روح الزين( الجزء الثاني)

بارت²⁶لـ"روح الزين"²«.

بارت²⁶«الجزء الثاني».
لـ"روح الزين"²«.
بقلم منارجمال"شجن".

وصل زين وروح وأحمد المستشفي وأول ما دخلوا كان فيه حراسة كتيرة جدًا تبع الجارحي، روح بصت قصادها وشافته واقف حيران جدًا وقلقان والخوف ظاهر علي ملامحه.. الدكاترة اسعفوا زين وبص ليه الجارحي بصدمة وشاف روح جنبه وماسكة إيديه.. جري عليهم بقلق.

الجارحي بلهفة: زين مالك حصل ايه،(بص لروح) إنتِ روحتي فين فجأة واختفيتي إزاي تعملي حاجه زي كدا.

زين: متقلقش إحنا كويسين.

سليم وياسين جريوا علي زين بخوف.

ياسين: زين مالك حصل ايه؟.

سليم قرب منه: إنت كويس.

زين اتنهد: سليم تعالي خرجلي الرصاصة دي مش قادر.

سليم بصدمة: تعالي طيب أدخل قدامي.

دخل زين بتعب وياسين وراه.
روح بصت للجارحي وهو مخنوق وزعلان منها، ابتسمت ليه وضمته ببراءة.

روح: أنا أسفة.

الجارحي بضيق: وانا مش هقبل أسفك.

روح بصت ليه بحزن: عارفه إني خوفتك عليا بس زين كمان كنت مرعوبة عليه وعملت كدا بدافع الحب والخوف.

الجارحي لف ومبصش ليها وربع إيديه.

الجارحي: وأنا كمان كنت خايف عليكي وعليه وكنت هعمل المستحيل عشان اوصل لزين لكن إنتِ معملتيش كدا إنتِ زودتي الخطر عليه وعلينا وكنتي غبية.

روح لفت ووقفت قصاده: بابا والله انا مكنتش هقدر استني، حورية كنت خايفة منها عليه لا تعمل فيه حاجة، دي هي اللي ضربته كدا.

الجارحي: وأنتِ اللي كنتي هتنقذيه؟.

روح بحزن: أكيد انا كنت عايزة اكون معاه والحقه واطمن عليه.

الجارحي: برضوا مش مقتنع.

روح مسكت إيديه وباستها: أنا اسفة.

الجارحي قلبه حن جدًا ليها واتنهد بنفاذ صبر وقرب من جبينها باسها بحب.

الجارحي: بلاش تتصرفي بعفوية ومن دماغك بالشكل دا.

روح بابتسامة: حاضر.

ضمها ليه جدًا: كنت هموت من الخوف عليكي.

روح بحب: أنا كويسة والله، زين أماني يبابا ومهما حصل ليا أنا مطمنة معاه حتي لو بموت.

الجارحي: ربنا يسعدكم.

روح شدته من إيديه ودخلت لزين تطمن عليه وشافته بيتألم جدًا ويصرخ وسليم بيخرج ليه الرصاصة.

روح بدموع: ز ز زين.

زين بص قدامه شاف روح خايفة جدًا عليه وبتبكي وابتسم ليها وبيحاول يداري وجعه وهمس لسليم.