بنات حجي عمران الفصول الاربعة

البارت 22

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_الثاني_و_العشرون

و آنتَ  تَـدري آلنَـاس كُلهـا وحَـتى آهَـلك ؛
لآ معزتهـم بَشكلي و لا مثل گلبي  مَـن آحن

عايدة : كاعدين اني و فرات نباوع ع التلفزيون جانت الدنيا ليل تقريباً ساعة 8 خابرتني سمر كلتلي نور اجت و جايبة بنية فرحت بس سمر فاجئتني بفعل حيدر و جليلة

عايدة
" خرب بليس هذولي بيت صبري متخبلين "

سمر
" ما اريد اكلج والله خاف اتعبين بس كلت بلكت انتي تجين تهدين نور لان صارت شغلة اكبر "

عايدة
" سمر شكو اني من البداية ما عجبني صوتج والله العظيم احجي شكو بعد "

سمر
" النذل حيدر ضرب زهراء بنت نور  طلقة و ماتت زهراء "

وكع من ايدي الموبايل و صفنت حسيت احد ضربني على راسي فرات يحجي وياي و اني فاصلة عن العالم شنو زهراء ماتت  شنو اب ضرب بنتة الي عمرها يوم طلقة

سمر : بعد ما راحو جليلة و حيدر خابرت عمو حازم بسرعة اجو هوا و بهاء نور طلعت من الحمام سمعت حيدر ماخذ زهراء تخبلت رادت تلحكهم بالكوة كمشناها

سمر
" بس اهدي والله راح يجون عمو حازم و بهاء و غصباً على حيدر يجيبونها بس اهدي خليهم يوصلون "

بالكوة قبلت تكعد ربع ساعة و دخلو بهاء و عمو حازم ركضت نور على بهاء

نور
" بهاء اريد بنتي منك انت وعدتني تحافظ علية و على بنتي و بنتي اريدها منك "

بهاء
" بس استرخي و اهدي والله اجيبها الج لو اعرف اكتل حيدر اليوم امشي ابو جعفر نروح لبيت صبري "

عمو حازم
" اي يلة "

نور
" اني اروح وياكم "

بهاء
" يا بوية وين ترحين ابقي هنا "

سمر
" خلي تروح وياكم و اني وياها لا تخافون " لبسنا حجاباتنا بسرعة و لبست جبة لان لابسة دشداشة و رحنا لبيت صبري لكينا باب الشارع مفتوح و عمو صبري بالباب

عمو صبري
" اهلا و سهلا اهلاً بالشيخ "

سمر :  دفعنا الباب و دخلنا اني و نور و الشيخ و عمو حازم و عمو صبري برة دخلنا جوة لكينا جليلة و سما و نورس و نسرين بالمطبخ

نور
" جليلةة وين بنتي "

نسرين
" ما الج بنية يمنة "

سمر
" نسرين بنت الطلي صمي حلكج لا الحكج بابوج الجريدي "

جليلة
" نور و سمر اكسرن الشر و روحن منا لا تكبرن الموضوع اكثر من ما هوا جبير "

سما
" نور بنتج فوك بغرفة حيدر روحي اخذيها لا بيت صبري و لا العالم كلة الة حق يحرمج منها و الي يحاول يحرمج من بنتج احركي بنار الامومة روحي اخذي بنتج و اني بظهرج "