لعبة الحرية بالهجة الجزائرية freedom game

الحلقة 10

الشخص الصالح لا يحتاج إلى القوانين
لتخبره كيف يتصرف بمسئولية
أما الشخص الفاسد فسيجد دائمـــــا
طريقة ما للاتفاف على القوانين

___________________

بعد ما لحقو لديارهم وشافو اهلهم دقة ساعة الفرق وراح يفارقو اهلهم وأحبابهم مي السؤال المطروح اسكو راح يعاود يشوفوهم ؟! ياعودو يحظنوهم ؟!
هاد الشي راح تعرفوه فالحلقات الجايين
راح مهدي وين بدا رقد محمد وياسين وكانت صدمة كبيرة لأمهاتهم لدرجة الجنون من بعدهم رحيل من بعدها الثلاثي اسما عيسى ونرمين
بعد ما كل واحد راح ليهم عسكري وطبطب فلبيبان تاعهم قلوبهم ولات تخطب 100 خبطة فساعة نرمين خدمة يماها وقاعدة تشم فريحتها وتحفضها في راسها كأنها ترسم حنانة وحضن يماها في مخها من بعد سوطات عند باباها وقاعدة تهدرلو وصوتها في رجفة وحزن كبير قاعدة تقولو
- متخممش عليا يا بابا تعرف  بلي قادرة عليها نتوما عليكم وعلى تحافظو على صحتكم ورواحكم بزاااف وتهلالي في يما وتهلاو خلو تيليفيزون مشعول ياك من بعد تعرفو علاه
من بعد حضنتهم في زوج وتسيي تحفظ في رحتهم لي راح تتوحشها كل دقيقة وكل ثانية تجوزها بعيدة عليهم وهادا الشي كان تان يمر على اسما وعيسى
من بعد ستجمعت قوتها شويا ودنات عليهم وقالتلهم شوفو راح يجو يدوكم من هنا ياك وبعد ما توصلو لهديك لبلاصة راح تلقاو زوج براوات اقراو لي فيها رقم 1 ولوخرة خلوها لمن بعد راح يلحق لوقت لي تفتحوها فيه ياك ماخمموش عليا و كيما وصيتكم خلوي لاتيلي مشعولة ياك
من بعد قوا الدقديق فالباب تخطفت نرمين من بعد مسحت دموعها باباها فتح الباب وقالو
-وشبيك سمعناك
رد عليه العسكري
- عمي سمحلي مي لازم تجي بنتك لحق لوقت
من بعد نرمين شدت باباها وقالتلو
- خلاص بابا متقلقش روحك هيا معايا لحقوني لطنوبيل وتبسمت في وجه باباها من بعد وعونوها رفدت ليفاليز تاعها 👜 وشدت يد يماها وخرجو وعينين يماها شلال محبتش تحبس بكا
خرجو ولقاهوم يستناو فيهم وكانت يمات عيسى تودع في وليدها مام اسما باباها يماها يودعوها وهو يبكو على بنتهن ومعلابالهمش وش هو المصير تاعها توجهت اسما وهو تبكي لطنوبيل لي كانت فيها رحيل وياسين ومحمد من بعدها عيسى بعد ما وصل يماه وخواتاتو باش ميتقلقوش ويتهلاو في روحهم نرمين مدت ليفاليز العسكري داهم لامال ودارت لوالديها تودعهم لأخر مرة عنقتهم مي مبكاتش شدت روحها وقالتلهم ميتقلقوش عليها وغمزة لباباها تبسمو معاها حتى ويكون علابالها بلي بنتهم قادرة على شقها مي تقعد طفلة وصغيرة فنظرهم
توجهت لطنوبيل وكي لحقت للباب نطق مهدي
- لوكان زتي بتي خير
طلعت ومهدرت حتى كلمة وخبطت لباب في وجهو خبط مهدي الباب بيدو وقاللها حسابك معايا جا رايح ليه باباها مي شداتو يماه وقالتلو
- ياشريف متتسرعش دير وش قالتلك بنتك
دار ليها وهو زعاف طالعلو لرأس وقاللها
- مشتيهش وش دار
- قالتلو
- صلي على نبي مراح يديرلها والو هو خدماتو يحميها نسيت وش قالنا لجنرال اه
ايه كيما راكم تخمو قبل ما يجيو لولاد ويدو حوايجهم توجه الجنرال لكل عائلة وحكالهم على اساسيات
Flash Back
بعد ما تناقشو على الشروط لجدد بين الجنرال نرمين  ناض وجا خارج قالتلو
-عندي طلب خاص
نطق الجنرال بلا ميلتفت ليها
- ولي هو ؟!
نتمنى تروح عند عايلتنا تفهم كلش قبل ما نروحو ليهم حنا مدابيا لوقت لي نضيعوه وحنا نفهمو فيهم وش كاين نستغلوه لصالحنا ونشبعو منهم قد ما نقدرو
جاوباتو وكانت نبرت صوتها حزينة مي هي سيات متبينش 
غزر فيها بنص عين تفهم لي مهما لقوة لي راهي تبين فيها والجرأة تاعها هكاك وتقعد طفلة وضعيفة و مستحيل تفرط فوالديها كيما كانت تبين وانو كي قالتلو اقتلهم كانت خايفة من لداخل وحرك راسو بمعنى ايه وكمل طريقو بلا مينطق بحتى كلمة  وخرج ، ودار وش طلبت منو نرمين وراح يدير مهمتو  لي راهي نستنا فيهم .
                       __________________
كي ركبو كامل ديماراو وراحو لطريق ماعلابالهمش وش راهو مخبي ليهم هداك الطريق كان مهدي يسوق وكانت مايا معاه ولبنات ودراري كانو ملور كامل نرمين كانت جيهت تاقة واسما كانت فالوسط معنقة نرمين وتبكي راحيل حاكمة تاقة وساهية بكات مع لول من بعد كي شافت نرمين قوية وشادة روحها تقوات بيها وسكتت عيسى كان مقابل نرمين ومحمد فلوسط وياسين  فطرف كامل من قوت طريق طويلة كامل رقدو من شدت تعب وتفكير غير نرمين لي قاعدت فاطنة وساهية فتاقة ودايرة يدها على خدها وتخمم ايه نرمين لي كانت ترقد كتر ملي تفطن دورك مغمدتش عينها ولا دقيقة غزر فيها مهدي من لمراية وشافها فهاديك الحالة وغزر  في مايا صابها تبيع وتشري كانت دائرة كيتمان وراقدة في سابع نومة نطق  مهدي
- راكي خايفة نرقد على بيها راكي فاطنة
مجاوباتوش ودارت روحها كلي مسمعت والو
ـ هاي راني نهدر معاك وسمك
هدر بصوت خشين و فأخر كلمة علا صوتو شويا وهو يغزر فلمراية
غزرت فيه بنص عين  وعاودت غزرت لتاقة خبط لفولون بيدو  من زعاف
- هايي اطلق الطفلة  خلقها طرونكيل
نطقت مايا وهي تغزر فيه بتشناف
- مقولتلها والو حبيت نڨسر معاها وهي زعما طايحة خشينة زعما
جاوبها نهدي بزعاف ردتلو مايا
- قسراتك باسلة (سامطة)  ماراهيش حابة تهدر معاك من لول براكاك ما تشري فدسارة زايدة متليقلكش
- اييييه شكون لي راهو يهدر على لبسالة ..
- كمل طريقك وبركا من الهدرة بزاف
قاطعاتو ديراكت بلا ميكمل هدرتو جاوبها
- نكمل طريقي ياك ؟! علاه متجيش تكمليها  نتي كيما لسانك طويل خلي يديك تان طوال
جاوباتو وهي تنحي فسنتورة
-حبس طنوبيل
حبس طنوبيل وزاد حبس لكاميون لي كان موراهم لي فيه مجموعة من لجنود  هبطت مايا وراح جيهتو وهو هبط ركبت تم تم موراه وغلقت لبيبان وكي جا راح يركب ويفتح فلباب محبش يفتح قاعد يخلك ويقولها
-بركاي من لعب تع دراري صغار افتحي لباب ماياااا هي ديمارات ديراكت ومستناتوش  تنارفا وخبط رجلو بركلة مع لرض وقال بصوت عالي
- يادراري
وغزر موراه شاف لجنود يضحكو لتحت لتحت عليه راح ليهم وهو مغزل وفتح لباب تع لفورڨون وعيط عليه
- فلعود مراك تضحك  كي لجايح تهبط قبل مانوصلك 
هبط لجندي  وهو شاد ضحكة ادى التحية العسكرية وراح للور وركب مع صحابو طلع مهدي مغشش كان حاب يطرطق مي كتمها في قلبو وقاعد يتحلف فمايا
نولو لمايا كي ركبت وراحت ضحكت وخزرت فلمراية وقالت لنرمين وهي تضحك
- يهدر بزاف كيما لعجايز  مي بيناتنا يستاهل وش درتلو
تبسمت نرمين على طرف تبسيمة وحركت راسها بمعنى ايه
فرحت مايا كي تجاوبت معاها وقالت فقلبها وهي تغزر فيهم
- نوعدكم مراحش نخليهم يدناو ليكم ولا يقيسو شعرة منكم مدامني معاكم بإذن الله
عيطت عينيها وتيرات لنرمين تيليفون ولكيتمان غزرت فيها نرمين بدهشة مي مايا مطلعتش راسها وكملت تسوق
دارت نرمين لكيتمان وكانت فاتحة فاليتيوب  حوست على نوع الأغنية لي تحبها وتظل تسمعها كي تكون فدوامة في أفكارها

هادي هي الغنية لي تسمعها بزاف درتها وقاعدة تسمع فيها من بعد بدلتها بأخرى على صوت أيمي هيتاري

غمدت عينيها وهي تتحسس فالغنية ودخلت في عالمها الخاص لي نفسه حتى واحد من غير روحها وافكارها ومشاعرها
مايا كانت تغزر فيها وتبسمت فهمت ولو جزء صغير من نرمين
مهم خداع منعطف لي كان على طرف طريق ودخلو فالغابة ودقائق صغار حتى وصل لوحد الفيلا في وسط هاديك الغابة غير لحقت للباب جاها الحارس يجري عطاتلو لاكارت وقالتلوا
- رانا مبعوتين من قبل الجنرال رابح
حرك راسو بمعنى ايه وقاللها
- عندي علم هو خبرنا بكلش ونفدنا كل اوامره وحنا تحت تصرفكم وادى تحية لعسكري
بسدما راهي تهدر معاه هبط مهدي من لفورڨو ولحق على لكملمة لخرى تع حنا تحت تصرفكم وبدا مهدي يعرض فكتافو وقالو
- انا المسؤل  هما مدابيك أهدر معايا
غزرت فيه مايا بنص عين ومن بعد غلقت تاقة وقبل ما تتغلق قالت
- ياخي اطفال ياخي
ودخلت الداخل و وموراها لفورڨون
هبكو كامل لجنود من بعد مايا حركت نرمين من رجليها غزرت فيها نرمين ونحات لكيتمان  وقالتلها
- نوضيهم رانا لحقنا 
حركت راسها بمعنى ايه وبدات تهز  في اسما وتعيط لرحيل وهزت عيسى تخطف وقالتلوا لحقنا دار مفجوع لتاقة وقالتلوا نوضط محمد وياسين ناصو كامل واسما شادة فنىمين بقوة وترعش من لخوف ونرمبن قاعدة نطمن فيها فتحت مايا الباب وهبطو كامل وكانت مدهوشين ....

_______________________

اسفة على تأخير من راح نحطلكم اربع حلقات على ظربة باش تسامحوني  لواتباد تناحالي صرالي اشكال باش عاودت رجعتو
راهي بدات الرواية تعنا من هنا وجاي
ونذكركم بلي كل شي مجرد خيال ومكانش منو فالحقيقة  نتمنى تعجبكم