روح الزين( الجزء الثاني)

بارت²⁵لـ"روح الزين"²«.

دِ حلقة الجمعة واحتمال منزلش يومها أو ممكن أكتب وانزلوا متأخر شوية أو يوم السبت.
بارت²⁵«الجزء الثاني».
لـ "روح الزين" «.
بقلم منارجمال"شَجن".

وتأتي الشدائد من كُلِ جانب لهُم، إليٰ متىٰ سَيصمُدواْ في سبيلُ الحُبّ السرمدي!…

«في بيت أهل رزان».

ضامة إبنها وبتبكي علي حالها واللي حصل بينها وبين سليم والتعب ظاهر جدًا علي ملامحها وبقت بهتانة.
دخلت أمها وهي مسحت دموعها بسرعة من غير ما تاخد بالها منها.

عليآ: رزان إنتِ صاحية؟!

رزان قامت: تعالي يا ماما أنا صاحية.

عليآ بحزن: مالك يحبييتي لحد دلوقتي مش عايزة تتكلمي وتعرفيني إيه اللي مزعلك من سليم.

رزان بابتسامة وجع: مفيش يحبيبتي حاجة انا كويسة.

عليآ كشرت: عيونك الحلوين دول ليه بقوا تعبانين وتقوليلي كويسة.

رزان مقدرتش تتكلم واترمت في حضن عليآ.

رزان ببكاء: انا تعبانة أوي ياماما

عليآ بلهفة وخوف: مالك يبنتي بس وجعتي قلبي عليكي.

رزان بصوت مهزوز: دايمًا بكون بديل وسد خانة ليه هو أنا مستاهلش اتحب عادي زي أي واحدة.

عليآ بتمسد علي شعر رزان: ليه بتقولي كدا؟.

رزان بوجع: أنا موجوعة أوي كان نفسي اكون أول اهتماماته وسط انشغاله يكلمني حتي دقيقه  يطمن قلبي إني في باله وافرح واحس اني مهمة مش آخر حاجة يفكر فيها ولما يكون فاضي يجيني.

عليآ بحزن:  يبنتي جوزك بيحبك.

رزان بصوت مخنوق: محصلش أنا من أول ما عرفني وانا بديل مكنتش شيء أساسي أبدًا.

عليآ: قومي صلي ركعتين لله عشان تهدي وفكري بهدوء دا شيطان دخل بينكوا يحبيبتي متسمعيش ليه، جوزك بيحبك بجد.

رزان بتعب: حاضر.

عليآ باست رزان من جبينها وقامت من جنبها حزينة عليها وعلي حالتها وسليم اتصل بيها وردت.

عليآ: السلام عليكم.

سليم بابتسامة: وعليكم السلام، أخبار حضرتك إيه يا حماتي.

عليآ اتنهدت: انا بخير يا سليم، بس مراتك مش بخير وتعبانة جدًا. 

سليم بخوف ولهفة: طيب انا طالع.

عليآ شهقت: إنت كنت نايم في عربيتك برضوا قصاد العمارة.

سليم بضيق: انا مقدرش ادخل اوضتنا ورزان مش فيها.

عليآ بحزن: يبني قولتلك اطلع ليه تبات في الشارع بالشكل دا بس.

سليم بحزن: رزان مكنتش هتوافق، المهم ينفع اطلعلها تاني.