أنا مش سامع حاجه لحظة شكله عيب شبكة عندي استني.
قام زين وروح قامت وراه وبص ليها.
زين: إنتِ رايحة فين؟.
روح: هطمن اشوف عبدالله عمل ايه؟.
زين: مفيش جديد هو بس حابب يعرف طبيعة شغلي والناس اللي حاولوا يئذوني قبل كدا عشان يتأكد لا تكون فريدة معاهم ولا حاجه، نامي إنتِ وارتاحي.
أنت تقرأ
روح الزين( الجزء الثاني)
Misterio / Suspensoجاءت لهذه الحياة حتي تُعاني وتتألم؛ ولكن أتيٰ ذاك الفارس الزين الذي فاق حبه لها كُل المقاييس والحدود، ولم يتركهم الشر ابدًا وظل يحاوطهم تُريٰ إلي متي سيصمدوا.
