لعبة الحرية بالهجة الجزائرية freedom game

الحلقة 12

الحياة ليست هكذا بل هي تجارب
و خبرات للتعامل معها
و التكيف حولها

__________________________

توترت اسما من سؤال مايا وبدات تأتأ بهدرتها وقالتلها
- ه..ي م..اااش...بي ه...الا..كا...ك م..ان..سس..تهلش
- أساسها وكتر باسكو انا هدرتلها والو وهي حبت تقتلني
قاطعت رحيل اسما وهي تعلي في صوتها
طلعت نرمين فدروج وتسمع فلغياط من جيهت لبيت راح تمشي بخطوات ثابتة من بعد هي غير لحقت سمعت رحيل لتهدر من بعد تكات على لباب وقالت
- مزال لسانك طويل واقيلا غلطت ومقطعتهولكش
بلعت لسانها وهي تغزر فيها بتغزال من بعد مايا حطت يدها على كتف نرمين وقالتلها
- ارواحي معايا للمكتب
وغزرت في رحيل وهبطت لمستواى طولها قابلت عينيها معاها ونطقت
- نحب كل حاجة ترجع في بلاصتها
- بصح.........
- هدرتي منعاودهاش فهمتي
وفي اخر كلمة كانت نبرا تعها نبرت تحذير من بعد دارت لنرمثن ومشاو مع بعض للمكتب وكي وصلو فتحت لباب فتحت عينيها نرمين من شدت كبر غرفة المكتب والكتب لي معمرين لبيت من كل الجهات راحت مايا قعدت فالمكتب وغزرت فيها لقاتها تتفحص فالبيت من بعد نطقت
- اقعدي ولا راكي تستناي لعرضة
راحت نرمين قعدت بلا متنطق حتى حرف من بعد مايا تكات على يديها وقالتلها
- ايه احكيلي وش صرا بيناتكم
غزرت فيها نرمين بنص عين وتبسمت على طرف وقالتلها
- شفتي كلش وسمعتي كلش علاه راكي تسقسي فيا
فتحت مايا عينيها صفاحي من بعد حسبتلها راهي تمعني على رحيل كي حكاتلها من بعد ردتلها
- ايه سمعت من راحيل ونسمع منك نتي تان
- مانيش نهدر على حكاية راحيل راني نهدر على لكاميرات لي محطوطين فالبيت
دهشت مايا وسقساتها وهي مدهوشة
- كيفاش فقتيلهم ؟!
-

كي كنت ندربها طاحت لفيوزة وكان تحتها لميكرو وكي وقفت عند الباب فقت لساعة لي عند لحيط كانت مركبة موراها لكاميرة وحدة فوق لخزانة هادي لي شتهم
ردت عليها نرمين بكل برودة وهي مركزة في عينيها بلا ميرجفلها جفن
- شديدة الانتباه مليح
ردت مايا وهي تبادل فيها نفس النظرة سكتو ثواني من بعد مايا هدرت بعفوية
- هي تهماتك وصحبتك مدافعتش عليك
- 😏حاجة درتها منندمش عليها ومش مستحقة اي واحد يوقف معايا ومستعدة ناخد اي عقاب مهما كان ميهمنيش
- اوووه منين جايبة كل هاد الثقة و البرودة لي فيك
- خليقة من عند ربي دورك قوليلي وشنو هو العقاب
- هي صح هي لي غلطت في حقك مي نتي علابالك بلي راح تتعاقبي خير مراحش تقولي لالا وغلطت ومعلاباليش بعض الاعذار بالاك منعاقبكش
ضحكت ضحكة استهزاء وقربت وجها وهي مركزا يديها على لبيرو
- مانيش ندمانة على والو ولوكان تعاود هاديك الهدرة راح ندربها نفس درب ونزيد عليه
- اوووه قوية ماشاء الله مي حيرتيني في حاجة حنا هددناكم بموت الاهل ومتحركش شعرة منك وهي جبدتلك يماك قريب قتلتيها غريبة والله
سكتت نرمين ومنكقت بحتى كلمة وعدلت قعدتها من بعد مايا تكات وقالتلها
- لوكان كنت في بلاصتك ندير وش درتي مهم دورك عقابك راح يكون خفيف راح تغسلي لماعن تع لعشا كامل
تبسمت نرمين على طرف ونطقت
- 😏 هدا عقاب في ميزك
- معجبكش واقيل حابة نصعبو
- لالاراهو مليح ناس ملاح
- ههههه ايه
السنة مايا معاها ومن بعد شافت خيال عند لباب نبعت نرمين لوين راهي تغزر وشافت هي تان واحد واقف عند لباب ناضت من بلاصتها وراحت بلعقل و فتحت لباب بلخف وطاح مهدي فلرض مايا ونرمين قاعدين شادين ضحكة بسيف ناض مهدي وكوv روحو( دار روحو ملي مطاحش ) ودار عند نرمين وقاللها
- هكا ناس تفتح لباب
- علاه كيفاش يفتحو لباب
فتحت عينيها بدهشة وغزرت فيه وردتلو على هدرتو تع استفزاز دور وجهو وقعد ساكت وغزر فمايا صابها شهادة ضحكتها وقاللها
- تحاسبك غير اضحكي
- انا نروح بعد من لباب ....اه المرة لجاية مكلاه توقب كي لعجايز
😲😲 راحت نرمين وخلات مهدي يغزر فيها مخلوع ودار لمايا وقاللها
- لانها طويل هاد الطفلة
صحكت مايا بتمسخير وقالتلو
- عجبتني انا بزاف وراح نتفاهمو انا وياها بزاف
- ايه باسكو تشبهلك
- ايه مي هي راهي خير مني
قالت كلمة تاعها لخرة وسهات فهمها مهدي ومحبش يكمل ومع لوقت نعرفو علاه قالت هكاك وبدا يطلق فتمهبيل ديالو وقاللها
- قوليلي زعما خالتي نجية وش طيبتلنا يامحاينك راني ميت بلجوع
- علاه نتا من وقتاه مجعتش
- نروح نشوف وش طيبتلنا
- هاي جدك تبدا تاكل قبل ما نتلمو راسك نحيهولك
خرج يجري مهدي راح الكوزينة وهي تبسمت وقالت بين روحها
- ياخي مهبول
نروحو عند نرمين دخلت للبيت تعهم بقات اسما ورحيل هداك وين كملو تخمال تع لبيت رحيل غير شفتها بدات تطلع في شنافرها اسما راحت تهدر مع نرمين وقالتلها
- نرمين وش قالتلك وشمن عقاب عطاتهولك
جازتها ومهدرت حتى كلمة دارت تيليفون تاعها يتشارجا وهي راحت لبلاصتها وتكسلت وغطات روحها كامل قاعدة تشوف فيها اسماك مدهوشة  ولات لبلاصتها ومهدرت حتى كلمة رحيل كي شافت اسما سقساتها تحمست وحبت تعرف من بعد شافت نرمني نهدرو والو وقالت بين روحها
- راهي نورمال هادي زعما مدارولها والو ؟! و كيفاش راهي خادية راحتها هكا ؟! جوزوهالها نورمال ؟ كنت راح تقتلني ومدرولها والو اوووواه انا لازم نعرف وش صرا ووشمن عقاب عطاوهولها
وهي تهدر مع روحها دقدق لباب راحت اسما فتحت ولقات وحدة من لخدامات قالتلها
- ارواحو تتعاشاو راهو واجد
- ايه صحا دورك نجو
ردتلها اسما وتبسمت معاها نرمين كانت تشوف بنص عين ومهدرت حتى كلمة دارت اسما لراحيل قالتلها
- هيا راحيل راهم يعيطولنا لعشا كامل
- ايه سمعتها
ناضت راحيل سبقت اسما مشات زوج خطوات وتشوف نرمين نحات لغطات لي كانت مغطيا بيها ومشات قبالة وجازت اسما وهي متصمرة في بلاصتها وهي غير لحقت لباب نطقت اسما وهي متغششة منها
- وشبيك نرمين علاه راكي تتعاملي معايا بالبارد وش درتلك انا اه ياخي مدرتلك والو وحنا صحابات ياخي
- نعرف صحبة تكون وقت شدة ماشي تبلع فمها ومتدافعش على صحبتها
- بصح انا تحطيت بين نارين ....
- ههه متحطيتيش بين نارين نتي كنتي حابة وكنت متوافقة ومقولتيش بلي أنا دربتها كي جبدتلي يما رغم الصداقة لي كنتي تهدري فيها دورك وين راهي وريهالي مانيش نشوفها  ولا نقولك متزيديش تتحطاي بين نارين ماناش صحابات هنا نتوما بالنسبة ليا زميلات ومكاين حتى علاقة تربطني فيكم فهمتيني وتاخدي راي بعديني كيما بعيدة سما على لرض
ردتلها نرمين على هدرتها وفأخر كلام ليها دارت ليها طرطقت عينيها فيها وكانت تخرج الهدرة بين سنيها وردتلها اسما بالتغشاش
- راح تندمي وتجي تبكي كيما درتيها فليسي
- ههه هاديك بكري يا بنتي دورك منندمش على حاجة نقدر نعوضها فهمتي هاديك نرمين. ماتت هداك لعام ولي قتلها هي نتي نتي لي ردي بالك تجي لعندي باسكو راح تجي نتي تبكي عندي بزاف هيا اطلقي رجليك عند صحبتك راهي تستناك واقيل
خرجت نرمني من لبيت بكل هدوء واسماء بداو عينيها  يغرغرو بالدموع وهبطت دمعا من عينها وقالت وهي ترجف
- وعلاه راكي هكا منين جبتي كل هاد البرود تبدلتي بزاف نرمين تبدلتي بزززاف
مسحت دموعا وراحت  هبطت لتحت صابتهم كامل حاكمين بلايصهم لقات بلاصة فارغة بين نرمني ورحيل قعدة وبلا متهدر حتى كلمة
بداو ياكلو كامل ومايا ومهدي كانو يروماركيو فيهم بلواحد جات لخالة نجية تسقسيهم على كاشما يستحو كامل شكروها غير محمد وياسين قاعدين يوشوشو بين بعضاهم
محمد : ياخو مشبعتش باحدك بزاف بنينة نقولها تزيدلي
ياسين : ياخو متبهدلناش شد فكرشك شويا ياجدك عمرلتك طبسيك مليح
- محمد : ياخو والله غير بنينة وش ندير نقعد هكا
سمعتهم لخالة نجية وتبسمت على هدرتهم وهدرت لمحمد
- وليدي راك حاب نزيدلك
- والله ياخالتي غير بزاف بنينة يعطيك الصحة لوكان تزيديلي منقولكش لالا
- ههه ياخاه بصحتك وليدي وش تحب قولي هات طبسيك نسربيلك متزيدش تحشم مني
ناض محمد سبملها على راسها ( الله غالب هاد لبنادم على كرشو يخلي عرشو ) نطقت تيزيري وهي تهدر بين سنانها مي مهدي سمعها باسكو كانت قريبة ليه
- مليح خدامة يسلملها على راسها وشنو هدا
راحت الخالة  نجية للكوزينة ونطقت راحيل وهي تستفز فمحمد بهدرتها
- لمرة لجاية ماتنساش تبوسلها رجليها كي تزيدلك فالماكلة ياخي جايح
خبط محمد الطابلة وناض وكان منارفي وشدو ياسين باش ميدير حتى عفسة  وقالها
- وش ق....... فيا انا ماشي نرمين نقبرك في بلاصتك مكلاه تكتري معايا الهدرة
- ايه نتوما ميعجبكمش لي يهدر كلما الحق
- للعب فمك راكي طفلة متخلنيش نجي نكرفسك
جيدة ياسين وقالو
- خلاص ياخو تعاود طفلة دورك نتا
نحا يدو محمد وراح الكوزينة باش يقولولها مكلاه مناكلش وهو داخل الكوزينة سمع لخدامين يهدرو مع لخالة نجية .............

💠
💠
💠
💠
💠
ـــــــــــــــــــــــــــــــــــــ
اسفة على التأخير