بنات حجي عمران الفصول الاربعة

البارت الثاني

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_الثاني

‏يفي عمري ومــلاذي
وشـوغتي وسـتري
خــذتني الناس واهس وانت مـا تدري

مظفر النواب

نور : كعدنا اني و انهار سكتت ما حجيت وياها خليتها على راحتهة اتصلت علية ماما رديت عليها

نور : الو هلو ماما

ام قيصر : هلو ماما نورة شوفي اذا تكدرن انتي و اخواتج تعالن من وقت للبيت لان عمامج صبري و حازم جايين ع الغدا

نور : ماشي اشوفهن اذا ما عدهن شي

ام قيصر : هاهية لعد مع السلامة

نور : الله وياج ... باوعت لانهار صافنة بالفراغ

نور : بشنو صافنة

انهار : راح اسوي شغلة تغير مجرى حياتي

نور : انهار لا تسوين شي تتندمين عليه بعدين

انهار : لا تخافين ما اتندم بس انتي تدعيلي لان هل شي راح يخلصني من المشاكل

نور : ان كان خير الله يتممة الج

انهار : يلة كومي راح تبلش المحاظرة

نور : هاي انهار ادري بيها ما تسوي شي بس السان لانها كلش خوافة و فقيرة كملت دوامي و طلعت من وقت للبنات و خابرتهن رحت لكلية سحر اتصلت مرتين ما ردت

عايدة : يجوز بالمحاضرة انتظري شوي

سمر : لا والله اصلاً مو بالكلية كلها

نور : لعد وين

سمر : طالعة ويا عريس اللقطة سيد العرب الاول ذو الفقار ابن عمتج احلام هي عمتج اشلونهة حتى يطلع ذو الفقار زين

نور : حرام الغيبة

سمر : لا تخليني انتحر

عايدة : يا اي والله هاي سحر نزلت من سيارة ذو الفقار

سمر : اني اعلمهم ... نزلت من السيارة

نور : لا لا ولج تعاي ولج عيب

سمر : رحت عليهم بسرعة عبرت الشارع شافني ذو الفقار سلم علية

ذو الفقار : هلا بدكتورتنا الجميلة

سمر : لا هلا بيك لا هلا بيك ربي عساني دفانة و ادفن الفقار ابن احلام

سحر : سمررررر شبيج شنو هل كلام

ذو الفقار : خليها على راحتهة

سمر : يا عيني بس لا انجرحت مشاعرك ابن ام السحورة

ذو الفقار : مشكورة و لا لا تخافين ما انجرحت مشاعري و اني ابن ام السحورة

سمر : قهرتني باع راح الطم و انتي خانم سحر وين موبايلج نتصل عليج ما تردين هااا