الحلقه "14" ( كالقهوه 🎵❤ )
•
•
•
•
•
•
•
( يسمع زياد صوت مي يقوم يجري بتلقائيه وخوف يجري ع المطبخ يلاقي هاجر ومي قاعده بتفوقها ، يجري عليها بسرعه وعنيه مليانه خوف يشيلها من ع الارض ويجري بيها ع اوضته يسندها علي رجلو وتيجي راسها علي كتفو )
زياد : روحي هاتي المطهر بسرعه !
( يفضل زياد يخبط لهاجر علي وشها براحه يحاول يفوقها )
زياد : هاجر قومي يا هاجر ، هاجر .. هاجر فوقي !
( يسند هاجر ع السرير و يقوم يجري زياد يجيب كوبايه مايه ويكب منها شويه علي وشها .. تفوق هاجر شويه بشويه ولما يشوفها زياد يحس براحه انها كويسه يبتسم بسمه ارتياح وياخد راسها في حضنو ويهمسلها براحه )
زياد : الحمد لله انك بخير !
( يحس ب ان اختو جايه يسحب راسها بالراحه يحطها ع السرير ويمسك ايديها ، تيجي اختو تديلو قطن ومطهر وتبص لهاجر تلاقيها لسه بتفوق )
مي : هاجر حببتي انتي كويسه ؟!
هاجر : اانا ، اانا كويسه كويسه ...
( تبص هاجر لزياد تلاقيه باصصلها ونظراتو مليانه بالخوف وماسك ايديها تحط هي ايديها التانيه علي ايدو تطمنو ، يبتسملها )
مي : زياد لازم نطهرلها رجلها بسرعه عشان ميحصلش حاجه وحشه
زياد : معاكي حق ، معلش يا هاجر استحملي ، هي هتحرقك شويه
( تفرد هاجر رجلها ويقعد زياد جمبها تحط مي المطهر في القطنه واول ما تقربها من رجل هاجر تحرقها جامد وتروح مخبيه وشها في دراع زياد من الوجع بعد ما تخلص تربطلها رجلها وتعدلها ع السرير )
مي : انا هروح اكمل مذاكره يا زياد ، الف سلامه عليكي يا حب ♥️
( تطلع مي من الاوضه ، يقعد زياد في وش هاجر بالظبط ويمسك ايديها )
زياد : خضيتيني عليكي ، ايه اللي حصل
هاجر : دوخت وانا واقفه بعملك القهوه
زياد : ياستي في داهيه القهوه مش عايز اشرب قهوه تاني
هاجر : طلاما القهوه بتبسطك ومهمه عندك ، يبقا يحصل اي حاجه فداك
زياد : بس انتي عندي اهم من القهوه ! ❤
( تدمع عيون هاجر وتبص في عيون زياد تاني يشوف زياد عيونها المدمعه يحس بوجع في قلبو تاني )
هاجر : لسه زعلان مني
زياد : مقدرش ازعل منك ابدًا ، انا بحبك ❤
( تعيط هاجر يمسحلها زياد دموعها ويحضنها جامد بعمق تنزل منو دمعه فرح يمسحها تاني ويبوس راس هاجر ويفضل يبوس ايديها )
هاجر : انا اسفه
زياد : متتأسفيش ، لو مكانك انا هعمل كدا وأكتر
هاجر : اوعي تسبني تاني يا زياد
زياد : عمري في حياتي ما هسيبك يا هاجر
هاجر : عيزاك تعرف اني بحبك اوي !
زياد : عارف ، انا عارف ♥️
( تفضل هاجر في حضن زياد لحد ما تنام من كتر العياط وكأنها طفله كل ما تعيط تنام يشيل راسها من حضنو براحه ويسندها علي السرير ويغطيها يفضل باصصلها بتأمل ويشيلها شعرها اللي جاي علي شفايفها ويغمض عنيه ويبوسها بعمق ، ياخد مخده من جمبها وغطا زياده من دولابو ويحطهم علي الكنبه اللي بره )
مي : ايه اتصالحتو
زياد : ايوه واعترفتلها وقالتلي انها كمان بتحبني ومن فرحتها عيطت ونامت ♥️ شبه الاطفال هي ♥️
مي : ربنا يفرحكو يارب وافرح بيكو قريب بقا
( يجي اليوم اللي بعدو يصحي زياد الساعه 10 يروح ياخد دوش ويطلع ع البلكونه شويه وبعدين يدخل اوضتو ياخد هدومو يلاقي هاجر لسه نايمه يجي يقعد جمبها ويحسسلها علي خدها تضايق هي وتتقلب يضحك هو ويحسسلها علي خدها تاني تضايق وتفتح عنيها تلاقيه هو تقوم مخضوضه وتقعد )
هاجر : في ايه يا زياد علي الصبح
زياد : يلا عشان تيجي معايا الشغل
( تضحك هاجر ضحكه مليانه فرحه غالبها النوم يبصلها زياد ويحس في الوقت دا كانها بنتو ياخدها في حضنو ويبوس راسها )
زياد : عايزك تلبسي الفستان عشان ملحقتش اشبع منك وانتي لابساه ❤
هاجر : حاضر
( يطبطبلها علي ايديها وياخد هدومو ويروح يغير في الحمام وتغير هاجر وتلبس الفستان مع الاكسسوارات وتظهر بنفس الشكل اللي ظهرت بيه في فرح يوسف بس المرادي احلي وبوش منور ، ايوه دا نور الحب والفرحه ، تركب مع زياد العربيه ويروحو علي الكافيه يقعد زياد في مكانو وتقعد هاجر قصادو )
زياد : ايه القمر دا ❤
( تضحك هاجر وتبص في الارض يجيلهم عم فريد )
فريد : زياد يابني .. مجتش بقالك كتير يا حبيبي
زياد : معلش يا عم فريد كانت في مشكله بس الحمدلله اتحلت
فريد : الانسه كانت بتسال عليك عندي وكان شكلها قلقان وقلقتني معاها
زياد : لا متقلقش يا عم فريد انا كويس الحمد لله
فريد : يارب دايما يابني 5 دقايق والقهوتين يبقو عندك
زياد : انا ملاحظ ان المكان دا بقا كرسيين هو حد غيري بيقعد هنا ولا ايه
فريد : لا عيب عليك يابني انا بس ملاحظ ان الانسه بقت بتقعد معاك علي طول ف ظبط القعده لاتنين
زياد : ربنا يخليك يا عم فريد ❤
( يمشي عم فريد ويعدي الوقت ويوصلو علي العياده تروح هاجر علي مكتبها وتدخل لزياد الحاله ، تفضل البنت تتكلم مع زياد وتعيط ، يتصل زياد بهاجر )
زياد : هاجر بعد اذنك هاتيلي الورق اللي عند يوسف
( تروح هاجر وتجيب الاوراق من عند يوسف وترجع تلاحظ من الازاز تلاقي البنت بتعيط ومره واحد تترمي في حضن زياد تشوف المنظر دا وتنزل دموعها من غير ما تحس تقع الاوراق من ايديها وتطلع تجري علي مكتبها )
زياد : ايه اللي انتي بتعمليه دا حضرتك !!
ياسمين : انا اتظلمت كتير وناقصني حد حنين زيك اوي ، جرب تبقا معايا ، هو انا وحشه ولا ايه عشان ما ابقاش ماليه عنيك
زياد : بره ، اتفضلي بره !!
ياسمين : يا .
( يقوم زياد يمسكها من دراعها ويطردها بره العياده خالص وتسمع هاجر صوت زعيقو ووهو راجع يشوف الورق مرمي ع الارض يدق قلبو لما يحس انها هاجر يتنفس براحه ويروحلها علي المكتب يبص في المكتب ميلاقيهاش يدور عليها يلاقيها قاعده علي الارض ورا المكتب وبتعيط يضحك غصب عنو ويروح يقعد قصادها )
زياد( بابتسامه ) : ايه اللي مقعدك هنا
هاجر : عرفت انك جاي ومكنتش عاوزاك تشوفني بعيط
زياد : طب قومي
( يقعدها زياد قصادو علي المكتب )
زياد : مش انتي عارفه اني بحبك انتي ، اكيد شوفتي ان هي اللي عملت كدا مش انا ، واكيد انا قولتلك مش عايز اشوفك بتعيطي تاني
( وكل ما زياد يقول حاجه تهز راسها ب اه يضحك هو ويمسحلها دموعها ويرجعلها شعرها لورا ويدفن وشها بين كفوفو ويبوسها بعمق )
زياد : تتجوزيني ❤
___________________________
( قاعد زياد ومبتسم وبيكتب كل حاجه فاكرها يقطع تفكيره صوت عياط ، تدخلو هاجر متعصبه وشايله بنتهم وهي بتعيط )
هاجر : يا زياد مش قولتلي هتخلص وتاخد لوقيه مني بتعمل ايه كل دا !
زياد : بكتب عن حياتي وانا معاكي ياست الكل ♥️
هاجر : وخلصت بقا
زياد : لسه في جمله صغيره نسيت اكتبها عنك ، شويه وجاي
( تاخد هاجر لوقيه تاني وتطلع يبصلهم زياد بفرحه ويكمل الكتابه اللي قعد يكتبها بالساعات )
" وقد رزقنا الله ب"لوقيه" احببتها كما احببت امها ولاكن احببت امها اكثر ، فكانت هي حبي الاول ، احببتها كما احببت القهوه ، وبعد فترة ليست بكثيرة احببتها اكثر من القهوه ، فكانت هي قهوتي .. وحتي الان اراها كالقهوه 🎵❤ "
