بنات حجي عمران الفصول الاربعة

البارت التاسع

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_التاسع
#اشتعال_نار_لا_تظفىء

لا تنشد علينه منين
احنه الوهگ بينه الضيم

خلص كل معانينه
وغير ألليل والدخان محد يعرف شبينه

وذني سنينه مخلصات بس الموت ناسينه

ذوله احنه
خرايب طين

نشب من الزعل والغيض وحدنه
ونرد نطفه بواجينه

كريم حاشوش

عمي حازم : تعالو كلكم اكعدو عندي موضوع وياكم

سمر : كعدنا كلنا بالصالة و بدا عمو حازم يحجي

عمي حازم : اولاً باجر كلنا معزومين غدا يم بيت صبري

جعفر : بابا اني ما اكدر اجي باجر صديقي عازمني

عمي حازم : خوش روح انت لصديقك و انتن اتحضرن باجر غدانا يم بيت صبري المهم موضوعي وياكم

يمة سالفة مقتل اخوي عمران راح اخلي الدولة تطلع منها لان الدولة ما بيها خير و ما مهتمين للسالفة و ولا عبالك 3 نفرات مكتولين الله وكيلج ما جاي يسوون شي راح اسحب الدعوة و خلينا نعين بهاء شيخ علينا و ناخذ حقنة بلـ عشائر

بيبي لبابة : خوش يمة الي تشوفة زين سوي بس يمة حگ اخوك و مرتة و ابنة موش تضيعة

عمي حازم : اااااخ يا يمة مكسور ظهري الله وكيلج

نور : والله يا عمو ما نعرف اشلون نجازيك اجينة و صرنة حمل عليك

عمي حازم : هاي المرة راح اعبرها كوة مرة ثانية يصير بيناتنة زعل لو رجعت و عدتي هاي الكلمة بوية و روح عمران انتن مثل جوري و ورد و اغلى

جوري : هلااو هلااااااااو والله محد اغلى مني غير اني بنتك المدللة

عمي حازم : صح انتي الغالية بس موش بغلات سحورة اي عمو سحر اشلونج

سحر : ابتسمت و كلت الله يخليك عمو اني بخير

عمي حازم : خوما محتاجة شي

سحر : بس حق ابوي و امي و اخوي

عمي حازم : والله ما يهنالي عيش و لا يغفالي جفن مرتاح الا اجيب كتال عمران جوة رجلجن

نور : الله يخليك يا عمو و يدومك ستر و خيمة النة

عمي حازم : ارجع و اعيد كلامي لو بيوم من الايام شفت ام ذو الفقار هنا قسماً بالله اطلك منيرة

بيبي لبابة : يا يمة شعليهة منيرة

عمي حازم : يمة ام فقار ما استحت و لا حسبت حساب لموتت عمران و رايحة تحتفل من لفاهة البين كون

بيبي لبابة : انة هم بعد لا اريدنهة و لا اريد شوفتهة تغسل حالهة

عمي حازم : يلة تصبحون على خير