لعبة الحرية بالهجة الجزائرية freedom game

11

وأنت تنهض من فراشك
هل تذكرت أن توقظ أحلامك معك هذا الصباح ؟!!
لا تتركها نائمة طويلاً .. ستنسى الطريق إليك
أو قد تنساها ..
أيقظ أحلامك مع كل فجر يوم جديد ،عطرها بالأمل ..
ألبس أملك ثياب العمل .. من أجل نجاحك .. من أجل سعادتك
___________________

بعد ما هبطو من طنوبيل قاعدين مذهولين ونطق محمد
- ماشي نروحو للكازيرنا ؟!
- لالا راح نقعدو هنا مدن شهرين راح تدربو على الدفاع عن النفس هادي حسب أوامر لالة
ردلو مهدي وهو يغزر فنرمين بنص عين وغير هي لي مكانتش متفاجئة وكان على بالها مراحش يروحو ديراكت للكازيرنا مي هدرت مهدي مفهوش على من راهو يمعني سعلت مايا سعلة خفيفة وكملت
- راح تقعدو هنا مدة شهرين برك بيدما تكملو تديربكم من بعد راح نروحو للكازيرنا هادي تدريبات أولية برك وراح يكونو هادو لجنود معاكم طيلت مسيرتكم يعني كل واحد فيكم عندو جنديين يوقفوا معاه ويحموه بالنسبة للبنات انا لي راح ندربكم هاد المدة وبالنسبة لذكور راح يدربكم مهدي ليوم ترتاحو وغدوة نبداو ان شاء الله
حبست شويا قاعدة تغزر فيهم ومن بعد كملت
- شكون عندو سؤال ؟!
دهان اسما لودن نرمين وقالتلها وهي تهمس سقسيها ادا نقدرو نعيطو لولدينا
نرمين كانت تعرف الإجابة على سؤال تاعها مي نطقت وسقسات مايا لي كانت تشوف فأسما
-نقدرو نعيطو لوالدينا ؟!
- اووووووه ظهر عندك صوت وتهدري سبحان الله
هدر مهدي بعد ما سمع هدرت نرمين
- قلبت عينيها عليه وجاوبتهم مايا
- أولا لي عندو سؤال يسقسي مباشرة مكلاه تقولو لواحد باه يسقسي في بلاصتك
زوج مراحش تهدرو مع والديكم تيليفونات لي عندكم بلا لابوس  هيا دورك تبعوني نوريلكم لبلاصة
دخلو داخل لفيلة كانت كبيرة  غير دخلو قابلتهم مرا كبيرة فلعمر تكون فالخمسينات ومعاها لخدامات لي كانو لتم
- مرحبا بيكم عندنا انا اسمي نجية رئيسة الخدم هنا الدار داركم  دورك الخدم يورولكم بيوتكم ترتاحو شويا و بيدما يوجد لعشا اهبطو تتعشاو
وتبسمت معاهم  كانت لطيفة معاهم تقول ولادها
و هوما تان تبسمو مع تبسسمتها وتبعو لخدم باش يوجهوهم لغرفهم

كانت لغرفة متكونة من ثلاث أسرة نرمين هي لي دخلت قبل طاحت عينها على سرير لي قدام تاقة راحت حطت كابتها تع pc فيه ومن بعد كي دخلت رحيل قالتلها
- نرمين خليني انا نرقد تم
-لي حكمو لول هو لي يديه خلاص انا قعدت فيه يتسما ديتو
ردتلها نرمين ورحيل تغزلت وقالتلها
-يمال اقعدي بالاكي تنوضي منو
-اووووووه رحيل مناش دراري ومتهدريش معايا بهاد لأسلوب راني كبيرة عليك غير مكلاه
- خلاص رحيل ادي يالوسطاني يا لي قدام لحيط ماشي على هادي تنوضي دواس
ردت نرمين على رحيل من بعد كي شافت اسما الحالة راح تولي دواس دخلت وخيرتها بين الوسطاني والطرفني  ردت عليها رحيل
- انا حبيت تع لي قدام تاقة
-خلاص  نرمين هي لي سبقاتك ليه دورك هيا خيري
جاوبتها اسما وهي مغزلة من تصرف رحيل الطفولي
راحت رحيل جيهت سرير لي قدام  لحيط وهي تخبط في رجيلها نرمين كانت تغزر فيها بتغزال وحاطة يديها على لمطرح وهي مكرفستهم  كانت حابة تنوض تكرفسها مي شدت روحها شافتها اسما هكاك راحت جيهت سرير لوسطاني وقابلتها وقالتلها بصوت شبه مسموع
-خلاص نرمين نحيها من راسك تعرفيها رحيل كيفاش
-بصح متهدرش مع قسامي هكا
ردت نرمين عليها بنفس نبرت صوتها بصح بتغزال
راحت ليها اسما وشدتلها يدها وقالتلها
- اسششششت خلاص نسيتي فليسي كيفاش كانت حابة تدي بلاصتنا مع لول
وتبسمتلها مع لخر ردت نرمين
- ايه هاديك راهي فليسي مي رانا كبار على هاد التبهليل تزيد معايا فالهدرة نكرفسها
- خلاص ياختي جوزيهالها هاد المرة
من بعد ناضت نرمين من بلاصتها وراحت خرجت تحوس على سالدوبان باش تغسل وجها هبطت للتحت وين كانو من قبل روماركات كوزينا وين جايا راحت ليها كلا براسها لقات هاديك رئيس الخدم وزوج خدمات كانو معاها توجهم فالطياب وش يديرو تبسمت نرمين ودقدقت على طرف لباب ودخلت وهي مبتسمت دارو ليها كامل وكي شفتها فتيحة تبسمت معاها وقالتلها
- كاشما تسحق بنتي قولي متحشميش
خطات خطوة على الباب وقاعدت في
تبسيمتها  وقالتلها
- يعيشك خالتي ربي يحفظك سمحيلي قاطعتك على خدمتك
- أخاه استغفر الله بوووه مقطعتيني  ما والو تفضلي
- حبيت برك نسقسيك وين جايا سالدوبان
- ايه بنتي تفضلي نوريلك وين  كاين وحدة هنا وكاين لفوق وين لبيوت تعكم
راحت وراتلها وين جايا سالدوبان دخلت نرمين الداخل وقبل ما تتغلق قالتلها
- يعطيك الصحة خالتي تعبتك
- بوووه بنتي متزيديش تعاودها هادي على لعين وراس.كاشما تستحقي ارواحي عندي فأي وقت
تبسمت معاها نجية وردتلها نرمين تبسيمة وغلقت لباب ودارت قاعدة تغزر فهاديك السالدوبان شحال كبيرة و واسعة قريب تجي قد البيوت لي عندهم فدارهم راحت مشات خطوتين للقدام حبست عند الغابة وقابلت روحها فلمرايا واقاعدة تغزر فروحها وغاست وقاعدة تهدر فقلبها
- وش راهو مستني فينا هادي البيداية ياربي توقف معانا يارب
غمدت عينيها وكملت
- ياربي كون معايا وقويني ياربي منضعافش  وتجوز هاد المحنة على خير يارب
هبطت دمعة من عينها  ومسحتها من بعد فتحت لعين ودارت لما بارد  وغسلت وجها وعينيها ولاو حمورة هي هكا كي تحب تخلي دمعتها ، عينيها يفضحوها  زادت غسلت مليح حتى تنحاتلها لحموريا ومن بعد تكات على لافابو وقاعدة تستغفر حتى هدات غلقت لعين من بعد سمعت طبيب عند الباب فتحتو  لقاتها لخالة نجيية  كانت في يدخل سربيتا وقالتلها
-  تفضلي بنتي جبتلك تمسحي
شدت عليها نرمين  نرمين وتبسمت وقالتلها
- يعطيك الصحة خالتي
- بلامزيا حنونة
_ت______________
فجيهة لوخرة دخلو دراري لبيتهم من بعد قاعدين يغزرو في بعضاهم من بعد كل واحد راح حكم بلاصتو  محمد حكم تاقة عيسى دا لوسط وياسين دا جيهت لحيط من بعد محمد نطق
- ياخو ديك الراحة
ردلو ياسين
- ياخو مراكش تخمم وش راح يصرا
-اخيطك من تخمام ياسين عيش لحظة ياخو 
ردلو محمد وهو متكسل وفاتح دراعتيه ورجليه فوق لكانابي 
نولو لبيت لبنات
كي خرجت نرمين قاعدة تغزر فيها رحيل بنص عين من بعد نطقت
- وش راهي حاسبة روحها صحبتك
- يارحيل  صلي على نبي خلاص دورك تقعدو تداربو على جال بلاصة منيتك
-ايه ديجا علاه موقبيل هداك مهدي كي قال حسب  أوامر لالة وغزر فيها وزيد هادي مايا عطاتلها تيليفون ولكيتمان وقاعدة تسمع ادا هوما دارولها وش تحب متجوزهاش عليا انا نخبطها نجيبها فلحيط
- اوووووه رحيل والله غير راني نحسك دراري بزيادة
من بعد رقدت روحها وراحت نحات لساكودو تع نرمين من فوق لمطرح وطاتو وين سرير لي كانت فيه جيهت لحيط وجابت لفيستا تاعها ونحات سباطها وأسما دهشت ورحيل دخلت فالفراش ورقدت من بعد نحات لغطا من راسها وقالتلها
- طفي ضو وادا كانت مرا تجي تنوضني منا
ردت اسما مخلوعة  وهي تسيير تنوضها من بلاصة
- يارحيل وش راكي ديري والله غير تقبرك نرمين مزال متعرفيهاش كي تتنارفا نوضي ياطفلة
هي تنوض فيها ودخلت نرمين و شافتها مكسلة في بلاصتها
غلقت لباب وهبطت يدها جيهت لمفاتح وغلقاتو اسما وجها ولا صفر ودارت عند راحيل قاعدة تسيي تنوضها من بعد نطقت رحيل وزادت طين بلة
- واش زعما راكي تخوفي فيا وتلغقي فلباب ادا كنتي مرا وجابتك مرا ارواحي نوضيني من بلاصتي
نرمين كانت مازالها دايرة لبابا وكي سمعت بكلمة لخرى لي قالتلها ولات تشوف دنيا ظلمة وزيرت يدخا على مقبض الباب ومن بعد حطت السربيتا لي كانت رافدتها ودارت ليها وكانت تمشي بخطوات  متساوين ومن بعد جات اسماك بيناتها وقالتلها
- نرمين صلي على النبي نتي كبيرة فعقلك متعانديهاش دورك تنوض
طلعت راسها وغزرت فيها وكانو عيونها حمورة تع ليوم تتهارد
- بعدي اسما نجوز كلش مي وحدة كيما هادي تجبدلي يما نقبرها وهي حية
- ايييه خوفتيني راح نديرها تحتي من لخوف يا يما ارواحي سلكيني
نطقت راحيل وهي  تجياح
بعدت نرمين اسما جابتها طايحة فوق لمطرح وراحت ليها نحات لغطا وجات نيضا ليها راحيل وتحكمها من تريكوها وتخبطها فلرض ناضت راحيل تجري وجات راح تحكمها من شعرها وتعوجلها نرمين يدها وهي رحيل بدات تعيط وتقولها
- اطلقني الق....ة
وتخبطها فالحيط ودنات لودنيها وهي تشدد على سنيها
- مزال مولداتوش يماه لي يجبد يما
من بعد دورتها ليها وحكمتلها رقبتها وبدات تخنق فيها وتيزيري تتخبط واسما تجبد فيها وتقوللها
- يا نرمين راح تقتليها اطلقيها نرميييييسسن اطلقيها
من بعد طلقتها ورحيل  هبطت للرض وكان تسعل وترجع فالنفس
من بعد حكمتها من شعرها وطلعتها لعندها وهي تشدد على سنيها وتهدر
- شوفي وسمك تزيدي تدصريني نخليك تتمناي لموت إياك ثم إياك وتزيدي معايا فالهدرة مانيش نرمين تع ليسي باسكو كنت نحترمكم مي واقيلا نتوما متشتهلوش الإحترام وادا راكي حاسية روحك حاجة ولا روحي بهاد المنظر وشوفي روحك فالمراية تعرفي وين جايا بلاصتك متفاهمين
رحيل قاعدة تغزر ودموع في عينيها ومنطقت بحتى كلمة
شدت نرمين على يديها لي كانو فشعرها وقالت
- منحبش نعاود  الهدرة  متفاهمين !!؟؟
من بعد رحيل حركت راسها وهي ترجف وقالتلها بصوت متقطع
- ا.  ي. ه
طلقتها وهي طاحت فالرض  وراحت تفتح لباب
- نخرج نولي نسحق زبلك منحي من بلاصتي وترجعيها كيما كانت
وكي فتحت لباب وكان خارجة لقات مايا عند الباب ودايرة يدها في جنابها غزرت فيها نرمين ومزالها تعليم من لداخل نطقت مايا
- فنهار لول بديتو تداربو راكم كبار على هاد الشي
- هي خلطت فيا
ردتلها نرمين و سكتت وكملت طريقها وهي هابطة لقات مهمد وياسين طالعين يجرو يحوسو يفهمو وش صرا كي جات هابطة قاطها ياسين
- نرمين وش كاين غير لخير
- والو
غزرت فيه وردتلو بكل برودة وكملت هبطت من بعد جازت جات خارجة نطق مهدي  لي كان موراها
- وين بيها ان شاء الله.
- خارجة نشم لهوا
- لهوا اي كاين هنا معجبكش واقيل
قاعدة تغزر فيه بتشناف من بعد جازها وراح فتح الباب باسكو لباب ميتفتحش غير بكلمت السر تفتح لباب وهو سبق خرج هي خرجت موراه وهبطت ثلث درجات وراحت تتمشا ومهدي كان موراها من بعد وهي تمشي حبست وغلقت عينيها وطلعت راسها لينا وستنشقت كمية من لهو من بعد خرجت لهوا من فمها وفتحت عينيها  وغزرت فسما مهندس كان موراها وحاط يديه فالجيب  وهي تغزر فسما نطقت
- معليش نسقسيك
- اوووه راكي تطلبي فلإذن ادا معليش تسقسي مكانش علابالي بلي مأدبة مخلطة بالوقاحة واقيلا عندك انفصام الشخصية كل مرة تكوني بوجه
- راك كبير على جياحة علابالك
ردتلو وهي تغزر فيه
-  راني كبير عليك نورمالمو تحترمني
- راني محترماتك نتا لي راك تغزل فيا
كنت ليها وعينيه لخضورا شعلو مع شميسة و عينيها لبنين ولاو كلون لعسل
- سقسي
- سطح مفتوح نقدر نطلع ليه
- حابة تنتحري واقيل
- اوووووف عندك وحد التخمام غلطو كي راهم مخلينك هنا فدزاير
تبسم ولانو سنانو من هدرتها حسبتلو راهي تشكر فيه
- راكي تتمسخري بيا
- انا نروح خير
- هاي وسمك راني نهدر معاك  يالبقرة 
حبست في بلاصتها وعوجت فمها ودارت ليه وراحت مشات جيهتو عقدت حواجبها ودنات لوجهو
- علابالك حاجة بجياحتك متسسيش تدصرني
- قالولك راني ميت على دصلرتك واقيل
- شوف روحك
ضحك في وجها وقاللها
- خسارة عندك عينيك شابين وبركاي مطيحي خشينة زعما تعرفي شكون صديقك من عدوك وكي تعولي تطلعي لسطح قوليلي باش نعسك ومترميش روحك وصاوني عليك مانيش حاب نموت وانا في عز شيابي
عقدت حواجبها من كلمت وصاوني عليك
- شكون وصاك عليا
تفكر هدرتو وعض لسانو فطرف وقاللها
-وصاوني عليكم كامل هادي بينا
- اممم مليح
- هيا راهو لبرد خلينا ندخلو
- تصبح تدخل واحد موراهو شادك
- نتي راكي شادتني
- مانيش شاداتك ها شوف يديا فالجيب روح بسماح
- حابسة لازم نكون معاك
- علاه لازم تكون معايا ياخي كاين هادو لعسكر
قرب ليها ووجهو قابل وجها وقعد بيناتهم شي ستنيميترات وقاللها
- علاه راكي دايرة فيهم ثيقة لهاد الدرجة باش يحموك
- علاه شكون قالك بلي راني دايرة فيك ثيقة باش راك تهدر على ثقة
فتح عينيه صفاحي من الجرءة تاعها
عدل لوقفة تاعو ورد عليها
- لسانك كتر منك علابالك
كملت طريقها  بلا ما ترد عليه
نروحو لجيهت الحرب لي صرات
بعد ما خرجت نرمين مايا وقفت عند لباب ومهدرت حتى كلمة معاهم لحقو محمد وياسين للبيت صابو راحيل تبكي واسما تسيي تسكت فيها من بعد نطق محمد وهو يغزر في مايا
-وش صرا هنا حوجي
- لوكان تلتها بأمورك ماشي خير هيا ولو لبلاصتكم
- بصح ....
- منعاودش هدرتي
جا راح يهدر محمد وقاطعاتو بنبرت تع عياط هبطو لبيتهم من بعد رحيل ناضت راحت وقفت مقابلة مايا وهدرت
- واش راكي واقفة هكا مديرولها والو شوفي وش دارتلي وقريب خنقتني هادي طفلة متوحشة ماشي نورمال  يا هي تخرج من هاد البيت يا أنا نخرج منرقدش معاها فنفس لبيت
ضمت مايا يديها لصدرها وقاعدة تسمع فيها من بعد كي شافتها سكتت قالتلها
- كملتي ؟!
- ايه كملت
- راكي سور بالاك عندك كاش أوامر اخرى
- مانيش نأمر مي مدرتلها والو انا كي شافتني رحت لبلاصتها وكنت نتمسخر ماشي نيتي نديلها بلاصتها دارتلي كامل هاد الشي
-🤨🤨 مدرتيلها والو؟ ودارتاك هكا !؟؟
طلعت حاجبها من دهشة وسقساتها وهي تغزر في أسما صح شافت دهشة مي اسما منكرتش وش قالت رحيل ولا قالت بلي جبدتلها يماها على بيها دارت هكا هاد لكلام كان يدور في راس مايا مي مهدرتش وردت عليها رحيل
- ايه بلا سبة هي أصلا تغير مني
- اوك دورك نعاقبوها ونخلوها ترقد برا
دارت اسما يدها في فمها من لخلعة ورحيل ضحكت ولفرحة عمرت وجها من بعد كملت مايا
- وراح نخلوها بلا ماكلة وش رايك اسما ؟!
ميلت راسها على جنب باش تشوف اسما مليح وسقساتها واسما تصمرت في بلاصتها

✳️
✳️
✳️

_______________________
هاد البارتي درتو طويل تهليت فيكم راني نسيي نعوضلكم علابالي زعفتو مني
ان شاء الله يكون عجبكم هاد البارتي وخلولي رأيكم فتعليقات ومتنساوش النجمة هاديك ههههه
هايــــــــا روحو تجرو للحلقة 12