الحلقه " 9 " ( كالقهوه 🎵❤ )
•
•
•
•
•
•
( تعدي الايام ويجي اليوم اللي قبل الفرح )
ندي : وهتسيبيني لوحدي يا هاجر !
هاجر : طب يا حببتي اعمل ايه طب ؟ خلاص يا ندي تعالي معايا ويلا روحي شوفي انتي هتلبسي ايه !
ندي : اشطا جدا 💃♥️
( يتصل زياد علي هاجر )
زياد : عامله ايه
هاجر : انا الحمد لله تمام
زياد : مش عارف اليوم هيعدي ازاي من غير ما اشوفك ♥️
هاجر : انت اللي خليته اجازه علي فكره
زياد : يلا معلش بقا عشان كل واحد يظبط نفسو كدا بكره يوم عالمي
هاجر : عقبالك ♥️
زياد : هاجي اخدك 6 تمام ؟
هاجر : معلش يا زياد انا هاخد ندي عشان مينفعش اسيبها لوحدها بس
زياد : مافيش مشكله تنور
هاجر : طب تمام
زياد : هسيبك انا بقا تظبطي الدنيا .. باي باي
هاجر : باي
( تقفل هاجر )
ندي : دكتور زياد ؟!
هاجر : اها
ندي : تمام
( عند زياد )
زياد : مي قوليلي هو الفستان لونو ايه
مي : تؤ
زياد : طب قوليلي هو ب كم ولا لتكوني جبتيلها حاجه مش ب كم !
مي : تؤ
زياد : تؤ مش بكم ولا تؤ مش هتقولي
مي : زياد انت اللي قولتلي متعرفينيش شكلو ايه متوجعش دماغ امي بقا عاوزه اتزفت اذاكر
زياد : ماشي يا جذمه ماشي
( يعدي اليوم ويجي تاني يوم تصحي هاجر من النوم وتصحي ندي تدخل هاجر تاخد دوش وندي من فرحتها متستناش وتغسل وشها وتروح تلبس فستان Top للركبه اسود بحزام دهبي من الوسط وضيق وتحط ميك اب كامل وكعب اسود وتلبس اكسسواراتها كلها دهبي وتفرد شعرها وتحط برفان )
هاجر : ايه دا يا ندي احنا رايحين فرح واحد صاحب زياد ، دا لو فرحي مش هتلبسي كدا !
ندي : خليكي في حالك يا هاجر اما نشوف السنيوره هتلبس ايه !
هاجر : تصدقي مفتحتش الصندوق اللي فيه الفستان اللي زياد جايبو لسه
( وتطلع تجري تجيب الصندوق )
ندي : كمان جابلك فستان !!
( عند زياد يلبس قميص ابيض ويدخلو في البنطلون الجينز الكحلي ويلبس عليهم بليزر اسود ويرفع شعرو ويحط البرفان بتاعو )
الام : بسم الله ماشاء الله يا حبيبي ربنا يفرح قلبي بيك انت واختك ♥️
( يبوس راسها )
زياد : بعد الكلمتين دول ما اشوفش دمعه واحده انتي نسيتي ولا ايه انهارده فرح يوسف مش انا
مي : انا جاهزه
زياد : ايه الجمال دا يابت ♥️
مي : عارفه بقا هتقولي كبرتي وبقيتي عروسه والجو دا انا كبيره من زمان علي فكره بس انت الي مش واخد بالك
زياد : ماشي يا لمضه ، ماما يوسف باعت عربيه هتاخدكو من تحت البيت انا هروح اجيب هاجر وندي
الام : ماشي يا حبيبي يارب تكون من نصيبك البت دي دخلت قلبي علي طول كدا وحبتها من اول ما شوفتها
زياد : وطلاما انتي حبتيها يبقا الموضوع هيبقا زي الفل
( يعدي شويه وتيجي العربيه تاخد مي وام زياد ويروحو ع القاعه يجهز زياد ويركب عربيتو ويوصل تحت بيت هاجر وندي يرن عليها )
زياد : ايه جهزتو ؟
هاجر : ايوه نازلين اهو
زياد : انا مش قادر استني عاوز اشوف الفستان
هاجر : انا نازله اهو يا زياد هقفل الشقه بس
( تقفل هاجر وتدي لندي جاكيت تلبسو لحد ما يوصلو القاعه ، بعدين تنزل ندي يشوفها زياد من بعيد يفكرها هاجر يطلع من العربيه ويقفلها يلاقيها ندي )
ندي : ايه رايك في الفستان ؟❤
زياد : جميل ، هاجر فين
ندي : سيبك من هاجر شويه وخليك فيا انا
زياد : نعم ؟!
( تنزل هاجر واحده واحده عشان الكعب ميوقعهاش يشوفها زياد في النور يفضل واقف في مكانو وقلبو بيدق بسرعه جامد يحط ايدو علي قلبو ويحاول يداري .. ويفضل باصص لهاجر مش مصدق عنيه )
( يشوفها وهي لابساه .. فستان كافيه طويل ضيق من فوق والاكمام علي شكل ورد ملفوف علي ايديها والوسط ملفوف ب ورود ومن تحت منفوش ولابسه سلسله بسيطه فيها جوهره سوده وحلق طولو متوسط لونو اسود ورافعه شعرها كحكه ومنزله قُصه بسيطه وميك اب هادي وبسيط وكعب اسود . تشوف ندي زياد وهو بيبص لهاجر تضايق وتدخل العربيه تقرب هاجر علي زياد وهو واقف مكانو بيبصلها وهو مش مستوعب جمالها وهي بصالو باستغراب )
هاجر : مالك يا زياد بتبصلي كدا ليه
زياد : انتي حلوه اوي !
هاجر : وانت شكلك شيك انهارده جدًا
( يسكت زياد وباصص في عنيها جامد اوي )
هاجر : طب ايه مش هنركب بقا ؟
زياد : لا نركب ايه خليني باصصلك كدا شويه
هاجر : يلا عشان منتاخرش
( وتركب هاجر )
زياد : يخربيتك يا مي !
( تركب هاجر ورا مع ندي ويسوق زياد في طريقو للقاعه وطول الطريق يفضل باصص لهاجر في المرايه ، يوصلو ع القاعه ينزل زياد وتنزل ندي وهاجر تقلع ندي الجاكيت وتسيبو في العربيه يمسك زياد ايد هاجر ويدخلو القاعه ويروح ع الترابيزه اللي فيها اختو وامو )
الام : مين الرقاصه اللي مع هاجر دي ؟!!
مي : زياد قالي ان صحبتها ندي هتيجي معاها يبقا هي دي اكيد
الام : يالهوي علي جمالك يابت يا هاجر الله اكبر عليكي ♥️
هاجر : ايه الجمال دا يا مي
مي : جمال ايه بس انتي اجمل يا روحي
( تقعد هاجر جمب مي ويقعد زياد جمب امو وتيجي ندي تقعد جمبو ، يعدي شويه وزياد بيسرح في هاجر يدخل العريس والعروسه وتشتغل المزيكا والزغاريط ، بعدها بشويه تشتغل اغنيه " كل حياتي " يرقص العريس والعروسه Slow ويطلعو المخطوبين والمتجوزين يرقصو معاهم )
زياد : تسمحيلي يا هاجر ؟
( تبصلو هاجر بكسوف وتشاورله ب اه يمسك ايديها ويروحو ع stage يحط ايده علي وسطها وهي تلف ايديها حوالين رقبتو ويبدأو يرقصو )
زياد : اول مره احس ان قلبي اتخطف مني كدا
هاجر : بطل شويه الكلام ده مبعرفش ارد بجد
زياد : مش قادر الكلام بيطلع مني لوحدو !♥️
( تضحك هاجر وتبص في الارض )
زياد : حاسه ب ايه وانتي معايا كدا
هاجر : حاسه اني .. مبسوطه !♥️
( يتكلمو شويه يبص عليه يوسف من بعيد )
يوسف : امينه انتي شايفه اللي انا شايفو ؟!!
امينه : في ايه ؟
( يشاورلها علي زياد وهاجر )
امينه : دا زياد !
يوسف : كنت حاسو متغير الفتره الاخيره
امينه : عنيه ونظراتو ليها بتقول انو بيحبها .. واوي ♥️
يوسف : وانا بحبك اوي ياست الكل ♥️ ما تجيبي بوسه ؟!
امينه : يوسف والله همشي مش وقتو هو 😂
يوسف : تمشي تروحي فين بقا خلاص بقيتي مراتي 😂❤
( تخلص الاغنيه يروح زياد يقعد هاجر ويرجع تاني يروح للعريس )
يوسف : والعه معاك يابا وتقولي مش متغير
زياد : باين عليا اوي كدا
يوسف : اوي ياصحبي
زياد : اعمل ايه ، بحبها اوي
يوسف : قولتلها ؟!
زياد : قريب يا يوسف .. قريب يا صحبي
