الحلقه "4" ( كالقهوه 🎵❤ )
•
•
•
•
•
•
•
( تصحي هاجر من النوم تغسل وشها وتفطر وتلبس بلوفر اسود وبنطلون جينز اسود وكوفيه سوده واخدت شنطتها وراحت تلبس جذمه )
ندي : رايحه فين يا حببتي
هاجر : رايحه ادور علي شغل
ندي : دكتور زياد قاللي انو عاوزك
هاجر : وانتي كلمتي دكتور زياد ازاي ؟!
ندي ( بصريخ ) : ااااه
( وتمسك ندي ايديها تجري عليها هاجر )
ندي : اااا انا كويسه متقلقيش عليا
هاجر : طيب انا ماشيه عاوزه حاجه
ندي : لا
هاجر : يلا باي باي
( وتنزل هاجر تركب عربيتها وتروح ع الكافيه تدخل وتقعد في مكانها وتطلب قهوه ساده .. يسوق زياد بسرعه وبابتسامه علي امل تكون موجوده وفعلا يركن عربيتو ويدخل يبص علي مكانها يلاقيها سرحانه وبتشرب قهوتها يروح قصادها ويسحب كرسي ويقعد )
زياد : احم احم
( تتخض هاجر جدا لدرجه انها تشرق من القهوه وتفضل تكح جامد يتخض عليها جدا )
زياد : مايه يا عم فريد بسرعه !
( يجري عليه فريد ب المايه ياخد منه الكوبايه ويمسك ايد هاجر ويشربها ، يحط الكوبايه ع الترابيزه وياخد مناديل ويمسحلها عنيها )
زياد : كل دا بسببي انا اسف انا اسف !
هاجر : مم متتأسفش مم محصلش حااجه
زياد : محصلش حاجه ايه بس دا انتي وشك احمر وعنيكي دمعت واحمرت انا اسف بجد
هاجر : ولا يهمك مش مشكله صدقني
زياد : طب ممكن اطلب منك تقعدي معايا انهارده كمان ؟❤
هاجر : ممكن جدا ❤
( يمدلها زياد ايدو تبص في عنيه وتحط ايدها في ايدو . يمسكها ويروح يسحبلها كرسي ويقعدها قصادو ويقعد قصادها )
زياد : اتنين قهوه يا عم فريد
هاجر : ااا انا شربت
زياد : بجد ؟ خلاص يا عم فريد متجبش
( يستغرب عم فريد ويمشي من سكات )
هاجر : مجبتش انت ليه ؟
زياد : ملهاش لزمه بقا
( تبتسم هاجر بسمه بسيطه )
هاجر : ندي قالتلي انك عاوزني
زياد : عامله ايه في شغلك
هاجر : اتفصلت
زياد : ليه كدا
هاجر : اول يوم رحت متاخر وتاني يوم مروحتش اصلا قالولي دا شغل ومينفعش وكده
زياد : انتي محتاجه شغل ؟
هاجر : جدا
زياد : وانا محتاج مساعدة ليا
هاجر : مساعده ازاي مش فاهمه
زياد : محتاج حد يكون دراعي اليمين محتاج حد يساعدني ، ينفع ؟💙
هاجر : دا شرف ليا اني اشتغل مع حضرتك بس ..
زياد : الشرف ليا انا ودا اولًا ، ثانيًا من غير حضرتك ثالثًا مبسش ولو تحبي نبدأ انهارده كمان
هاجر : طب ممكن تسيبني افكر واوعدك هبقا اقولك ؟
زياد : طب ممكن تفكري بعد ما اوريكي مكان شغلك
هاجر : طب ااااا
زياد : خلاص متفكريش يلا بينا
( يمسكها من ايديها ويفتحلها باب العربيه )
هاجر : وعربيتي ؟
زياد : واحنا راجعين
هاجر : طيب ماشي
( تركب هاجر يقفلها زياد الباب ويلف يركب ويمشي . سايق بانبساط في طريقه للعياده . يفضل يبص عليها في المرايه ويحس بنفس الاحساس اللي مبيحسهوش غير معاها ، معاها هي وبس ! )
( يوصلو علي العياده ينزلو ويقابلو يوسف )
يوسف : زيزو .. مش تعرفنا ؟!
زياد : دي هاجر ، هتبقا المساعدة بتاعتي
يوسف : ايه ؟!!!!
زياد : طيب ممكن تدخلي وهحصلك
هاجر : تمام
( تمشي هاجر )
يوسف : مساعدة ؟!!!!!
زياد : ايه اللي فيها يعني يا يوسف
يوسف : ايه اللي فيها ؟!
( فلاش بااك )
يوسف : يابني هاتلك مساعدة بدل ما انت محتاس لوحدك كدا
زياد : مساعدة مين يابني لا طبعا ؟ مين دي اللي اثق فيها علي مكتبي وعلي شغلي وكل حاجه ؟ وازاي اصلا اسمح لبنت تقرب مني ب الشكل دا ؟! وغير كدا انا مش محتاج لمساعدات اصلا
يوسف : بس السكرتيره بتاعتي بتساعدك ساعات وهي مش هتستحملنا احنا الاتنين
زياد : لاخر مره هقولهالك انا مش محتاج مساعدات ليا !
( بااك )
يوسف : امي اللي كانت بتقول كدا ها !😂
زياد : واحتجت يا يوسف هعمل ايه يعني
يوسف : زياد محتاج .. اليوم دا يتسجل في التاريخ
زياد : يوسف ، شكلك رايق !
يوسف : مش عارف ايه الحكايه ب الظبط بس ماشي
زياد : حكاية ايه يا تافه انت 😂
يوسف : انهارده اجازه لو فاكر
زياد : وطلاما اجازه انت ايه اللي جابك
يوسف : كنت حاسس اني هلاقيك هنا
زياد : والمطلوب
يوسف : هبقا ارن اقولك ، سلام يابوص
( يضحك زياد ويروح ع مكتبو يدخل يلاقيها قاعده وتبتسم ابتسامه خفيفه لما يدخل وتقوم تقف )
زياد : اقعدي اقعدي
( تقعد هاجر يسحب كرسي ويقعد قصادها )
زياد : زي ما انتي شايفه ، المكتب بيبقا متبهدل جدا اخر اليوم ، وحالات المرضي محتاج اللي ينظمهملي واوراقهم ، وتقريبا احنا قهوتنا زي بعض وانا كنت محتاج اللي يعملي القهوه مظبوطه ♥️
هاجر : تقريبا انت عاوزني اشتغل معاك عشان القهوه صح
زياد ( ويضحك ): لا بس دا سبب من الاسباب
هاجر : كنت قولي كنت هاجي اعملهالك وامشي
زياد : لا انا عاوزك معايا .. اا يعني تشتغلي معايا
هاجر : طب ، انا موافقه
زياد : بجد والله !.. ااقصد تمام تمام جدا
هاجر : هاجي امتي وهروح امتي وكده
زياد : احنا بنتقابل في الكافيه ، نيجي سوا وواحنا مروحين انا هوصلك
هاجر : ملوش لزوم والله
زياد : ملكيش انتي دعوه بس
( تضحك هاجر يبصلها زياد ويحس ب الدفا في عنيها تبصلو تلاقيه مركز في تفاصيلها وتبدأ تسرح في اللمعه اللي في عيونو وتبتسم بشكل تلقائي )
( يعدي الوقت ويركبها زياد ويركب معاها ويسوقو ويطلعو ع الكافيه عشان عربيتها )
هاجر : الجو حلو اوي
زياد : طب تعالي نقعد شويه
( يتكلم زياد مع عم فريد ويطلب اتنين قهوه ويخليه يطلعهملو ع الكراسي المقابله للبحر ويروحو يقعدو وبعد شويه توصل القهوه )
هاجر : انت بتقعد في الجو دا علي طول
زياد : انا بقالي سنين في الكافيه دا ، وفعلًا انتي اول حد يقعد معايا فيه
هاجر : يعني حتي حبيبتك مجتش معاك في الكافيه دا ؟
زياد : بس انا مش بحب
( تبتسم هاجر وتلاقي فونها بيرن )
هاجر : ايه يا ندي
ندي : فينك يابنتي
هاجر : قاعده مع دكتور زياد
ندي : وتقعدي مع دكتور زياد ليه لدلوقت ؟!
هاجر : اما اجي نبقا نتكلم يا ندي !
ندي : ماشي يا هاجر
( تقفل هاجر )
ندي : دكتور زياد وهاجر ، تمام
