بونسوار يهوانهم 👀❤.
حلقة خفيفة اهي عشان بتقولوا كفاية نكد واكتئاب.. مع اني بعمل دا لمصلحتكوا عشان الجفاف العاطفي خوفًا عليكوا استحملوا بقا الحلقة دي بكمية الهييح اللي فيها 😂❤.
بارت¹⁵«الجزء الثاني».
لـ"روح الزين"²«.
بقلم منارجمال"شَجَنْ"«.
زينب بتفاؤل: قوة الترابط اللي بينها وبين زين اللي هترجعها..لو الكل حاول يبعدهم ومكتوب ليهم يرجعوا لبعض..ربك هيدبر كل شيء عشان يتلاقوا من تاني..ودا اللي هيحصل..مهما طال الزمن حب زين وروح هيستمر.
الجارحي اتنهد بأمل انتعش جواه وساب زينب ومشي..
قمر صحبة ياسمين بالفعل جت لياسين وحاولت تقرب منه بس منعها ولما ملاقتش منه فايدة سافرت.. حورية خرجت وجواها حرب وبتفتكر كلام زينب ليها هي ممكن تكون حد تانى فعلًا وتبقي احسن من كده وتسيب الكل في حاله.. بس بعد ما تعبت من التفكير الشيطان كان هو المنتصر انها لأ مش هتسمح انها تكون ضعيفة وهتفضل زي ما هي وتمشي في طريقها وتحاول تكسب قلب زين زي ما هي مخططة من زمان.
علاقة ياسين وياسمين، سليم ورزان مستقرة جدًا وخالية من المشاكل..
شادي لسه الحرب قايمة جواه وعايز يلاقي حل.. خالد وسارة عايشين مبسوطين وبيجهزوا في شقتهم عشان يتجوزا.. الجارحي وحفصة بينهم حب كبير ودايما واقفين وساندين ولادهم وبيحموهم... أما زين فَـ حالته بتزيد في اشتياقه لمراته وبنته ولسه عايش علي ذكراهم.. بس بقا يشغل نفسه في شغله كتير جدًا وفي النادي والجيم وبيعمل تمارين مكثفة في كمال الأجسام وتقريبًا مبيدخلش البيت غير وقت النوم وبس وعلطول منعزل وعلطول بيهرب في شغله من التفكير.. بقا عبارة عن روبوت بيتحرك وعايش والسلام ومش حاسس بحاجة حواليه ونسي ازاي يضحك ودايمًا ملامحه جامدة وكلها جدية..
عدت شهور وجوري خلصت امتحاناتها ونجحت بمجموع عالي وهتدخل إعلام اللي بتحلم بيها من زمان.. وجي معاد عيدميلادها نفس معاد الحفلة ومع انشغالها بترتيبات الحفلة نسيت ان عيدميلادها النهاردة.. بس شادي والجارحي متفقين يفاجئوها..
بما ان شادي عارف جوري وحافظها فَـ هو أكتر واحد عارف هي بتحب ايه ووصل لفكرة مع الجارحي انهم يصمموا ليها فستان إلسا بطلة الفيلم الكرتوني Frozen. الجارحي عجبته الفكرة وكلم مصمم ازياء وبالفعل اتصمم الفستان ليها.. واختار لحفصة فستان يليق بيها وبسنها وبرضوا اتصمم مخصوص ليها.. أما سارة فَـ خالد هو اللي قال للمصمم علي الشكل اللي هو عايزوا وبالفعل اتصمم الفستان ليها بنفس الشكل..
جي معاد الحفلة وجوري لسه بترتب فيها في قصر الجارحي وبتابع الناس اللي موجودة وكل حاجة ماشية تمام ولا لأ وبتشرف عليهم وعايزة الحفلة الكل يتكلم عليها وعلي جمالها.. سارة وحفصة مع بعض والجارحي جابلهم ميكب ارتست في القصر وابتدت تجهزهم، وجاب واحدة تانية مخصوص لجوري وشادي اتفق معاها انها تطلعها بشكل إلسا بالظبط.. بس جوري لسه مشغولة ورفضت تجهز دلوقتي وقالت لما تطمن ان كل حاجة جاهزة.. اتنهد شادي وراح عندها وكانت واقفة مع واحد بيزين جنينة القصر بالورود.
أنت تقرأ
روح الزين( الجزء الثاني)
Misterio / Suspensoجاءت لهذه الحياة حتي تُعاني وتتألم؛ ولكن أتيٰ ذاك الفارس الزين الذي فاق حبه لها كُل المقاييس والحدود، ولم يتركهم الشر ابدًا وظل يحاوطهم تُريٰ إلي متي سيصمدوا.
