الحلقه " 3 " ( كالقهوه 🎵❤ )
•
•
•
•
•
•
•
( عند هاجر .. نايمه وندي تفضل سهرانه ع الاب توب بتسمع اغاني تلاقي مره واحده هاجر قايمه من النوم بتعيط وبتصرخ بطريقه هستيريه تتخض جامد وتقوم تجري عليها تلاقيها قاعده وحاطه ايدها علي ودنها ومغمضه عنيها وقاعده تصرخ تصرخ تروح تجيب كوبايه مايه وتجري عليها )
ندي : مالك يا هاجر فيكي ايه !!! يا هاجر !!
( تفتح عنيها هاجر وتبص حواليها وترجع تبص لندي وتترمي في حضنها وتفضل تعيط بحرقه )
هاجر : كل حاجه راحت .. كل حاجه راحت ... كل حاجه راحت !💔
ندي : اهدي يا هاجر اهدي يا حببتي 💔
( تضمها ندي لحضنها اكتر وتفضل تطبطب عليها وتداري في دموعها اللي بتنزل غصب عنها )
( يصحي زياد تاني يوم . مبسوط علي غير العاده .. ياخد شاور ويلبس قميص كحلي عليه بلوفر ابيض وجينز كحلي ويبوس راس مامتو واختو وهما نايمين ويركب عربيتو ويمشي ويروح ع الكافيه يدخل ويبتسم ابتسامه خفيفه ويبص علي مكانها ميلاقيهاش .. تتسحب ابتسامتو تاني ويطلب القوه . يطلع الدفتر بتاعو وقلمو ويبدأ يكتب ... يسيب قلمو تاني لما يحس انو مش عارف يكتب . ولاول مره يعجز عن الكتابه !! يضايق جدا ويجبلو عم فريد القهوه . يشرب نصها ويسيبها ويقوم يركب عربيتو ويمشي يروح ع العياده )
يوسف : مالك يا صحبي ؟
زياد : مزاجي مش رايق تمامًا !
يوسف : بكره اجازه ماتيجي نسهر انهارده
زياد : ممكن .. هشوف واقولك
يوسف : ياااارب يوااافق
( يدخل زياد العياده بتاعتو ويظبط المكتب بتاعو ويرتب الاوراق والملفات المهمه اللي عندو يخبط الباب )
زياد : اتفضل
( ويقوم يرمي اوراق يرجع يلاقيها قاعده ومخبيه وشها بين كفوفها وندي قاعده جمبها . يفتكر للحظه اول مره جتلو فيها بنفس الحاله دي . تقوم ندي وتقف قصادو تبص جامد في عنيه )
ندي : حالتها بتسوء اكتر وانا مبقتش قادره اعملها حاجه
( يبص زياد علي هاجر ويرجه يبص تاني لندي )
زياد : متقلقيش سيبي كل حاجه عليا
ندي : طيب عن اذنك بقا انا رايحه علي شغلي . لو عرفت اعدي عليكي يا هاجر هعدي عليكي
( وتمشي ندي . يقفل زياد الباب وراها ويشد كرسي ويقعد قدام هاجر . ويفضل يتأملها بهدوء . وبراحه يشيل ايديها من علي وشها ويرفعلها وشها تيجي عنيه في عنيها . تبصلو وتنزل دمعه لا اراديه )
هاجر : مقدرتش استني اسبوع يا دكتور
زياد : زياد .. اسمي زياد ، تقدري تيجي كل يوم لو عايزه ، قوليلي مالِك
هاجر : تفتكر انا حد زيي .. عايش ليه ولمين ؟ كل حاجه راحت .. امي وابويا واختي .. حتي مالِك راح ! مش قادره اكمل .. الحاجه الوحيده اللي مخلياني اعيش هي ندي ! ساعات بطمنها وبضحك في وشها واقولها انا كويسه عشان بس ماتعبهاش لكن في الحقيقه في وجع هنا 💔
( وتحط ايديها علي قلبها وتبدأ تعيط . يبصلها زياد باهتمام وتأمل )
هاجر : مكنتش متخيله ان الفراق بيبقا صعب جدا كدا ، انت متخيل ان انا الاسبوع اللي فات كنت انا ومالك بنفسح اختي الصغيره وماما وبابا كانو مبسوطين بينا . متخيل ان الفرحه كانت مش سيعاني من اسبوع ودلوقتي انا قلبي متفتفت مش متكسر .. متفتفت يعني مافيش قطع تتلزق .. ايه فايده حياتي ! 💔
( تبتسم هاجر بكل وجع والدموع زي المطر في عنيها .. يطلب زياد اتنين قهوه ساده ويبدا يكلمها )
زياد : انا اقولك ايه فايده حياتك .. "ان الله اذا احب عبدا فأبتلاه " ده اختبار من عند ربنا سبحانه وتعالي بيختبر صبرك .. متعرفيش ربنا شايلك ايه . لو الاسبوع اللي فات كنتي مبسوطه والاسبوع دا مكسوره ممكن الاسبوع الجاي تكوني طايره من الفرحه ، انسي انك حبيتي في يوم . اهلك دايماا ادعيلهم بالرحمه دول في مكان اعظم من اللي احنا فيه دا ، حاولي تشغلي نفسك دايما الفراغ بيقتل ! هي فتره وصدقيني هتعدي ، هتتعبك شوية لكن هتعدي
( يبصلها زياد ويبتسم . تشوف ابتسامتو تحس براحه وتطمن وتردلو الابتسامه . تيجي القهوه )
زياد : بس انا عندي سؤال
هاجر : اتفضل
زياد : ليه عايشه مع ندي ومش عايشه مع خالتك مثلا او عمامك او حد من عيلتك
هاجر : دايما كان في خلافات بيننا وبين عيلة بابا ولحد دلوقت محدش فكر يسال عليا فيهم معنديش غير خاله واحده وبعد اللي حصل سافرت ومبقاليش في الدنيا غير ندي
( يبصلها زياد يلاقيها بتدمع غصب عنها ، يديها منديل )
زياد : امسحي دموعك بقا عشان المره اللي فاتت لقيت الدنيا هنا متغرقه بسبب دموعك دي 😂
( تضحك هاجر غصب عنها وتنور الابتسامه علي وشها يبص زياد علي ضحكتها وعنيها يحس بوجع في قلبو تاني . )
هاجر : ابقا اعمل حسابك بقا لما تعرف اني جايه
زياد : حاضر ياستي 😂💙
( يضحك زياد ويعدي الوقت وتمشي هاجر وفي طريقها للبيت يرن الفون )
هاجر : الو .. ايوه يا استاذ هشام
هشام : حضرتك مفصوله من الشغل
هاجر : ليه كدا
هشام : حضرتك جايه الشغل جديد واول يوم جيتي فيه متأخر ودا تاني يوم ومتجيش فيه . دا شغل حضرتك مش لعب عيال !
( تسكت هاجر شويه وتروح قافله الفون وتفضل باصه ع الشباك وتسرح )
( واقفه ندي وبتعمل اكل حاطه الزيت ع النار وسرحانه تمامًا كل شويه يتعاد في عنيها نظرتو ليها . تحط البطاطس في الزيت وهي سرحانه متاخدش بالها جزء من ايدها ييجي في الزيت تشيل ايديها بسرعه وتصوت جامد علي دخلة هاجر اول ما تسمع صوتها ترمي شنطتها وتجري عليها تسندها وتوديها الاوضه تجري تجيب المطهر و مرهم وشاش وقطن وتجري عليها )
هاجر : حرام عليكي ايديكي اتبهدلت يابنتي !
ندي : مكنتش اقصد والله
هاجر : حصل ايه
ندي : سرحت شويه وجيت احط البطاطس حطيت ايدي !💔
( تترمي هاجر ع الارض من كتر الضحك )
ندي : مقولتش نكته انا علي فكره 😂😒
هاجر : كنتي هتاكليني صوابع محمره 😂😂
ندي : خفااااااه 😂😒
هاجر : مش قادره !😂😂
( تسكت هاجر وتكمل لف في ايد ندي تبصلها وتروح واقعه تاني من الضحك )
ندي : خلصتي ؟😂😒
هاجر : لا 😂
( تضحك هاجر شويه وتلف لندي ايديها ب الشاش والقطن بعد ما حطتلها المطهر والمرهم )
ندي : وسعي بقا اما اقوم اكمل الاكل
هاجر : اقعدي يا ندي في يومك دا احسن تعمليلي دراعك كلو محمر 😂
ندي : طيب 😂
( تمشي هاجر تكمل الاكل وتقعد ندي تفضل تفكر تاني في زياد وتبتسم .. )
( قاعد زياد مع يوسف علي شط البحر وبياكلو ايس كريم )
يوسف : احنا ناس غريبه اوي يا صحبي
زياد : ايشمعنا
يوسف : قاعدين ع البحر وبناكل ايس كريم وشويه والدنيا هتشتي علي دماغنا 😂😂
زياد : سيبك . دا احلي جو
يوسف : منك لله كنت عاوز اجيب قهوه
( يسرح زياد ويفتكر انو اول مره يشرب قهوه مع حد كان معاها هي . يسرح في عنيها وتفاصليها ووجعها ويفتكر ضحكتها في عز بكاها )
يوسف : زيااااد
زياد : ااا اي
يوسف : مش عارف ، اليومين دول مالك ؟
زياد : مالي ؟!
يوسف : مالك ؟!
زياد : مالي 😂😂
يوسف : مالك !!
زياد : يابني مالي ! 😂
يوسف : ماشي يا زياد افندي 😑
( عند هاجر )
( تحط هاجر الاكل ع صينيه وتروح تقعد مع ندي علي سريرها )
هاجر : سلامتك يا ندي
ندي : بعد ايه يختي
هاجر : والله يابنتي ضحكتيني وانا مليش نفس اضحك
ندي : ليه ايه اللي حصل
هاجر : اتفصلت من الشغل
ندي : ازاي دا انتي مروحتيش غير يوم واحد
هاجر : ماهي دي المشكله انو يوم واحد . اليوم دا رحت متأخر لاني قابلت دكتور زياد يومها وهو اللي وصلني
( تسمع ندي اسمو يدق قلبها جامد )
هاجر : والنهارده مروحتش عشان كان لازم اتكلم مع دكتور زياد 💔
ندي : ولا يهمك يا حببتي بكرا نلاقي شغل واحسن منو 🙂
( يخلصو اكل تقوم هاجر تشيل الاكل وتغير هدومها وتروح علي سريرها تنام وتتغطي ولكن لسه صاحيه بتفكر وتفتكر فتتوجع وتنام موجوعه 💔 .. تبص ندي عليها تلاقيها نامت تروح تمد ايدها في السويتر بتاع هاجر تلاقي رقم زياد تاخدو وتطلع ع البلكونه )
ندي : ياترا اقولو ايه اقولو ايه
( تكتب رقمو علي فونها وتتصل بيه )
ندي : الو .. دكتور زياد معايا ؟
زياد : ايوه . مين معايا ؟
ندي : انا ندي صاحبت هاجر
( يبتسم زياد لما يسمع اسم هاجر )
زياد : اه اه اهلا ياندي عامله ايه
( تبتسم ندي وتحس بوجع في قلبها )
ندي : اااا انا تمام .. انا اسفه بتصل علي حضرتك في وقت متاخر
زياد : اولا من غير حضرتك ، ثانيا لا متاخر ولا حاجه الساعه لسه 9
ندي : طب ااا ، انا كنت بتصل ع حضرتك بخصوص هاجر
( يحس زياد بنفس الاحساس ويبدأ يكلمها بلهفه )
زياد : مالها
ندي : اترفدت من الشغل انهارده ، ومروحه مخنوقه وانا عارفه انها نايمه مضايقه ، ف كنت عاوزه اسالك لو يعني تعرف حد محتاج شغل
( يفكر زياد شويه )
زياد : خليها تجيلي بكره وانا هقولها علي شغل مناسب
ندي : تسلم يا دكتور ربنا يخليك
زياد : محتاجه حاجه تاني
ندي : لا ربنا يخليك ، سلام
زياد : سلام
( تقفل ندي الفون وتروح تنام وتاخد الفون في حضنها )
