بنات حجي عمران الفصول الاربعة

البارت الاول

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_الاول
#فتح_الكتاب

فاق قلمي من السبات و ذهب يتجول في ازقة بغداد يبحث عن ما يكتبه كان يمشي يائس حزين متعب من الفراغ و في احد الازقة سمع صوت الضحكات العالية الجميلة غرغرت عيونه فرحاً ركض مهرولاً نحو الصوت فوجده من احد البيوت فنظر من النافذة و اذ هنالك اربع اخوات و لكل منهن حكاية وجد القلم بطلته تسرح شعرها

بـ شعرها احلف
واحس بـ اقدس بشر حالف
تحچي وعقلي من گد الحلا واگف !
وشفتها بلبسه الاسود
وبوكتها آعله النبي صليت
چني بنية ما شايف .

نظر الى الباب فوجد اسم صاحب الدار الحاج عمران النداف عرف حينها انه سيكتب قصة
بنات حجي عمران
الفصول الاربعة

اخ يا ديِـرتنا القَديمة أشكَد حَنينة

' جهزو الامتعة لنذهب الى '

2012
احد مناطق بغداد الحبيبة

نور : يلة عاد ترى ما صار شعر صارلج ساعة تسرحين بي

سمر : يبووو شبيها بصلتج محروكة

عايدة : ههههه حلوة هاي

نور : كل مرة نتأخر بسببج

سحر : اي والله سمر يلة

سمر : الله اكبر على سمر ابتلت كعدت اتسرح شعرهة

سحر : اي مو تسرحينة الصبح سرحي بليل

سمر : دهر فركم امشو امشو نروح اكلتوني و شربتوني

نور : يا ربي باع الفاظهة و لا عبالك طالبة اسنان

سمر : ههههه امشو لا ارجع اسرح شعري من جديد

نور : لا بربج امشي

سمر : طلعنا من الغرفة كل وحدة ابتسامتهة مالية وجهة لاكتنة حنين مرت قيصر

حنين : صباح الخير

البنات : صباح النور

حنين : شو اليوم شمسجن عالية

سحر : غير من ورة ست سمر لازم ساعة كدام المرايا

حنين : ههههه والله راح اموت منج يا سمر اني لو يصحلي جمالح ما اكعد كدام المرايا

نور : راح نشيل المرايا من الغرفة

البنات : ههههههههههه

نور : اتقربت على حنين و اخذتهة على جهة و البنات نزلن كلتلها ها بشري تصالحتو ... هزت راسها لا و عيونهة دمعت

نور : تعاي حبي تعاي ننزل و اليوم ما انام اذا ما اصالحكم

حنين : شكرًا نور بكل مرة توكفيلي ما انسى وكفاتج الي لا تعد و لا تحصى

نور : ليش ولج اني غريبة

حنين : ههه ربي يحفظج

سمر : نزلنا جوة امي دا تسوي بالريوك صبحنة عليها