الحلقه "10" ( كالقهوه 🎵❤ )
•
•
•
•
•
•
•
( يعدي شويه ويجو الفوتوجرافر يصورو العريس والعروسه يتصور زياد وهاجر معاهم ويطلب زياد من واحد يصورهم . يتصور زياد مع هاجر ومع اهلو ويتصور لوحدو ويطلب منو يصور هاجر لوحدها ويفضلو يتصورو كتير وشويه وتروح هاجر تقعد هي وندي ويفضل زياد مع العريس )
مي ( بصوت واطي ) : ماما هتفضلي ساكته كدا ؟
الام ( بصوت واطي ) : اعمل ايه مش طايقه الاخت اللي قاعده دي !
مي : منوره يا ندي
ندي : بنورك ياقلب ندي ♥️♥️
الام ( بصوت واطي ) : ايه محن البنات ده ياختي دي لسه عرفاكي وبقيتي قلبها !
مي ( بصوت واطي ) : معلش يا ماما كبري
هاجر : طنط انا هطلع اقف بره شويه
الام : براحتك يا بنتي 💜
( تطلع هاجر تقف في الجنينه اللي برا القاعه تحس بالبرد ، تفضل تدفي ايديها ، يبص زياد ع الترابيزه ميلاقيهاش يبص بره يلاقيها واقفه يروحلها ، يلاحظ وهو رايحلها انها بتترعش فيقلعلها الجاكيت ويحطو علي كتفها )
زياد : سقعانه
هاجر : اه بصراحه
( ياخد زياد ايديها ويحاول يدفيها )
زياد : احسن ؟
هاجر : انا تمام تمام شكرا
( يسكتو شوية وبعدين يحاول زياد يفتح موضوع )
زياد : بتحبي تعملي ايه في يومك ؟
هاجر : بحب اغني
زياد : بتعرفي تغني
هاجر : يعني .. اه
زياد : غنيلي كده
هاجر : هنا
زياد : ايوه هنا .. محدش واقف غيرنا اصلا
( تبتسم هاجر وتبص في عيون زياد وترجع تاني تبص بعيد وتبدأ تغني بصوت هادي ورقيق )
" انا ليه بشتقلك ، بنده ليك محتاجلك ، وانت ازاي تسيب قلبي اللي عاش لهواك "
" خد عمري وخد عيني ، خد ايامي وسنيني ، بس حبيبي خليني اعيش وياك "
" قرب مني خليني ، شايف جنتي بعيني ، عايش احلي ايامي معاك وماليش "
" في الدنيا دي غيرك انت ، عشقك قلبي ماهو انت ، وانت الدنيا من غيرك اعيشها انا ليه "
( وتحاول تكمل بس تترعش وتبان الرعشه في صوتها وتسكت وتفضل تترعش يبصلها زياد ويغمض عنيه وبحركه تلقائيه يسحبها لحضنو تتخض هاجر وتحاول تبعد لكنو يحضنها اكتر واكتر فتغمض عنيها وتتعمق في حضنو اكتر ، تطلع ندي لما تلاقيهم اختفو هما الاتنين وتبص تلاقيهم حاضنين بعض تشوفها ندي تتخض وتبعد عن زياد )
ندي : انا مش عايزه اعرفك تاني !
( وتطلع ندي تجري وتركب تاكسي وتمشي )
زياد : هو في ايه ؟!
هاجر : سيبني
زياد : في ايه يابنتي
هاجر ( بزعيق ) : سبني يا زياد !
( يسيبها زياد تطلع تجري وتركب تاكسي هي كمان وتطلع الشقه تلاقي ندي قاعده ع الارض وبتعيط جامد )
ندي : قولتلك مش عايزه اعرفك تاني !!
هاجر : ايه اللي حصل فهميني !!
ندي : محسيتيش يا هاجر طول الفتره دي ان انا بحب زياد ، محسيتيش اني حبيتو وبكلمك عنو كتير
هاجر : مجاش في بالي والله يا حببتي اصل انتي متعاملتيش معاه كتير !
ندي : متعاملتش معاه كتير بس عشقتو ! تخيلي انتي لما تعشقي حد وتلاقيه في حضن صحبتك !
هاجر : حاسبي علي كلامك يا ندي
ندي : لعلمك بقا زياد يوم ما كلمني علي شغلك قاللي يومها انو بيحبني وخلاكي تشتغلي عندو عشان يقرب مني كمان !
هاجر : انتي بتقولي ايه ؟!
ندي : ايوه عشمني انو بيحبني وخلاكي تشتغلي عندو بس علشاني ، امال انتي مفكره ايه انو هيحبك انتي مثلا !
( تدخل هاجر اوضتها وتقعد ع السرير وتفضل باصه للفراغ تفتكر اول يوم شافت زياد فيه وتفتكر كل حاجه كان شريط حياتها بيمر عليها تاني تبدا تعيط تروح قدام مرايتها وتقلع اكسسواراتها وتبص لنفسها في المرايه تفقد سيطرتها علي نفسها وتبدأ تعيط وتصوت بطريقه هستيريه تقعد ع السرير وتدفن وشها بين كفوفها وتعيط جامد يتعاد عليها شريط حياتها وتفتكر ابوها وامها واختها . تسند راسها علي المخده تسمع في ودنها صوت خالتها لما قالتلها "اهلك ماتو .. ياعيني عليها بقت يتيمه " تتوجع اكتر ومن كتر عياطها تنام من غير ما تحس حتي تنام بفستانها تصحي تاني يوم متاخر متلاقيش ندي في البيت تنزل تركب عربيتها وتمشي تروح علي العياده تدخل ع مكتب زياد تلاقيه قاعد ومخبي وشو بين كفوفو تهبد الباب وراها يتخض يلاقيها في وشو يقوملها بلهفه )
هاجر : انا مش جايه الشغل تاني
زياد : فهميني في ايه
هاجر : مافيش حاجه يا زياد
زياد : هاجر فهميني في ايه !
هاجر : في كدب ولعب بقلوب الناس وتوقيع بين صحبتين ملهمش غير بعض في الدنيا !💔
زياد : اهدي كدا واقعدي فهميني تقصدي ايه
( يمسكها من دراعها عشان يقعدها تبعد عنو )
هاجر : متلمسنيش !
زياد : طب ياستي اقعدي خلينا نتكلم كلمتين !!
( تقعد هاجر ع الكرسي )
هاجر : دلوقتي انت قايل لندي انك بتحبها مالك بيا ! لا ومشغلني عندك عشانها عشان توصلها ، يعني انا كوبري انت شايفني كوبري يا زياد !
زياد : انتي ايه اللي انتي بتقوليه دا ندي مين دي اللي بحبها
هاجر : متكدبش يا زياد !
زياد : هاجر انا مش بكدب
هاجر : طب سيبك انت بتحب ندي ولا مبتحبهاش انا مالي ! بتحبها هي شغلها هي عشان تبقا جمبك لاكن انا . انا تشغلني انا ليه عشان تقرب المسافات يعني !
زياد : مسافات ايه دي اللي اقربها انا مشغلك انتي عشان عاوزك انتي !
هاجر : عاوزني ازاي وانت بتحب ندي !
زياد : ندي مين دي اللي انا بحبها يا بنتي انا مشوفتهاش غير اول يومين جيتيلي فيهم وامبارح بس !
هاجر : قالتلي انك يوم ما اتكلمتو في التليفون اعترفتلها انك بتحبها واللي بعده بيوم شغلتني عندك !
زياد : ندي دي كدابه
هاجر : انا صحبتي مستحيل تكدب !!
زياد : طب وانا هكدب ليه يا هاجر !
هاجر : عشان تحافظ علي شكلك قدامي ! وانت متعرفش ان انت بالنسبالي بقيت حد وحش اوي ! حرام عليك يا زياد تعمل فيا كدا ليه وانت عارف ان انا نفسيتي زي الزفت ، هو انت بتلحقني من صدمه عشان ترميني في صدمه تانيه ! الحاجه الوحيده اللي عيشت عشانها بعد ما اهلي ماتو وخطيبي اللي كنت بعشقو سابني كانت ندي ودلوقتي بسببك هخسرها ! انت عايز تبوظلي حياتي بس انا مش هسمحلك يا زياد ، مش هخسر صحبتي اللي مخلياني رقم واحد في حياتها عشانك انت 💔
زياد : خلصتي كلامك ؟! انا معملتش حاجه من اللي انتي قولتيها دي ولو مش عايزه تصدقي متصدقيش
هاجر : مش عارفه ازاي لسه عايز تبين نفسك مظلوم وانت جواك انسان زباله !
زياد : هاجر ! انا قولت كلامي . عايزه تصدقيه صدقي مش عايزه برحتك لكن لو هتفضلي تقولي كلام ملهوش لزمه يبقا امشي احسن !!
هاجر : الكلام اللي قولتو دا ولا حاجه جمب اللي في قلبي ! انت متعرفش انا شيفاك ازاي دلوقت ، شيفاك حد زباله !
زياد : هاجر انا لسه محترم نفسي معاكي لو سمحتي امشي !!
هاجر : دا منظر بني ادم محترم دا انت ...
( يقوم زياد ويمسك هاجر من كتافها ولسه هيتعصب عليها يلاقيها غمضت عنيها من خوفها يحاول يهدي ويسيبها زيبص بعيد ويشاور علي الباب )
زياد : اطلعي بره
هاجر : قبل ما اطلع عيزاك لا تقرب مني ولا من ندي انت فاهم !
( تبصلو هاجر نظره اخيره واول ما تطلع من مكتبو متقدرش توقف دموعها اللي زي المطر وقاعد زياد محتار ومش فاهم حاجه يدفن وشو بين كفوفو ويروح في عالم تاني ! تركب هاجر عربيتها وتروح ع شقتها هي وندي تدخل الشقه وتروح تلاقي ندي قاعده ع السرير وباصه في الارض )
هاجر : متقلقيش يا ندي انا روحت وعرفتو قيمة نفسو كويس وعرفتو ان مهما حصل عمري ما اخسرك ابدا ❤
ندي : عايزه تفهميني انك قطعتي علاقتك بيه
هاجر : ايوه والله هو انا عندي اغلي منك يا ندي ♥️
ندي : طب كويس .. اطلعي برا بقا !
