هي غير شافت تصويرة ساغة سوغة تع خلعة وغزرت ل نرمين
عقدت نرمين جبهتها تع وش كاين وقالت في نفسها (وشبيها هادي هبلت ؟)
هبطت هادوك زوج درجات تع لكوس ودنات لعزيزة وقالتلها وشبيك عزوز راكي مليحة وش كاين من بعد وحد من ليجوندارم قالها جوزي ماشي نتي وعزيزة كانت صفرة كي لحبة قارص 🍋 تغزر في نرمين وبدات تأتأ لكلام تعقدلها في لسانها مي قاعدة تشوف لتصويرة وفي نرمين
نرمين مفهمت فيها والو وقاعدة تسقسي فيها وشبيك ركبك جن الله يعافينا وشبي قسامك
وعزيزة منطقت حتى كلمة
من بعد نرمين غزرت فتصويرة وحلت عينها صفاحي وحكمها شوك وين دم نشف في عروقها وخطفت تصويرة من يد هداك جوندارم بلا ماتحس بروحها وقاعدة تتفهحص فيها ومش مصدقة وش راهي تشوف من بعد ناض الهاراج من جيهت الباب لي يهبطو فيه لولاد
....... : انا مدرت والو علاه راكم حاكميني ، وش كاين ، نحي يدك عليا ، انا مدرت والو
جوندارم : امشي معانا من بعد تعرف وش درت
......: والله مدرت والو ياشاف والله علاه راكم مديني
جوندارم: بلا متقاوم امشي معانا ياتمشي
⏪ : يا تمشي معانا بالحسنى ولا بالقوة خير
دارو كامل لي جوندارم لي كانو تم ودارولو التحية
.....: بصح انا مدرت والو والله علاه راكم حاتحكموني
⏪ : نهدر خطرة ماشي زوج
سلم روحو وسكت باسكو كانت نظراتو الحادة وصوتو لخشين كافيل باش يرعد جبال
كامل وش راه يصرى مسمعتش بيه نرمين كانت في عالم وحداخر فاقت كي نحالها تصويرة من يدها
وهدر
⏪: ادا خلصتي قوللي رانا مكمونديين عندك نهار كامل
نرمين : ..........
خممت في ألف احتمال واول صورة جاتها في بالها هي والديها
⏪ : راني نهدر مع .... وسكت محبش يكتر لهدر
نطق لجوندارم
- شاف هلال مزال مفحصناهاش خطفت تصويرة من يدي وقاعدة تغزر فيها
مد يدو باش يهبطلها لكمامة
نطرت يدو بكل قوتها وغزرة فيه بكل برود وكره
ورفدت صبعها ووجهاتو في وجهو
نرمين : إياك تخمم تزيد ترمي يدك لمرة لجايا نكسرها ماشي نبعدها
كامل حلو فمهم من هدرتها ومام هو تشوكا من جرأتها
قرب من وجها وهي مزغدتش شبر وعينيها قاعدة مثبتين في عينيه وحكمها من فكها ( معلاباليش وش تعيطولها مي حكمها من جيهة لحية )
هلال : وش راكي حاسبة ر....... روحك ومنين جاتك هاد الجرأة الزايدة اعرفي معامن تحكي
تنارفات منو وعطاتو من جيهت الجيل الصاعد 😜😜😁😁
وزادت درباتو في وجهو وحكمت يدو ودورتهالو قريب تكسرها وهو مدار حتى رد فعل وكامل حلو عينيهم وفمهم ليوم متفراش وهدرت وهي تلز على سنيها
نرمين : هدراتي منعاودهاش زوج مرات قولتلك متدناش لقسامي نكسرلك يدك مي على .....
هي مزال مكملتش هدرتها ويقلبها ويجيبها تحتو وتناحتلها لكمامة قربها لوجهو
وهدر بين سنيه
هلال : ليوم نبعتك للجبانة
تبسمت نرمين في وجهو تع متخلعنيش وهو غير رفد يدو ويعيط
مهدي : هلال.................
ــــــــــــــــــــــــــــــــــــــــــــ
خلاصت الحلقة تع ليوم
ان شاء الله تكون عجبتكم ماتنساوش تعملو فوط وخلوب ارأكم فليكومونتار وزيد بارطاجيولنا هاد لحكاية ادا عجبتكم
وشكرا ليكم بالبزاف
الى الملتقى ان شاء الله
أنت تقرأ
لعبة الحرية بالهجة الجزائرية freedom game
Romanceشخصين متناقضين 🙄😒 ♂️ الرجل ❌♀️ النساء ♀️ و المرأة ❌♂️ الرجال شخصين لايطيق احدهما الاخر هل سيكون هناك حب بينهما ياترى 🤔 ؟! هل ينذمج الزيت مع الماء ؟ هل ينذمج بين سليطت اللسان و قسوة الرأس بين الجبروته وبرودة دمه وكرهه الشديد لنساء ؟ ...
