لعبة الحرية بالهجة الجزائرية freedom game

🌠 الحلقة ~4~ 🌠

السلام عليكم ورحمة الله وبركاته أخواتي في الله صحا رمضانكم وكل عام ونتوما بخير ان شاء الله تجوزوه بالصحة ولهنا ان شاء الله نتمنى تكترو دعمكم ليا هدا إلا بغيتو 🤔🤔😂😂  باش نولي كل يومين نحط حلقة ان شاء الله
              ــــــــــــــــــــــــــــــــــــــــــــ
خرج كل من هلال ومهدي من غرفة الاجتماع وعنق مهدي لالا وقالو
مهدي : ياخو راح نتوحشك وراني حزين 😢⁦☹️⁩ كي مرانيش رايح معاك هاد المرة 😢

تبسم هلال على جاست لي دارو مهدي وقالو
هلال : خص غي تبكي كيما لمرة
تبسم  مهدي وكمل
هلال : هو صح بلاصتك راح تكون فارغة مي راح نروح وانا مرتاح مدامك نتا هنا علابالي بلي راني مخليهم في يد امنة اسمع علابالي بلي راح يصعاب الوضع اكثر فأكثر يمال رد بالك
عقد مهدي حواجبو وحط يديه في حزامو  وقعد مركز مع كلام هلال وكمل
هلال :  الرحلة دورك بدات راح تكون انت قائد السفينة هوما سبب وجودهم هنا ماعلابالهمش والخطوة الثانية لي راح نخطوها راح تكون بالنسبة ليهم كالصاعقة راح تصعاب عليهم كتر ما تصعاب علينا راح تتبدل حياتهم ب 360 درجة اعرف يا شريكي كيفاش تقود هاد السفينة ورد بالك تغرق
بقى مهدي مركز مع كلامو وكل كلمة قالها كانت فصواب
مهدي : متخممش صحابي علابالي ربي معاهم ومعانا حنا نديرو لي علينا والباقي على ربي سبحانو مي مرانيش موافق على الخطة البديلة لي دارو قائد الاركان ادا مردخوش لشروط
رد عليه مهدي بعد ماشاف درجة القلق في صحبو مع انو موالفو بارد وماشي موالف يهتم لهاد التفاصيل يعرفو بلي هو يخدم خدمتو بلا مي يدخل اي مشاعر مي لاحظ فيه انو واحد من أولئك الطلاب الستة عندو قيمة عندو
رد عليه هلال بعد ما سألو هداك السؤال
هلال: مجبورين هادي هي الأوامر مهدي  ان شاء الله منلحقوش لهاديك الخطة
مهدي : لالا نظن راح نلحقولها ماتنساش مولات راس اليابس هاديك
سكت هلال ثواني وطبطيلو فيكتافو وقالو
- ان شاء الله لالا
وتمتم في قلبو مع انو بينا راح تكون هكاك
من بعد تنحنح وحك نيفووقالو
- هيا انا نروح مهدي نودع لميما ونقلع
جاوبو مهدي
- سلملي على خالتي بزاف وقولها متنسانيش فالرشتة
تبسم هلال وقالو اوك ان شاء الله
توادعو وكل واحد فيهم راح في طريق رفد مهدي الدوسي وقال
-The game has started now

المعنى( اللعبة قد بدات الان )
راح  لغرف الإستجواب كي وصل عند الباب تنهد وقال بسم الله ودخل لقا اسما عينيها منفخين من لبكا و نيفها يسيل وتمسح بجلبابها وكي دخل قلبو وجعو تبسم معاها وراح قعد مقابلها عطالها باكي تع بابييي مشوار "papier mouchoir" 🤧 وقرعة ما جابها معاه كي كان جاي موقبيل حطهم دات من بابيي مشوار وقاللها
- هاكي اشربي شويا ما
مسحت وبدات تهدر وصوتها يرجف من لغصة تع البكا بزاف وقالتو
- تعيش خويا قولي علاه راني هنا وعلاه وريتلي هادوك التصاور والله انا مدرت والو والله
تهدر وزادت قول بكيتها
غمض عينيه وتحسر عليها وعلى لي راهو جاي ورد عليها
- نتي مدرتي والو علابالنا وحاجة ثانية هادوك لي شفتيهم فتصاور راهم هنا كامل
تصدمت كي قالها هكاك وفتحت عينيها صفاحي😳😳 من الخلعة واول حاجة قالتها
- نرمين راهي هنا 😳😳 
من بعد رتاحت اسما وحست بشويا طمئنينة ومسحت دموعها وهو كان يراقب كل حركة ديرها وقاللها
- لوكان كنت عارف بلي كي تعرفي بلي راهم هنا لوكان قولتلك من قبل كان مراح يكون هاد الدموع كامل ولخناين 😁😁😁
- تبسمت معاه من بعد قاللها
- نرمين صحبتك ؟!
- ايه صحبتي وهي بمثابت اختي
جاوباتو وهي غايسة منبعد سقياتو
- راهي مليحة ؟!
- هه ايه راهي مليحة طايحة خشينة ملي جات مبكاتش مي هي ليطلعتنا سكر ماشي حنا
تبسم وجاوبها
ضحكت على كلامو وقالتلو - نن نرمين ماشي طايحة خشينة شخصيتها قوية الله يبارك وصراحة مراحش تبكي حتى وتغيدها عمرها نرمين هي وحدها فهاد الدينا والان نقدرش نعرفها مليح نرمين هي بمثاتبت كتاب مغلق حتى عنوانو غامض متعرفش محتواه
كانت غايسة وتحكي عليها ومهدي قاعد يسمع فيها من بعد فاقت على روحها وسكتت هو كي شافها سكتت  حط دوسي هداك فطابلة وقاعد يغزر ( يشوف ) فيه مليح من بعد فتحو وقاعد يقراه عن السكوت فالغرفة هي هبطت عينيها وقاعدة تحك يديرها مع بعضاهم من كثرة الخوف والتوتر اللي ساد على الغرفة
تنهد مهدي وحط الورقد وقلبها من جيهت متبانش لكتيبة طلعت عينيها فيه وهو بدا يهدر
- شوفي اسما نتوما مدرتو والو وراكم هنا ماشي بسبب انكم درتو حاجة ولا نن نتوما راكم هنا لخدمة الوطن    
نروحو عند نرمين دخل فهد لعندها وقعد هي كانت حاطة راسها فوق هاديك الطابلة مي مكانتش مغمضة عينها كانت حاطاتو برك مي كي دخل مرفدش راسها وهو حسبتلو راهي راقدة حط الملف فوق الطابلة وخرج بورطموني تاعو ( جزدان ولا محفظة النقود معلاباليش وش تسموها نتوما ) جبد منها تصويرة وقعد يغزر فيها مليح من بعد حطها دقدق فوق الطابلة وجاوباتو بلا مترفد راسها
نرمين : ادا جيت تسقسيني كيما موقبيل غير دير روحك رايح وروح
فهد تقلق ولينار طلعولو لرأس خبط الطابلة بكل قوتو وهي متحركتش وقاللها
فهد وش راكي حاسبا روحك تهدري مع مول لخضار
جازو دقائق رفدت راسها وهي تبتسم تحاول تستفزو
نرمين 😏😏 شكون قالك بلي مول لخضار نحكي معاه هكا
كرفس يدو على شكل دبزة وخبطها فطابلة وقاللها
راكي كترتي على موصاوك
تبسمت بستهزاء وجاوباتو
نرمين : انا موصلونيش كيما نتا وصاوك
غزر فيها غزرة تع موت ورفد روحو رواح وهو خارج قاعد يتمتم بفمو ياكان يستغفر ياكان يسب هادي معلاباليش⁦🤷🏻‍♀️⁩⁦🤷🏻‍♀️⁩
خبط الباب ووقف عندو وهو يقول
فهد اوووواه هادي يانقتلها يا تقتلني وحدة من زوج
نجوز لنرمين قاعدة تخزر فالباب وتمتمت بين روحها
لهاد الدرجة حنا مهمين باش منعوهم انهم يمسونا يعني لوكان جاو كيما هادوك الشواطن تع لابوليس لوكان راهم كرفسولي المشوار تع لخليقة تاعي من بعد ارتكزت على الكرسي وحطت رجل فوق رجل وغزرة فطابلة لقات الظروف ولبورطموني تع فهد تماك قاعدة تغزر فيهم وقالت مع روحا
- اووووه ميندوكسيي ( يالا الازعاج  هادي المعنى تع لكلمة لي قالتها) لوكان غير مغزلتوش لوكان راهو قالي وش كاين فهاد الدوسيي شييت   فهد ارتكز على الباب يتنفش يهدي في روحو وقاعد يقول
- اصبر فهد مبقاش قد لي فات اووووف ياربي صبرني تان علابالي بلي راهي دير هكا بلعاني حابة تطلعلي زبل باش تعرف اسكو هوما متهمين بجريمة ولا نو هه ياوحد الديبا لوكان مجيتش نعرفك
غزر فالباب وقال
- تبدلتي بزاف
من بعد راح يشري قرعة ما كي وصل باش يجبد الدراهم باش يحطهم فالماشينا مصابش المحفظة تاعو تخطف ولا وجهو بيض من الخلعة وقال
- أخاه نسيتها فالغرفة ياربي مترفدهاش يارب
وطلع يجري كي لعود وويصل عند الباب فتحو قريب طيرو
غزرت فيه وهبطت رجلها وقعدت نورمال راح يجري كي لمخطوف وصل لطابلة لقاهم كيما خلاهم  رفد البورطموني وسقساها
- رفدتيه
غزرت فيه وقالتلو
- متربيتش نمس حاجة ماشي حاجتي تقدر تتاكد وتفيريفيي 
جاوبها وهو يرد نفس بسيف وقاللها
- مكانش قصدي انك سرقتيني
ربعت يديرها وضمتهم لصدرها  وغزرت فيه وقالتلو
- هات المفيد وجاوبني علاه رانا هنا وش تسحقو منا
لاحظ فيها انها تحكي بصفة الجمع وحب يستفزها
- راكي تهدري بصفة الجمع تقول راكي مع غاشي
تبسمت نص تبسيمة كيما نسموها حنا الضحكة الصفرة
- هادي حاجة مافيهاش تخمام كي ديتوني موقبيل ديتو تان عيسى وكانت تصويرتو هنا ومدام تصويرة عيسى هنا يمال هو تان راه هنا ومام اسما ورحيل راهم هنا ومحمد وياسين تان هامليك الغاشي لي راني نهدر عليها فهمت ؟!
غزر فيها ودنالها الدوسي  قواللها
مراكمش متهمين نتوما راكم هنا لحماية الوطن
ضحكت عليها وضحكتها كانت مسموعة ومن القلب وقالتلو
- فالعود ما تحموها نتوما جاي تقولي حنا نحموها
دنالها دوسي وقاللها اقرايه
هي رفدتتو و اول  حاجة قراتها هي عنوان مكتوب فيه شورط يجبر تنفيدها تبسمة وراحت تقرى الشرطة الاول هي غير قراتو تمحات هاديك التبسيمة وحلت عينيها صفاحي 😳😳 وغزرت فيه  بالخلعة والقالتلو
-- وشنو هادا ؟!
                                     !
                                     !
                                     !

ــــــــــــــــــــــــــــــــــــــــــــــــ
سلام عليكم صحا رمضانكم بنات كل عام ونتوما بخير
راح نكمل الرواية على عيون مي عندي ليكم طلب باطل يا مواطن ديرو فوت وكومنت الا بغيتو زعما 😒😒
نتقبل انتقاداتكم وراح نشارك معاكم افكاركم يعني كل ما يخلاص البارتي نحب تشاركوني توقعاتكم
مي ادا شفت مكانش دعم نفهم بلي معجبتكمش الرواية ونحبسها😢😢 مع انو دورك بدينا فرواية
راح تكون الحلقة القادمة التعريف بالشخصيات
ان شاء الله
أعطوني توقعاتكم
وعلاش نرمين تشوكات ؟!
زعما وشنو هوما الشروط لي حطوهالهم 🤔🤔🤔

وشكرا ليكم وصحا فطوركم 😘