الحلقة من بداية اليوم اهوه عشان متقولوش بتتأخري 🙂.
بارت¹³«الجزء الثاني».
لـ"روح الزين"²«.
بقلم منارجمال"شَجَنْ".
الظابط: انت متهم بمحاولة الاعتداء علي آنسه حورية الصمدي ومحاولة اغتصابها ومطلوب القبض عليك.
الكل واقف مصدوم وعيونهم مبرقة من اللي سمعوه وبيحاولوا يستوعبوا انهم صاحين ومش بيحلموا.. الجارحي كان متوقع ان حورية هتعمل حاجه بسبب هروبها واختفاءها واتكلم بهدوء.
الجارحي: معاك تصريح بالقبض عليه.
الظابط برسمية: لأ لسه مخلصش.
الجارحي بجدية: تمام يبقي ملكش الحق تاخده كدا وبعدين إنت شايف حالته عاملة ازاي.. دا غير إني عايز اقدم شكوي ضد الانسة حورية انا كمان.
الظابط استغرب كلام الجارحي وخالد ساكت مش بينطق بس جواه غضب مكبوت من ناحية حورية.. حفصة بتكز علي سنانها من الغيظ ومن بجاحة البنت دي وشعور خوفها علي ابنها يتسجن فعلًا بسببها.. سارة بتفكر في خبث حورية وازاي قدرت تلعبها صح وتقلب الترابيزة علي خالد وتنفد من عملتها بس توعدت انها مش هتسيبها ولا هترحمها بسبب اللي عملته في حبيبها وللحظة عيشتها في رعب وخوف من انها تخسر خالد للأبد.. جوري عيونها علي الجارحي وبتحاول تفهم هو ناوي علي ايه وحورية هتعمل ايه تاني يدمر عيلتها وبتحاول تربط الأحداث ببعضها وازاي توصل لحورية وهاين عليها لو تقتلها وترحم الكل منها ومن اذاها مستغربه ازاي في واحدة سيئة للدرجة دي وعشان ايه الحب!! تقتل وتخطف وتئذي وتدمر عيلة كاملة عشان الحب.. دا حب ايه دا ايوه تسمع الحب غير مشروط ومالوش حدود بس مش لدرجة انها تئذي غيرها دا مش حب دا جنون ومرض نفسي استحالة يكون حب أبدًا الحب إنك تضحي بسعادتك لو شايف حبيبك مبسوط مع غيرك.. كدا دي اسمها انانية وهو مش حب ابدًا اللي عايشاه حورية دا تملك وغباء وكإنها واحدة مغيبة عن العالم الخارجي تمامًا ومش شايفة غير حبها لزين وبس ف لازم تتصرف معاها بحذر وحرص وتنقذ اختها واخوها وزين وكل عيلتها من جنان حورية وهوسها اللي بيدمر واحد واحد كل يوم وبقوا في حالة رعب.
اتقطع الصمت بصوت الظابط.
الظابط: شكوي ايه؟.
الجارحي بهدوء: محاولة قتل خالد وخطف بنتي.
الظابط بذهول: هتلعبوا بالحكومة يعني كل واحد فيكوا يرمي بلاه علي التاني واحنا اللي نجري ورا كل واحد فيكوا كل شوية مش كدا.
الجارحي بثقة: شايفني بلعب إنت عارف بتكلم مين دلوقتي؟.
الظابط بضيق: عارف يا دكتور أيمن الجارحي.. بس دا ميمنعش اني بنفذ شغلي وواجبي واللي غلطان يتعاقب تقدر تيجي القسم بنفسك تقدم الشكوي ضدها في مكتبي ونعمل محضر.
الجارحي بجدية: تمام يا حضرة الظابط اتفضل وانا لحظات وهكون عندك بخالد وهجيلك بنفسي.
أنت تقرأ
روح الزين( الجزء الثاني)
Mystère / Thrillerجاءت لهذه الحياة حتي تُعاني وتتألم؛ ولكن أتيٰ ذاك الفارس الزين الذي فاق حبه لها كُل المقاييس والحدود، ولم يتركهم الشر ابدًا وظل يحاوطهم تُريٰ إلي متي سيصمدوا.
