#بنات_حجي_عمران
#الفصول_الاربعة
#للكاتب _ محمد_ ابو جود
#البارت_الرابع_و_العشرون
#انكسار_الموت
فاهمني چنك غلط
چنت اقصد اهلاً تره من گتلك شجابك
ومن سولفت ع الحزن چنت
اقصد احتاجك
نور : اخذنا بقلاوة و رجعنا للبيت دخلنا خالتي كاعدة بالصالة و مقابيل الصالة غرفة الياس اخو بهاء الي زوجتة متوفية فتح باب الغرفة و طلع باوعت و انصدمت صورة انهار ع الحايط مال الغرفة وكعت مني العلاكة و
صحت انهاااار
الياس
" منين تعرفين انهار "
نور
" انت منين تعرف انهار و شسوي صورتها عندك "
ثناء
" انهار تصير مرت الياس الكلتلج عليها متوفية "
نور
" انهار ماتت " كعدت ع التخم رجعت بية الايام لسنة 2010 لمن اجو اهل انهار يدورون عليها بالجامعة و اجتني استبرق
الرجوع بالزمــن......
نور : جنت كاعدة بالحديقة و ضايجة على انهار
فزيت على صوت استبرق
استبرق
" نور ممكن اكعد يمج عندي موضوع مهم كلش مهم والله "
نور
" استبرق كلش ما الي خلك ترى "
استبرق
" يخص انهار "
نور : فوراً فزيت وكفت و كلتلها '
" تندلين مكان انهار "
استبرق
" بيت انهار يمهم مول صح "
نور
" اي صح بيت امها يمهم مول بنفس الشارع كلش قريب عليهم مول صغير "
استبرق
" خلينة نكعد نحجي "
كعدنا اني و استبرق و بدات تحجي
استبرق
" قبل كم يوم رحنا اني و ماما اختي لهذا المول اجاني اتصال جان المول هوسة و هواي ناس طلعت اخابر برة من طلعت شفت انهار بيدها جنطه صغيرة و تركض ضليت اباوعلها راحت لراس الشارع وكفت بصفها سيارة نزل منها ولد شاب اخذ الجنطة خلاها بالسيارة و صعدو هوا و انهار و راحو و داعت ماما و عافيتها كل هذا الكلام صدك مو عبالج اجذب "
كمت بدون ما ارد و احس انضرب عقلي معقوله انهار سوتها و شردت معقوله
الرجوع للحاضر......
نور : صفنت و نزلت دمعتي انهار بعد كل هل سنوات الكاها ميتة باوعت لثناء حجيت و الغصة خانكتني
نور
" اشلون ماتت "
ثناء دنكت راسها بقهر
" انفجر عليها التنور احتركت و ماتت "
خليت ايدي على وجهي و ابجي حجة الياس
الياس
" منين تعرفين انهار "
نور : حجيتلة عن صداقتنا و عن حياتها ويا اهلها و الضيم الي شافتة
ثناء
" هاي انتي جانت اشكد تحجي بيج و جانت متمنية تشوفج ماتت و هي بحسرة شوفتج "
أنت تقرأ
بنات حجي عمران الفصول الاربعة
Fiksi Umumبنات حجي عمران الفصول الاربعة رواية تحمل في داخلها اسرار و كثير من الطيات
