بنات حجي عمران الفصول الاربعة

البارت 14

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_الرابع_عشر

يصير أحبك مـِن جديد ؟
و نخلق لـ حُبنـه بداية
و صدفة أشوفك مـن بعيد
و أنعجب بيك و أعجبك
و واحد أيمُر اعلا الاخر، بس غريب
يصير اصيرنلك حبيب ؟
يصير نزعل نخرب
نضوج و نفارك بس نعود،
يصير ميمُرنـه برود ؟

باچر دروبك تغنّي
تذكر البيّه تحبّهن
تبچي وحدك
تبقى يم روحك تكابر !
باچر بحلمك تسافر ..
للمواعيد الـ گضيناهن برود،
باجر دروبك تغني للبچي ودمعاتي يمك
وللوعود ..

اصعب ايام الحياة انك تكون واكف امام خسارتك لاغلى ما تملك و ما يكون بأيدك شي ايدك مربطة عن فعل اي شي تحس من صدك الدنيا ضاقت و ما عاد تسوى الحياة نعيشها هذا حالي و حال اخواتي و بنات عمي و عمتي و خالتي و عمو حازم و جعفر من عرفنا نور بيد الانذال

فردوس : هاي نور موبايلها مغلق و اتأخرت حيل

سمر : بجوز مرت ع الجوارين هناك ... بهل اثناء انشمرت علينا طابوكة بيها ورقة كامت عمة فتحت الورقة شو فجاة لونها انخطف جريت الورقة لكيت مكتوب بيها

'' ابو جعفر مثل ما اخذنا منك اخوك عمران و مرت عمران و ابن عمران اليوم اجة الدور ناخذ منك بنت عمران اقرا السلام على بنت الحجي الجبيرة نور يومين و توصلك جثة بنت اخوك تحياتي قاتل يكرهكم بشدة ''

سمر : حسيت الدنيا افترت بية فوراً كمشت بجوري و رددت بيني و بين نفسي كلت لا سمر مو وقت تضعفين كوني قوية

مشيت بخطوات اجر ذيال الخذلان وياي دخلت جوة انطيت الرسالة لعمو حازم و ذبيت نفسي بحضن بيبي ابجي كلها استغربت و كلها تسئل عمو قرا الورقة و وكع للكاع و التمو عليه كلها

تتصارخ يردونة يكعد ماكو عمة فردوس و جعفر شالو عمو حازم و طلعو بي للمستشفى والله بوقتها فكرت انو عمو حازم مات لان يكعدون بي ما يكعد

جوري شالت الورقة و قرتها الهم تخبلو كلها ضلت تبجي و الي تصيح منو هذا و الي يحاول يتصل بنور و الي يتصل بعمة فردوس و جعفر و ما يردون

الضابط رسلان : مرحبا اني رسلان تقريباً تعرفون عني اشياء بسيطة اني وحيد امي و ابوية عندي عم واحد و علاقتي مقطوعة بي أبوية متوفي من سنة 2005

بيوم الي انصدمت بسمر بالمكتبة و هي اخذتني بلسانها اني مو طبعي ارد على احد بس من شفت لسانها حبيت استفزها

عفتها و رحت صعدت بالسيارة ردت اروح بس اكو شي جذبني الها ضليت كاعد بالسيارة انتظرتهن يطلعن بعدين راحن يشربن عصير بمكان قريب ع المكتبة

و شفتها اخذت تكسي هي و بنية وحدة من الي جانن وياها لحكتهن شفتهن دخلن لبيت عرفت هذا بيتهن