الشروط هوما
الشرط الاول نزع الحجاب الشرعي
الشرط الثاني التنقل الى الثكنة العسكرية بمنطقة الشريعة
الشرط الثالث عدم رؤية الاهل والاقارب لمدة سنة كاملة
الشرط الرابع الالتزام بكل الاوامر الموكلة اليكم
الشرط الخامس عدم محاولة الهروب من موقع التريب ومن يحاول الهروب سوف يخضع لأشد العقوبات
الشرط السادس عدم التمرد عن اوامر القائد الاعلى
الشرط السابع.......
مهدي غير كان راح يقول الشرط السابع خبطت نرمين الطابلة بيدها قالتلو
- قريناهم علاه راك تعاود فيهم
وغزرت فيه مليح من بعد مهدي حط الدوسي وهدا روحو وحط يديه مشبكين بعضاهم فطابلة ودنا ليها
وقاللها
- شوفي نرمين علابالي بلي هاد الشروط صعاب عليكم وحاجة ماشي ساهلة
تبسمت بستهزاء وردت عليه
- كي علابالك بلي صعاب علاه عاودت قريتهم نورمال تقول راك تقرى فقصة لوليدك ولا الجريدة اليومية
شوف وسمك راني حابة نقولك كلمة وحدة ومنعاودها روح ارفد دوسي تاعك هدا وقول لي كتبو يجي لعندي عندي سؤال ليه وفي طريقك قولو مرانيش موافقة على شروطهم ولي حبو يديروه يديروه
وفي آخر كلامها زيرت على سنيها تاكد على كل كلمة قالتها
غمض عينيه مهدي وقاللها تقول راه يترجى فيها
- نرمين متلعبيش بالنار راكي تندمي ماشي وقت تيباس راس تاعك خممي فيها من كل الاتجاهات
تبسمت و شبكت هي تان يديرها ودنات ليه وقالتلو
- قولتلي نخمم فيها من كل الاتجاهات ياك
من بعد حطت يدها في لحيتها ( معلاباليش وش تسموها مي هاديك لي تجي تحت لفم لعضمة لمدورة ) وقاعد تطلع في صبها كلي راهي تخمم🤔🤔 وغزرت فيه ورجعت لنفس لوضعيةلي كانت فيها
- اممممم الحاجة لي باينة كي صباح لخير كي مانوافقش راح تهددوني بأعز ماعندي لي هوما والديا صح ؟!
وكملت
- ههه متخممش راني دايرتها فلحساب هادي
هو فتح عينيه صفاحي ورد عليها
- منين كل هاد البرودا تاعك يامحاينك كاريثا نتي انا نخليهولك باش تخممي مليح
وناض راح خرج سمع فلجهاز لي في ودنو
-ارواح للمكتب مهدي
- حاظر حضرت الرائد
راح مهدي للمكتب طبطب فلباب واستأذن بالدخول رد عليه من لجيهة لوخرة
- تفضل
دخل مهدي وادى التحية
ورد عليه التحية وقالو ادخل مهدي تفضل
- يزيد فضلك حظرة الرائد وراح قعد
- راني نراقب فيكم وفكل الاعضاء الستة وسمعت الحوار لخراني لي دار بينك وين نرمين ولاحظت هاديك الطفلة فيها حاجة غريبة ومميزة فنفس لوقت مي على حساب لكلام لخراني تاعها هي راهي عرفت لخطة لبديلة لي كنا راح نطبقولها هادا دليل انو حتى ونهدودها بوالديها مراحش تغير رأيها ورائد رابح مراهش هنا راح يوصل فليل كي يوصل راح نلقاولها لحل
قعد مهدي يسمعلو ومهدر حتى كلمة غير يهز راسو ورد عليه فاخر كلامو
مهدي : نظن الرائد رابح مكانش موافق على الخطة لبديلة اكيد يكون عندو فكرة يتوصل بيها باش توافق على الشروط لازم يكون كاين حل وسيط بين الطرفين
- ايه عندك لحق مهدي لازم هكاك راح نستنا لحشيا من بعد يتوضح كلش
ناض مهدي وادى تحيا وخرج وراح قبالة للكافيتيريا تع لمركز كموندا قهوة وكان راح يقعد صاب فهد قاعد ورافد في يدو لظرف عرف بلي اسما سينيات على لورق
راح رفد لقهوة تاعو وزاد كمونداالو ليه تان رفدهم في يده وراح قعد مقابلو غزر فيه فهد وقالو -مقبلتش تسينيي ياك!
عطاه لقهوة وحرك راسو بمعنى ايه وشرب قهوتو وقالو
- ايه مقبلتش وكي قولتلها خممي فيها من جميع الاتجاهات قالتلي الاتجاهات لي حبيتني نخمم فيهم هوما انو نتوما تهددوني بأعز مانملك باش نقبلبكم بالشروط تعكم
غزر فيه فهد كلي كان متوقع انو تكون دارتها فلحساب وقال بين وين روحو ( كيما نقولو حنا في قلبو)
- مي علاش مسنياتش لوكان هددوها بوالديها راح تقعد فرأي تاعها؟! اووووف ياربي
غزر فيه مهدي كي تأفف وقالو
- وشبيك ياخو راك تخمم 🤔 وعلاش مسينياتش حتى وتكون عرفت بلي راح تتهدد بوالديها ؟! هاد الجواب عندها
- مي راح نستناو رائد رابح ييجي حشيا ويلقالنا حل لهاد لمشكل
همهم بفمو فهد وهو راسو بمعنى ايه ورشف رشفة من لقهوة وقال
-ان شاء الله
من بعد مهدي شرب كامل قهوتو وقالو وكيفاش اسما سينيات على لورق
قاعد فهد يشرب فقهوتو وجاوبو بلا ميغزر فيه
- سقساتني قولتلها
قاعد مهدي يستنا فيه يكمل مي فهد قاعد يشرب ومكملشو
بدا مهدي يزغد في رجليه تع راهو مقلق ومزالو يغزر فيه يستنا يكمل مي فهد قاعد يشرب فقهوتو بلعقل
من بعد مهدي قالو
- ها كملي يااااار...... تخليني نستنا فيك ولا وشنو هادي سقساتني وجاوبتها
- ساهلة رد عليه فهد وكمل
- سقساتني اسكو راح يدخلو والديها فلوسط لوكان متسينيش وقولتلها ايه وسنيات هادي هي لحكاية حل مهدي عينيه وفمو 😮😮😮 وقالو
- كاريثا نتا مهم قولي نتا وقتاش راك مسهل مع هلال
رد عليه فهد
- غدوة ان شاء الله نقلع
☹️☹️☹️☹️ دارلو هاد الجاست وقالو مهدي
- وتخليني وحدي مع هادوك لوحوش
غزر فيه فهد بنص عين 😏😏 وقالو
- راهي جاية لي تونسك مكلاه تبكي كي لهجالة
خبطو مهدي بلمغرف 🥄 لوجهو وقالو
روح ت....... هاديك اتونس بيها نتا
- ايه احكيها لبيبيط ما ميميط عارفها علابيها كي تشوفها عينيك يلمعو
رد عليه فهد حب يزيد يقلقو
جاوبو مهدي
- ق....... عليا قال يلمعو عينيا راك تشوف فيا فسن المراهقة
ضحك فهد وناض وقالو متزعفش راني نڨصر معاك
وجاز عليه وخبطو في قفا راسو ( حنا فالعاصمة نسميها سبيرنتشا ) وراح هرب ناض مهدي يتحلف فيه. باش ليوم يدفنو وهو يجريو فلكولوار بينزوج لعتروس لخوه كي دراري صغار وكي كانو يجريو لمح فهد الرئد رابح جاي حبس ودار روحو كلي مدار والو لحق ليه مهدي وطلع فوق ظهرو و بدا يخنق فيه وفهد قاعد يفرفط ويوقلولو اطلقني ياربك راهو جا رائد مسمعوش مهدي باسكو قاعد يعرشلو وصل لعندهم رائد رابح وتنحنح شافو مهدي وتخطف ووقف واداولو التحية غزر فيهم بنص عين وكمل يمشي وقال لفهد
- فهد تبعني للمكتب
سڨم فهد حوايجو وشعرو لي قريب قلعهولو مهدي وراح تبعو للمكتب وكي كان يمشي ويسڨم روحو دار لمهدي وقالو (حمار )
بدا مهدي يهدر بين وبين روحو ( سور كان يطيح ) حتى جاه صوت قريب ليه
- ياخي كبار وجايحين تجرو فلكولوار كي لعتارس
رفد راسو وغزر بنص عين من رجلين حتى لرأس وشافها وقفة ومربعة يديها لصدرها وتغزر فيه غزرة تع نتا دراري
- نتي دورك وش قودك فينا ألتهاي بروحك ماشي خير
مايا : مكان مقودني فيكم هاد شي واضح وضوح شمس الله غالب لعتروس ميتروضش يعيش فلبرية
كي لهايش
مهدي زير على سنيه وخطفها وخبطها فلحيط وحط يدو في رقبتها وقاللها
- علابالك لعتروس ينطح ونتي زوج مطارق يبلاطيك فلحيط
ضحكت على هدراتو بتمسخير وغافلاتو وعوجتلو يدو للور ولسقاتو فلحيط وقالتلو
مايا : زوج مطارق هادوك يديرو بيهم شوا بلحم تع لعتروس
ضحك عليها وقاللها
- شعرك راهو طوال وليتي تشبهي لبنات دورك
وخدعها وجبدلها رجلها وقلبها وكي جات راح طيح حكمها وجبدها لعندو وكان وجهو قريب لوجها بيناتهم سنتيمتر غاسو في بعضاهم من بعد مايا خدعاتو بدماغ ووقفت وسڨمت روحها
وهو داخ من دماغها وقاعد شاد راسو وقاللها
- ياخي بو دماغ تقول كنتي تنطحي بكري مع لكباش
راحت مايا تمشي وقالتلو
- ياخي جايح مناعندكش عندي أمور كبيرة عليك روح دير قيلولة
- روحي يا بوراص راسك كبير على ذاتك روحي تجوزي عند الطبيب الماكلة راهي تروحلك ألونفار راهي تطلعلك الفوق ماشي تهبطلك للتحت
دارت ليه مايا وغزرت فيه مليح و صبعتلو (حشاكم ) وضحكتلو ضحكة الصفرة وكملت طريقها
قال مهدي
- ياقسامها صبعتلي بنت لحرام الكلبة لي متحسمش اومبعد نطربقلك هادوك السكولات تاوعك نوريلك انا
قاعد مهدي يهدر وحدو كي لمهبول وسڨم روحو وراح خرج باش يدربو شويا هوا من جيهة لوخرة كان فهد يحكي لرائد رابح بأدق التفاصيل على نرمين وكي كمل حكالو كلش وقاعد الرائد يعصر في لحيتو ويخمم 🤔🤔( كيشغل هاد الجاست مهم فهمتوني ) من بعد فهد قالو
- لازم نلقاو حل وسيط وفي اقرب وقت
رائد رابح : ايه راني لقيت لحل أن شاء الله يكون يرضي الطرفين مهم شكرا ليكم على مجهوداتكم لي بذلتوها دورك هنا توقف فهد راح تروح تلحق بهلال وانا نكمل هنا ونتبعكم لازم نلقاو هداك الرأس لكبير لي مسمي روحو shadow ردو بالكم على روحكم ومتتهوروش
فهد : كيفاش راح تجي معانا نتا علاه مراحش يروحو لكازيرنا تاعنا شاف ؟!
رائد رابح : لا راح يروحو عند عبد الحق ل تيبازة
فتح عينيه فهد صفاحي وزير على يدو وقالو
-كيفاش شاف راح تبعتوهوم لتماك راك عارف الرائد عبد الحق خير مني شاف كيفاش راح تأمنو عليهم
رائد رابح : مضطرين يا فهد ديجا متخممش مايا ومهدي راح يكونو معاهم وحكايتها شهرين ان شاء الله ويروحو لعندنا متخممش راني ماخد كل الاحتياطات اللازمة .
✳️
✳️
✳️
✳️
ــــــــــــــــــــــــــــــــــــــــ
خلاص البارتي تع نهار ليوم راني طولتو شويا باش نوضح شويا ونبدا نتعمق فلحكاية مليح حتى ويكون مكانش تشجيع راح نكتبها باسكو حبيت نكتبها وزيد بزيادة راح نكتبها في خاطر لبنات لي شجعوني نكملها وادا بكيت سامحوني راني مضغوطة للقراية وعندي امتحانات ونوعدكم بعد الامتحانات راح نحط كل يوم بارتي ومتنساوناش فوط + كومنت ياخي باطل 🙄🙄.
دمتم في رعاية الله سلام
#NANTI😊
أنت تقرأ
لعبة الحرية بالهجة الجزائرية freedom game
Romanceشخصين متناقضين 🙄😒 ♂️ الرجل ❌♀️ النساء ♀️ و المرأة ❌♂️ الرجال شخصين لايطيق احدهما الاخر هل سيكون هناك حب بينهما ياترى 🤔 ؟! هل ينذمج الزيت مع الماء ؟ هل ينذمج بين سليطت اللسان و قسوة الرأس بين الجبروته وبرودة دمه وكرهه الشديد لنساء ؟ ...
