الحلقه "8" ( كالقهوه 🎵❤ )
•
•
•
•
•
•
•
( يعدي اليوم ويجي اليوم اللي بعدو يرن المنبه الساعه 10 تروح هاجر تاخد شاور ويغسل زياد وشو ، تلبس هاجر بنطلون جينز كحلي وتيشرت ابيض مخطط باسود بكم وكوتشي ابيض وتعمل شعرها ضفيره علي جمب وتنزل قصه خفيفه وتحط ميك اب يبان شكلها هادي ورقيق جدا وتنزل تتمشي . ويلبس زياد بنطلون جينز كافيه وتيشرت بكم ابيض ويلبس كوتشي ابيض يأكد علي مامتو انو هيجيلها مع هاجر ويركب عربيتو ويمشي يروح ع الكافيه يطلع الدفتر بتاعو ويكتب )
" وإنكِ ابتسامتي ، وبسمتي ، وسر تبسمي ..❤ "
( ويشيل الدفتر في جيبو يلاقي هاجر داخله تترسم علي وشو الابتسامه تلقائيا ويقوملها )
زياد : مش هينفع كدا
هاجر : في ايه ؟
زياد : انتي كل يوم بتحلوي كدا في ايه !
( تبتسم هاجر ابتسامه خجوله )
هاجر : القهوه ياعم فريد
زياد : مستخدمتيش الدفتر لسه ؟
هاجر : لا بصراحه
زياد : عايزك كل ما تحسي بحاجه تكتبيها
هاجر : صح الجاكيت بتاعك اهو .. مش هنساه كل يوم بقا 😂
زياد : ليه خليه ذكري عشان لو جرالي حاجه تفتكريلي حاجه حلوه 😂
هاجر : بعد الشر يا زياد متقولش كدا
زياد : بتخافي عليا يا هاجر ؟
هاجر : القهوه لما بتبرد مش بتبقا حلوه ، اشرب ؟
( يضحك زياد ويشربو القهوه ويركبو العربيه ويمشو وكالعاده تظبط هاجر مكتب زياد وتدخلو الحالات وتنقلو اوراق ويعدي يومهم ويركبو العربيه ويمشو لبيت زياد .. في الطريق يرن زياد علي امو )
زياد : ايوه يا ماما احنا قريبين من البيت
الام : يابني انجز شويه مش قادره استني هموت واشوفها
زياد : متستعجليش يا امي الله
الام : طب ياحبيبي توصلو بالسلامه
( يقفل زياد واول ما يوصل تحت البيت يزمر بالعربيه )
هاجر : شارعكو جميل
زياد : نورتيه
( يمسك زياد ايديها فتبصلو يبتسملها ابتسامه تريحها ويطلعو علي الشقه يخبط فتفح مي )
مي : وحشاني يا قمر ♥️
هاجر : ربنا يخليكي يا حببتي
مي : تعالي ماما هتموت وتشوفك من كتر ما حكتلها عنك
هاجر : تسلميلي يارب ♥️
( تمسكها مي من ايدها وتدخلها تقابلها ام زياد بفرحه كبيره )
الام : وانا اقول الشارع والبيت منورين كدا ليه يا ماشاء الله ♥️
( تاخدها ام زياد بالحضن )
زياد ( بصوت واطي ) : مي انا خايف !
مي : من ايه
زياد : امك مش بتسكت مانتي عارفه وبعدين ايه كميه البوس دي في ايه ! احممم ، يلا يا ماما ناكل ولا ايه انا جعان !
الام : يلا يا حبيبي .. نورتي يا قمر ♥️
( يروح زياد وهاجر يقعدو في الانتريه ومي والام يحضرو الاكل )
زياد : شكلها حبتك
هاجر : ربنا يخليهملك يارب انا حبتهم جدا
زياد : وهما جدا
( تنادي الام عليهم ويقعدو يتغدو ويتكلمو ويهزرو وبعد القعده يشربو حاجه سقعه )
هاجر : طب يا طنط عن اذنك بقا عشان متاخرش
الام : اوعديني متكونش اخر مره
هاجر : وعد يا طنط انشاء الله .. يلا سلام يا مي ، سلام يا طنط ♥️
الام : سلام يا قلب طنط 💜
زياد : استني يا هاجر اوصلك
( وينزل زياد يوصلها ويقف معاها تحت البيت شويه )
زياد : انا مبسوط جدا
هاجر : انا مبسوطه اكتر ، اهلك طيبين اوي ، ربنا يخليهملك ♥️
( تفتكر هاجر للحظه اهلها تدمع عنيها وتنزل دمعه لا اراديه ، يلاحظ زياد )
زياد : مالك بس دلوقت
هاجر : مامتك فكرتني ب امي الله يرحمها
زياد : ربنا يرحمها يارب ، امسحي دموعك وطول ما انا جمبك مش عاوز اشوفهم ❤
( يبوس زياد راسها ويمسك ايديها )
زياد : هاجر علي فكرا انا
ندي : دكتور زياد ايه الاخبار !
هاجر ( بصدمه ) : ندي !
زياد : ازيك يا ندي ؟!
ندي : انا تمام طول ما انت تمام ❤
( وتمدلو ايديها يسلم عشان ميكسفهاش )
ندي : اتبسط اني قابلتك ♥️
هاجر : عرفتي العنوان منين ؟
ندي : سالت عشان كنت عاوزه اشتري شوية حاجات ف قولت اجي اخدك معايا بالمره
هاجر : اه .. همشي انا مع ندي يا زياد محتاج حاجه ؟
زياد : توصلي بالسلامه ❤
ندي : سلام يا دكتور زياد
زياد : سلام ، سلام يا هاجر
هاجر : سلام
( وتركب هاجر العربيه يتأكد زياد انهم مشو ويطلع )
ندي : دكتور زياد دا مش طبيعي ❤
هاجر : عامله ايه في شغلك ياندي
ندي : شغلي تمام المهم عامله ايه انتي في شغلك مع دكتور زياد
هاجر : هو في ايه بقا يا ندي .. دكتور زياد دكتور زياد !!
( عند زياد .. يعدي شويه يخبط الباب وتدخل اخت زياد ب القهوه )
مي : زيزو ما تيجي معايا
زياد : فين
مي : عاوزه اشتري هدوم عشان فرح يوسف
زياد : خدي امك
مي ( بصوت واطي ) : بلاش امك ونبي
زياد : وانا مالي الله
مي : كل دا عشان معنديش اخت بنت !
زياد : لو هتقولي نفس الاسطوانه يبقا يلا بينا من سكات انا عندي صداع
مي : قلب اختك حبيبي
( تلبس مي وتنزل هي وزياد يروحو علي محل الملابس )
مي : زياد ايه رايك في الطقم دا
زياد : مش حلو
مي : طب ودا ؟ ... زياد .. زياد !
زياد : مي شوفيلي فستان علي زوقك لهاجر وانا هستناكي بره
مي : هاجر ؟
زياد : ايوه هخليها تيجي معايا الفرح واختاري فستان كويس عشان هحاول ما اشوفهوش غير عليها هي يوم الفرح اشطا ؟
هاجر : اشطا جدا
( عند هاجر )
ندي : عملتي ايه عندهم
هاجر : مافيش اتغدينا واتعرفت علي مامتو وكنت متعرفه علي اختو امبارح وشكلهم عيله طيبه ❤
ندي : وانتي عايزه يبقا اهل القمر ايه ♥️
هاجر : نامي يا ندي نامي 😂
( يعدي اليوم ويجي اليوم اللي بعدو وبنفس الروتين يتقابلو في الكافيه ويشربو القهوه وبعدها يروحو ع العياده .. يخلص زياد اليوم ويتصل علي هاجر وتجيلو )
زياد : اقعدي
( تقعد هاجر )
زياد : عاوزك تيجي معايا فرح يوسف
هاجر : بس انا مش هعرف حد هناك
زياد : متخافيش ماما ومي هيجو معايا وانا هكون معاكي
هاجر : معنديش مشكله ♥️
زياد : ينفع اطلب طلب وارجوكي متكسفينيش
هاجر : لا طبعا اطلب
( يطلعلها الصندوق اللي فيه الفستان )
زياد : الفستان دا هديه مني انا ومي ، عاوزك تلبسيه يوم الفرح ❤
هاجر : بس ...
زياد : قولتلك متكسفينيش
هاجر : ماهو ..
زياد : ماهو ايه بس انا قولت كلمه .. وخلي بالك بقا انا بطلب دا امر 😒❤
هاجر ( بابتسامه ) : حاضر
زياد : مش هتصدقي لو قولتلك اني لسه ماشوفتهوش
هاجر : بجد والله 😂 شكلك مش فضولي
زياد : انا مش فضولك انا اطول منك حبتين هاهاهاي 😂😂😂
هاجر : كنت بقول يلا بينا يا زياد ؟ 😂😂
