الحلقه "13" ( كالقهوه 🎵❤ )
•
•
•
•
•
•
•
مي : ايه يا زياد
زياد : اقعدي واحكيلي كل حاجه قالتهالكو
( تحكيلو مي كل حاجه هاجر حكتها )
مي : اللي حصلها مش سهل البنت دي صعبانه عليا اوي
زياد : قولتلها انا مكذبش ، قولتلها ان ندي هي اللي كانت بتقرب مني مش انا
مي : مش هتكذب اللي عاشت معاها سنين وهتصدق اللي لسه عرفاه من كام اسبوع يا زياد
زياد : اي حد مكانها كان هيحس ب الصدق في عنيا وانا بكلمها ، ازاي مخدتش بالها من حبي ليها
مي : سامح يا زياد دا ربنا بيسامح
زياد : خليها علي الله يا مي
الام : يلا يا مي حضرو معايا وصحو هاجر يلا
مي : انا هدخل اصحيها الاول اكيد ملحقتش تنام
( تدخل مي الاوضه تلاقي هاجر نايمه نوم عميق تنادي عليها مره واتنين وتلاته متردش تطلع تاني )
مي : ملحقتش ايه البت ماتت 😂
زياد : بعد الشر يا وش الفقر غوري حضري عشان جوعتيني
( تدخل مي تحضر الغدا مع مامتها ويقعد زياد يفكر ويبتسم وبعدين يقوم ويتفرج ع التليفزيون بعدها يقعدو يتغدو )
الام : كنتي صحيها يابنتي احسن متعرفش تنام بليل
مي : شويه وهتلاقيها صاحيه يا ماما حرام اقومها
الام : شكلها بتحبك بجد يا زياد
زياد : لو الحب هيبهدل كرامة ابنك يبقا بلاها
الام : مكنش قصدها ياحبيبي .ط، سامحها يا زياد ، سامحها يابني متبقاش انت والدنيا عليها
زياد : كلي يا ماما كلي
( يعدي اليوم وينامو يصحي زياد من بدري وينزل ، تصحي مي الساعه 12 علي صوت هاجر وهي نايمه وبتردد " زياد " " زياد " .. تروح مي تقعد جمب هاجر وتمسحلها علي شعرها وتلاحظ سخونيه تحط ايديها علي وش هاجر تلاقي درجة حرارتها مرتفعه جدا تجري علي امها )
مي : امي الحقيني هاجر حرارتها عاليه اوييي
( تجري الام علي هاجر تفوقها وتروح تغسلها وشها بمايه ساقعه وتنشفلها وشها وتحط ايديها تلاقي درجه حرارتها زي ماهي )
الام : اعمليلها كمادات لحد ما اتصل بزياد يجبلها دكتور بسرعه
( تتصل الام بزياد )
الام : اتصل بالدكتور وتعالالي حالا يا زياد
زياد : في ايه يا ماما !
الام : هاجر يابني حرارتها عاليه اوي ومبتفوقش ، البت بتموت مننا !!
( يتفجع زياد وبسرعه يجيب الدكتور ويروحلهم وب شوية يطلع الدكتور من عند هاجر وينزل زياد يجبلها شوية ادويه وتنزل مي لدرسها وتفضل ام زياد جمب هاجر بتعملها كمادات ، تصحيها عشان تاخد دواها تبص هاجر وتحاول تتعرف ع الشخص اللي قدامها )
هاجر : ماما !💔
الام : اعتبريني ماما يا حببتي
هاجر : ام زياد ، انا مش عارفه اقول لحضرتك ايه ، حنيتك دي كنت مفتقداها من كتير اوي 💔
( تاخدها ام زياد في حضنها وتفضل تمسحلها علي شعرها وتديها دواها وتطلع عشان تجبلها الفطار ، تتسند هاجر وتقوم تجيب الدفتر والقلم اللي كان زياد عاطيهملها وتبدأ تكتب )
" زياد .. حبيت اكتبلك انت اول حاجه ، نفسي اقولك كلام كتير اوي ، انا اسفه اني هينتك واسفه اني مفهمتكش واسفه اني صدقت ندي وكذبتك واسفه ع البعد اللي احنا فيه دلوقتي واسفه اني خليتك تعمل حاجات مش متعود عليها ، واسفه عشان حبيتك 💔 "
( وتفضل هاجر شويه في اوضتها وبعدين تقوم وتطلع بره )
الام : قومتي ليه من مكانك
هاجر : مش متعوده علي القعده .. ينفع اروق البيت جمبك
الام : ماشي يا حببتي اللي يريحك
( تظبط هاجر اوضة مي وتروق الصاله وتروق اوضة زياد وتفضل مشغله اغاني جمبها )
" اه حلمنا بكل حاجه إلا دا ما حلمنا بيه ، عمرنا مره ما قولنا ان شوقنا تروح عليه "
" والحلم اللي بدايته بحبك تبقي نهايته وداع "
" قولنا هنفضل طول ايامنا حاسدينا العاشقين ، كان حلمي اني اموت وانا جمبك بعد سنين جايين "
" بس الحلم في لحظه اتغير ولا بينو ضاع "
( يدخل زياد البيت يلاقي امو بتطبخ )
الام : ايه اللي جابك بدري
زياد : عندي صداع مش قادر اشتغل خالص ، انا داخل اوضتي
( يفتح زياد باب اوضته يلاقي هاجر واقفه ولسه هتفتح الدفتر بتاعو يجري عليها )
زياد : انتي بتعملي ايه !!
( تتخض هاجر وتقوم مفجوعه من مكانها وتتوتر وتخاف )
هاجر : ان انا مش اصدي والله
( يقرب زياد منها بعصبيه تغمض هي عنيها من خوفها ، يحس زياد بالندم انو خلاها تخاف منو ، يشيل الدفتر من ايديها ويحطو ع السرير ويرجعلها شعرها ورا ودنها ويفضل باصص في عنيها ويقرب منها اكتر )
زياد : ايه اللي قومك من مكانك
هاجر : مش متعوده علي القعده
( يقرب زياد منها اكتر فتبعد هي )
زياد : متخافيش مني
( ويحط ايدو علي راسها يلاحظ نزول درجه حرارتها شويه )
زياد : حرارتك نزلت بس مش معني كدا تبقي خفيتي ، روحي ارتاحي شويه
هاجر : حاضر ، انا اسفه عشان مسكت دفترك
( تدوخ هاجر شويه يروح زياد ويمسك ايديها )
زياد : انتي كويسه .. حاسه ب ايه ؟
هاجر : انا كويسه هي بس دوخه بسيطه بتيجي وبتروح تاني
زياد : طب اتفضلي ارتاحي
( تروح هاجر الاوضه وتقعد ع السرير ترجع ضهرها لورا وتمسك ايديها وتفتكر كل لحظه عاشتها مع زياد وتفضل تعيط بحرقه ، يعدي زياد من جمب الاوضه يسمع صوت عياطها يحس بوجع في قلبو تاني ويكمل طريقو .. يعدي اليوم ويجي اليوم اللي بعدو تصحي هاجر من النوم تلاقي مي قاعده وبتذاكر قصادها تلاحظ مي انها صحيت تفرح جدا )
مي : صباح الخير يا قمر ♥️
هاجر : تعرفي ان انا بحبك اوي بجد 💜
مي : ياقلبي انا اكتر
( وتقوم مي تحضنها وتحط ايديها علي راسها تلاقي حرارتها نزلت شوية )
مي : انا ملاحظه انك احسن انهارده ، ماما في السوق بتجيب طلبات الاسبوع ومش عارفه هتيجي امتي ، ف قومي كدا غيري هدومك وظبطي نفسك وتعالي اقعدي معايا شويه عبال ما اخلص مذاكره وهنزل انا وانتي نتمشي
هاجر : انهارده اجازة زياد صح
مي : ايوه
هاجر : تمام انا رايحه اغير
( تاخد هاجر هدومها وتروح الحمام تغير وتلبس بنطلون جينز كحلي Cuting عليه قميص ابيض فوقيه بلوفر زيتي قصير وتفرد شعرها وتطلع تروح اوضة مي ، تسمع مي صوت زياد بيناديلها ف تروحلو )
زياد : مي اعمليلي قهوه يا مي مش عارف اركز مشربتهاش بقالي فترة وهتجن !
مي : طب يا حبيبي معلش هخلي هاجر تعملهالك عشان بس ورايا مذاكره كتير وياسيدي هبقا ادخلهالك انا
زياد : متخليهاش تغيب بس
( تروح مي لاوضتها تاني )
مي : هاجر معلش يا حببتي ينفع تعملي لزياد القهوه بس عبال ما اخلص مذاكره
هاجر : تمام
مي : شكرا يا حب ، هتلاقي القهوه وكل حاجه اول ما تدخلي المطبخ في وشك علي طول
( تدخل هاجر المطبخ وتعمل القهوه وتحطها علي النار وتفضل واقفه حاطه عنيها عليها عشان ماتفورش ، ووهي واقفه وماسكه الكوبايه تحس بالدوخه تاني بس المرادي تبقا جامده ، يختل توازنها فجأة وتقع الكوبايه والطبق الازاز من ايديها ويتكسرو علي الارض ، تسند هي بايديها الاتنين علي الحيطه وتحاول تمسك نفسها لكن متقدرش وتقع ع الارض بس تقع علي الازاز المكسور ... )
( قاعد زياد مستني القهوه اللي غيبت وقاعد مش عارف يركز )
زياد : هااجر
( لكن هاجر متردش )
زياد : يا هااااجر !
( متردش ، يفكر زياد انها بتعمل حاجه مهمه )
زياد : يا مي
مي : ايه يا حبيبي
زياد : قومي شوفي هاجر اتاخرت بالقهوه ليه مش عارف اركز !
( تروح مي علي المطبخ تلاقي القهوه بتفور تطفي عليها وتلاقي هاجر مرميه علي الارض علي الازاز والدم نازل من رجلها تجري عليها بسرعه )
مي : زياد ، الحقني يا زياد !!!
