بنات حجي عمران الفصول الاربعة

كلام موجه للبعض

السلام عليكم
اشلونكم حبايبي الغوالي

كلام كلش مهم موجه للبعض مو للكل ارجوكم اقروا للأخير

هواي دا اشوف تسقيطات بخصوص قصة بنات حجي عمران الفصول الاربعة

اشكال و الوان التعليقات البعض كاتب
ليش تموت الكل و البعض كاتب شنو السالفة اشكد ماتوا و البعض كاتب شنو مو قصة فلم هندي
و البعض يكلي انت ضفت احداث منك حتى تصعد القصة

اني ما مستعد ابرر بس اكره اتهام الباطل

قسماً بالله القصة كل حرف بيها حقيقي و ما ضايف اي شي خيال فقط الاسماء غيرتها و للعلم مو كل الاسماء غيرتها

بعدين ليش تحسسوني العراق مرتاح و عايش بخير
شو من سنة 2000 لليوم العراق من حرب لحرب من انفجار لانفجار من قتل لقتل يعني قتل حجي عمران مو اول جريمة قتل ترى
و حيدر من قتل بنتة ترى مو اول اب او ام يقتلون اولادهم يعني المفروض حتى ما تستغربون لان القتل و الاجرام روتين طبيعي صار بالعراق

لو من ماتوا اولاد نور و بهاء بالانفجار
شنو اول اطفال يموتون لا مو اول اطفال العراق كل سنة يسجل حالات موت اطفال بانفجارت و قتل و كل شي بعد شنو هل كلام و ليش التسقيط بالقصة

و البعض يكول ليش كلها ماتت او كاتب ليش كلها موتتها
ترى الحياة و الموت كلة بيد رب العالمين مو بيدي و رب العالمين كاتب على سمر و اخواتها يموتولهم هواي

يعني سمر لا اول و لا اخر وحدة يموتولها هواي ارجع و اذكركم احنة بالعراق بلد الموت و الفواجع و المواجع و القهر و الموت

و البعض كاتب النهاية حزينة لا مو حزينة
ترى سحر و عايدة الحمدلله مرتاحات بحياتهن و سمر و جوري مرتاحات بهل وضع الي هنة بي يهتمن بـ ام جعفر و بالحجية لبابة

البنات البطلات خلني اوقف الاحداث لحد سنة 2017 رغم اكو هواي احداث صارت بعد سنة 2017 بس هنة طلبن لهنا نوقف القصة و احترمت رأيهن

و قبل كم يوم قنعت سمر نكمل القصة و اقتنعت بس اليوم هي شافت تعليقاتكم و بطلت ما تسوي جزء ثاني و هسة لازم ارجع من جديد اقنعها
و اذا اقتنعت و سويت جزء ثاني راح يكون اغلبة ع المظاهرات و احداث نار عن المظاهرات اغلبها

رجاءً كافي تسقيط و احجو هنا بالتعليقات اقنعوا سمر نكتب جزء ثاني

تحياتي الكم

#للكاتب_محمد_ابوجود

للتواصل انستا abu_joud212