بنات حجي عمران الفصول الاربعة

البارت 21

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_الواحد_و_العشرون

اول شي اريد منكم اتابعون الكاتبة Labua18

في مكانً ما في هذا العالم أحتاج ألى صدفة، صدفة تجمعني بك.
لأرى ماحل بك من بعدي، هل هو مشابه للذي حصل لي؟
هل ذبلت عيناك بعدي؟
هل انطفئ النور الذي بداخلك مثلي؟
هل كرهت الأكل مثلي؟
هل أنكسر زجاج قلبك وتشتتّ أفكارك وتقوقعتَ على نفسك هل و هل و هل...
أسئلة كثيرة تجوب في خاطري وددت لو صدفة تجمعنا لأسألك أياها.

سمر : بعدنا واكفات و القلق و الخوف اسياد الموقف اندكت الباب بقوة بحيث اخترعنا من الدكة طلع جعفر يفتح الباب اندفع الباب حيل و دخل ذو الفقار

صاح
" سحررر وينج لج سحر "

جعفر جر ذو الفقار من تشيرتة و كالة
" لك انت شنو البيت عبالك تايه و هيج داخل و روح عمي هنا ادفنك لك عار امشي اطلع برة "

ركضو عمو حازم و عمة فردوس وخرو جعفر و عمة كالت
" خير فقار شرايد ترى الي بينا كافينا "

ذو الفقار
" سحر ما تتزوج رسلان و اني اخذها "

سمر عطت بي
" ما تاكل وحل و تنجب الك عين تحجي بعد كلشي سويتو انت و امك و مرتك "

عمو حازم
" ذو الفقار روح منا لا تخلينا نخشن الخواطر اكثر ما هي خشنة "

ذو الفقار
" ما الكم حق تزوجون سحر و اني رايدها "

سمر
" تتزوج و غصباً على شاربك حتى ما يسوى الشارب بوجهك و ازيدك من الشعر بيت رسلان زوج سحر يصير ابن عم رحمة "

كلها باوعتلي متفاجئة

نور
" شنو ابن عم رحمة مرت ذو الفقار ؟"

سمر
" اي يصير ابن عم نعالة مرت ذو الفقار و اذا تحب نخابر رسلان يجي هم نكلة على فعلت مرتك الي هي بنت عمه و هم نكلة اشلون جاي تتهجم على مرتة "

جعفر
" امشي اطلع ترى ما جاي اطيق شوفتك كدامي لا تخليني اذب ضيم الله بيك "

ذو الفقار
" شتسون سوو سحر ما تتزوج على جثتي وحق ربكم "

ركض سامي على ذو الفقار و ركعة بوكسي كومة بالكاع و جعفر رفعة من الكاع و ركعة البوكس الثاني و هوا ضرب جعفر و تكامشو ناس تضرب ناس جعفر و سامي على ذو الفقار ركضو خالة منيرة و عمة فردوس و عمو حازم يردونهم يعوفون بعض ماكو صارت دم بيناتهم و واحد يضرب الثاني ركضت بيبي لبابة ذبت روحها عليهم و طاحت بنصهم يلة وخرو ركضنا اني و جوري على بيبي كومناهة

عمة فردوس
" صدك ما تستحون يا ادب سزيية لو مكسورة حبوبتكم "

سمر
" و انت هي امشي ولي لا تخليني اخابر وسلان و افتح عليك بابا لو تركض و تحفة ما تكدر تسدة "