الحلقه " 5 " ( كالقهوه 🎵❤ )
•
•
•
•
•
•
•
هاجر : عندك اخوات
زياد : عندي اختي في الثانوي
هاجر : ربنا يخليهالك
( وتبدأ الدنيا تمطر ومره واحده تشتي جامد )
زياد : انا بقول يلا بينا 😂
هاجر : كنت لسه هقولك 😂
زياد : مش محتاجه حاجه ؟
هاجر : ربنا يخليك 💙
زياد : اشوفك بكره
هاجر : اشوفك بكره
زياد : سلام ❤
( تشوف هاجر في عنيه لمعان مشافتهوش قبل كدا تحس بدقة نادره في قلبها تداريها بابتسامه وتركب عربيتها تحط ايدها علي قلبها وتبتسم تاني ترمي علي زياد نظره اخيره وتمشي ، يطمن زياد انها مشيت وبعدها يمشي هو كمان ، يوصل علي بيتو ويسلم علي اهلو ويدخل الاوضة بتاعتو ويقعد ع مكتبو ، بعدها بشويه تدخل عليه اختو بالقهوه )
زياد : مش عارف ليه كدا خير اللهم اجعلو خير انتي وحشاني 😂❤
مي : مش مطمنالك مش عارفه ليه 😂
( تحط مي القهوه ع المكتب وياخدها زياد في حضنو )
زياد : عامله ايه في مذاكرتك يابت 😂
مي : انا اشطا جدا 😂
زياد : مش محتاجه اي حاجه ؟
مي : لا ياحبيبي انت مش مديني فرصه احتاج❤
زياد : لو احتاجتي متتكسفيش
مي : مش عارفه ليه كدا خير اللهم اجعلو خير حساك متغير 😂!
زياد : متغير ازاي مش فاهم ؟
مي : رايق علي غير العاده وحساك مبسوط يارب دايما طبعاا بس عاوزه اعرف ليه عندي فضول 😂
زياد : يعني ، هتأكد من حاجه صغننه اد كدا وهبقا احكيلك 💙
مي : اتفقنا يا دوك ♥️
( وتطلع مي يبصلها زياد بابتسامه ويطلع الدفتر بتاعو ويبدا يشرب قهوتو ويكتب )
" ستبقي سِرا يُسعد قلبي وهم لا يشعرون .. ! ❤ "
( عند هاجر .. واقفه قدام مرايتها وبتسرح شعرها تخلص وتروح تقعد قدام شباك الاوضه وتبص للمطر بابتسامه مليانه حنين ، تسمع باب الاوضه بيتفتح تقوم وتقعد علي سريرها تدخل ندي )
ندي : عملتي ايه ؟
هاجر : هبدأ اشتغل بكره مع دكتور زياد
ندي : نعم !!
هاجر : مالك يا ندي ؟
ندي : هتشتغلي معاه ايه
هاجر : مساعدة ليه ، هيوديني وهيجبني متخافيش عليا
ندي : تمام اوي
( تلاقي هاجر في عيون ندي نظرات غريبه لاول مره تشوفها في عنيها ، تنسي وتترمي علي سريرها تتغطي وتحضن المخده وتنام ... )
( يرن صوت المنبه عند الاتنين الساعه 10 يفوق زياد وياخد شاور وتغسل هاجر وشها ، يلبس زياد بنطلون جينز تلجي عليه تيشرت بكم ابيض وعليه جاكيت جينز تلجي وتلبس هاجر بنطلون جينز اسود وبلوفر موف غامق وتعمل شعرها pony tail وتنزل قُصه بسيطه وتحط ميك اب هادي جدا وتبتسم وتلبس كوتشي اسود وتنزل . وبعد ما يسلم زياد علي اهلو ينزل هو كمان يركب عربيتو ويروح ع الكافيه ، وهاجر تتمشي ع البحر لحد ما توصل ع الكافيه ، تدخل تلاقيه قاعد باصص ع البحر وسرحان ، تسرح فيه لثواني وبعدين تمشي وتروح تقعد قصادو )
هاجر : متتخضش بقا 😂
( يركز زياد في عنيها تاني ويلاحظ انها مش لابسه اسود يبتسم )
زياد : ايه الجمال دا ؟❤
( تحمر خدود هاجر وتبص في الارض لثواني ومبتسمه ، يرفعلها زياد وشها فتتقابل عيونهم مع بعض وتتكلم بلغه جديده محدش قدر يفهمها . يغمض زياد لثواني وكأنو بينحت شكل عنيها في بالو ، يطلع من جمبو صندوق صغير ويديهولها )
زياد : بما انك اخدتي خطوه في النسيان ، خدي دي مني
( تفتح هاجر الصندوق تلاقي دفتر وقلم حبر معين )
هاجر : ايه دول ؟
زياد : دول عشان تفتحي صفحة جديده في حياتك الدفتر القديم خلاص اتقطع واترمي ودا دفتر جديد عشان تبدأي حياة جديده بمعني جديد وانشاء الله من غير وجع ♥️
هاجر : شكرا جدا بجد يا زياد ♥️
زياد ( بابتسامه ) : القهوه يا عم فريد ♥️
( قاعد يوسف زهقان يرن علي امينه )
امينه : الو ..
يوسف : وحشاني ..
( تسكت امينه ويرد هو بتلقائيه )
يوسف : بحبك !♥️
( تضعف امينه وتبتسم غصب عنها )
امينه : انت قاسي اوي يا يوسف مكنتش فكراك هتسيبني كل دا من غير ما تطمن عليا !
يوسف : انا اسف ، اسف اوي يا امينه
امينه : بحبك اوي يا يوسف وانا اسفه لو كنت نكديه بس انت عارف اني بحبك
يوسف : متتأسفيش ، انا اللي غلطان ، بس عاوز اشوفك ضروري انهارده
امينه : حاضر بس ليه ؟
يوسف : عشان نحدد معاد فرحنا !♥️
( يسمع يوسف صوت عياطها في التليفون يحس بوجع في قلبو ويبتسم )
يوسف : ايه لزمة العياط دلوقتي بس
امينه : مش هقدر اوصفلك فرحتي يا يوسف بجد ♥️
يوسف : وانا فرحان والله يا حببتي ، سلام بقا عشان الساعه بقت 12♥️
امينه : سلام ❤
( يطلع يوسف يقابل زياد وهاجر )
يوسف : عامل ايه يا زيزو
زياد : تمام ، نسيت اعرفكو امبارح ، هاجر دا يوسف صحبي
هاجر : ازيك
زياد : يوسف دي هاجر زي ما قولتلك المساعده بتاعتي
يوسف : ازيك يا قمورة ♥️
( يمدلها يوسف ايديه يضايق زياد ويسلم عليه هو بدل هاجر )
زياد : احم يوسف ! ، اسبقيني علي جوه يا هاجر !
( تمشي هاجر ، يبص يوسف في عيون زياد يلاقي نظرة غيره لاول مره يشوفها فيه ويحاول يغير الموضوع )
يوسف : مش هتباركلي ؟
زياد : علي ايه
يوسف : هقابل امينه واحدد معاها معاد فرحنا انهارده 💜
زياد : قول والله العظيم
يوسف : اقسم بالله ياعم 😂❤
( ياخده زياد بالحضن يفرح يوسف لفرحتو جدا )
يوسف : فرحان ياصحبي ؟♥️
زياد : احلي خبر سمعتو في حياتي والله ، ده انت اخويا يابني ♥️
يوسف : ربنا يخليك ليا يا زوز 💙
زياد : يلا روح شوف شغلك ونتكلم في الموضوع دا بالليل
( يمشي يوسف ويروح زياد ع مكتبو يلاقي هاجر بتظبطلو مكتبو وبتغني بصوت دافي ورقيق )
" مسالتنيش ، ولا حتي كان فارق معاك لو هعيش ، او هموت من غير هواك طب اقولك ايه ؟ ويفيد ب ايه كل الكلام وهيفرق ايه " 💔
( يدخل زياد بهدوء ويقعد ع الكرسي ويفضل يتأمل تفاصيلها ، اول ما تلف ضهرها تشوفو تتخض )
هاجر : ااا انت هنا من امتي ؟!
زياد : من كتير
هاجر : طب ااا انا رايحه اعملك القهوه
زياد : تسلم ايديكي مقدما ♥️
( تبتسم هاجر ابتسامه خجوله وتطلع وتقفل الباب وراها وتسند ع الباب تحط ايديها علي قلبها وتاخد نفسها براحه بابتسامه لا اراديه بعدين تروح وتعملو القهوه ، يفضل زياد باصص علي الباب كتير وبعدين يطلع الدفتر بتاعو ويكتب )
" من ذا الذي يقاوم هذه المرأة اللذيذة ..! ♥️ "
( وبعدين يشيل الدفتر ويغمض عنيه يتعاد شكل عنيها ويبتسم تلقائي ، يخبط الباب يلاقيها داخله بالقهوه والابتسامه علي وشها يقوم وياخدها منها ويحطها ع المكتب )
هاجر : في حاله بره مستنيه تدخل لحضرتك
زياد : قولتلك قبل كدا من غير حضرتك الله ! دخليه ياستي
( ويروح يقعد ع المكتب يدوق القهوه يلاقيها مختلفه وقبل ما توصل هاجر علي الباب يندهلها )
زياد : حقيقي اول مره ادوق قهوه كدا ✨
هاجر : مين كان بيعملهالك قبل كدا ؟
زياد : سكرتيرة يوسف
هاجر : المفروض تبقا متعود عليها من ايدها
زياد : انا قبلتها من ايديها عشان مكنش قدامي غيرها ، وبحبها جدا من ايد عم فريد ، بس انتي كدا هتخليني مشربهاش غير من ايديكي !♥️ تسلميلي ♥️
( تضحك هاجر وتبص في الارض )
زياد : مكتبك اللي جمب مكتبي ، لما احتاجلك هتصل عليكي
هاجر : تمام
( يروح زياد يقعد مكانو وتطلع هاجر تدخلو الحاله وتروح مكتبها تلاقيه مليان تراب وباهت ابتسمت وشغلت اغاني وبدأت تظبط فيه ، يعدي ساعات وحاله تمشي وحاله تدخل وفي اخر اليوم يقلق زياد لانو من وقت ما سابها وهي متصلتش ومخرجتش من مكتبها ، يروح علي مكتبها ومن قلقو ميخبطش الباب ويفتح علي طول يلاقيها لمت شعرها كحكه وتانيه البلوفر وبتكنس الارضيه ، يبص علي المكان يلاقي المكتب متروق وريحه المكان جميله والمكتب عليه حاجتها بانتظام مع لمساتها الانثويه في تنظيم المكان ويلاقيها مندمجه جدا يبتسم ويقفل الباب تاني ويرجع يخبط ، تحس بفرحه وتفتح بسرعه )
زياد : ايه دا ايه دا ايه الجمال دا كلو
هاجر : بجد حلو؟!
زياد : جدا ، نورتي مكتبك 💙
( تضحك هاجر وتلاقيه باصص في عنيها جامد )
زياد : انا اسف انو كان مترب ومبهدل بالشكل دا بس انتي اول واحده تدخل الاوضه دي اصلا !
هاجر : مش بتقول كان عندك سكرتيرة الاستاذ يوسف
زياد : كان هو عاملها مكتب لاكن محدش دخل المكتب دا قبلك
( تسكت هاجر ويسكت هو لاكن لسه في كلام بين عيونهم . )
زياد : يلا بينا ؟
هاجر : بس انا لسه مخلصتش
زياد : بكره نكمل سوا 💙
( ويفكلها شعرها يرجعهولها زي الاول ويفك تنيات البلوفر بتاعها ويمسك ايديها ويبتسملها فتردلو الابتسامه بعيون متطمنه ويطلعو سوا ، يركبها العربيه ويركب هو كمان ويمشي )
هاجر : تسمع مزيكا ؟
زياد : مش محتاج .. انتي وجودك عاملي مزيكا 🎵❤
( تحمر خدودها وتبص ناحية الشباك يبصلها هو ويتأمل سكوتها ويحس بوجع في قلبو تاني ويمشي من علي طريق البحر يبصلها تاني يلاقيها بتترعش وبتحاول تداري يقف علي جمب ويقفل ازاز العربيه ويدفن ايديها الاتنين جوا كفوفو )
زياد : انتي كويسه ؟!
هاجر : تم . تمام تمام انا تمام بس سقعت شويه الجو برد
( يقلعلها الجاكيت ويحطو علي كتفها ويرجع يمسك ايديها تاني يحاول يدفيها . وبعد ثواني تحس هاجر بالدفا بس مش دفا في جسمها وبس . بس تحس بالدفا ف قلبها كمان ❤ )
