لعبة الحرية بالهجة الجزائرية freedom game

🌠 الحلقة ~ 9 ~ 🌠

رفدوهو  و داوهم لفورڨوات  باش يرجعوهوم لديارهم   كي بداو يدخلو بالواحد نرمين من بعد اسما كي شافتها سوطات لعندها وبدات تبكي وتعنق بادلتها نرمين العناق من بعد دخلو دراري عيسيى من بعد محمد من بعدهم رحيل من بعدها ياسين كان هو لخراني غير دخل شاف اسما معنقة نرمين وتبكي دنا ليها وقاللها
- متخافيش اسما راني هنا ريح ميقيسكش
غزرت فيه نرمين بنص عين 😏 وقالت ل أسما وهي تعكي عليه
-شتي اسومة راهو ڨريندايزر لي ريح ميقيسكش معاه
ضحكت اسما فنص بكيتها ودربتها على كتفها بلخفيف
نفخ باسين بالقاوي وقاللها
- لوكان منطقتيش لوكان شكيت كاشما دربولك كاش تشكا لداخل باسكو نتي متتبدليش من يامات ليسي ونتي متابلتني
😲😲 انا نتالبك نتا واقيلا بدلت نواضرك على حساب شوفا
- قعد ياسين وربع يديه وقال انا نسكت خير
نطقت نرمني
- تعمل مليح باسكو راسي راهو يوجع مخصنيش لعب تع ذر
جا راح ينوض ليها حتى شدو عيسى و قالو اقعد تعاند طفلة
قعد مشنف طريق كامل كي دراري صغار
هههه هدا هو ياسين يشنف بلخف سورتو من نرمين
صحا دورك راح نعرفكم على شخصيات تعنا عندكم
✨ نرمين في عمرها 22 سنة هي لكبيرة فيهم طوايشيا وراسها خشين يتسما رايها لي يجوز ومتخافش مي خفيفة الظل مع لوقت تعرفوها
✨ اسما في عمرها 21 سنة عاقلة بزاف وتخاف من ظلها متحبش لمشاكل وعلى حاجة والو تبكي
✨رحيل بنت 2001 في عمرها 20 ههههه هه هي لقصيرة تع لڨروب تحب تكون هي تعرف كلش حاجة ما تخفالها تحب تكون هي لمميزة وتحب تبان بززاف مي تحب تعاند نرمين فطوايش مي متقدلهمش ههه مع لوقت تعرفوها  كتر
✨نروحو عند موحا لي هو محمد في عمرو 21 طوايشي كيما نرمين يحب يطيح خشين ساعات مي هو زهواني ومهبول راح نشوفوه يتمهبل مع نرمين بزاف مي كالم مع عيسى يمشي على حساب عقليت لبنادم
✨ عيسى الشخص الكاتوم ميحبش يهدر بزاف طايح خشين زعما هو طاويلو تع لمجموعة ماتتعلم بزاف ساعات وين يضحك ميدورش بزاف مع لبنات
عندكم آخر لعنقود✨ هاري بوتر ( مسميناه هكا ماشي على زينو تع وجهو هو برك يلبس نواظر كيما هو ) يحب يطيح خشين قدام اسما ( اشششش بيناتنا تعجبو من يايمات سويام 🤭🤭🤫🤫🤫 بيناتنا متبيعوش ) يخاف من خيالو وميحملش نرمين باسكو تظل تغزلو هه
هادو هوما أبطالنا للدرك
صحا نولولهم داخل لكاميون نطقت رحيل وقالت
زعما وين راهم يدونا
نطق هاري تعنا وقالها
مقريتيش شروط بينا راح يدونا لكازيرنا
غزرت فيه بنص عين وقالتلو
- واش ياسين ياخي cv
- لاباس الحمد لله ونتي
بدات نرمين تسفق 👏🏻👏🏻👏🏻👏🏻 وقالت
- بيييييييي خطيييييرة لا يحليش لالالالا وشي هادا باباسيدي ييييييييياااااايييي نوضو تقاتلو خير
نطقت رحيل
ماناش نتقاتلو هو لي نطق
- هو نولو للحق رحيل نتي سقسيتي هو جاوبك بكل صراحة
- اااااااااه اقرسني موحا اقرسني نرمين هدرت كلمة لحق يااااخااااه راني نحلم ياخي
نطق ياسين بعد ما سمع نرمين كي جاوبت رحيل
بدا موحا يضحك وجاوباتو نرمين
- انا دايمن نهدر كلمة لحق نتا برك مصدد من ودنيك 
قاللها ياسين
- شت تجي تكحلها تعميها خلاص خلاص مقولت والو
وهو هكاك يتناقشو حتى حبس لكاميو فجأة من بعد تخلعو كامل دنات اسما لنرمين  شدتها من يدها وكانت ميات بلخلعة ونرمين ضيقت عينيها من ضو لي دخل الباب
من بعد دخل مهدي لعندهم وقاللهم
- سلام شبيبة راكم ملاح
- كامل قاعدين يغزرو فيه مدهوشين
من بعد هو تبسم قاللهم متخافوش مراحش ناكلكم مهم ليكيب لي نعيطلو يجي ياك
محمد ×××××× و ياسين ×××× تفضلو معايا
تخلع ياسين وقالو
ماشي نروحو بين ستة علاه غير انا ومحمد لي نروحو وهوما وشنو
من خلعة بدا يهدر هكا من بعد قالو مهدي
- متخافش راكم رايحين بين ستة مي دورك راكم رايحين لدرياركم تجيبو حوياجكم وتودعو أهلكم لا !!
من بعد مهدي غزر فنرمين بنص عين
وردلو محمد
- مي هادو مكانوش فشوروط
ردلو مهدي
- وي شروط لقدم مكانش فيهم تروحو لدياركم مي قبل ما تخرجو زدتو مضيتو  على ورق وهادوك هوما الشروط لجدد من بعد نعرفو حكايتهم ماشي دورك هيا دورك راكم تضيعو فالوقت هدا كامل باش تجوزو مع اهلك راك تدي وتجيب فالهدرة معايا هايا من بعد ناض محمد وياسين وخرجو من بعد غلق لباب زاد كمل طريقو لكاميو من بعد حبس ناضت رحيل قبل ما يتفتح لباب تخلع مهدي كي فتح وصبها  وقفة تبسم معاها وغمزها وقاللها
شطورة راكي عرفتي بلي نتي لي من بعد هكا نحبكم تكونو من بعد هبطت رحيل ومن بعد غلق مهدي لباب وقلع لفورڨو وحبس من بعد ناض عيسى وقاللهم
هيا لبنات دالتنا دورك
بدات اسما تبكي تهدر
- دورك انا وش نقول لدارنا وكيفاش راح يتقبلو لفكرة
فتح مهدي لباب وقاللهم
- هيا دالتكم دورك
شاف مهدي اسما تبكي
من بعد نرمين ناضت ووقفت اسما وقالتلها
متخافيش كلش راح يجوز لازم تكوني قوية اسما ملازمش تضعفي هدا مكتوب ربي معندنا ما نديرو ياك حنا كامل رانا هكاك وش نديرو لا مفر خلاص رانا مضينا على شروط تعهم يتسما لازم نتحملو عواقب هادوك هيا متبكيش كوني قوية ياك من بعد هبطو اسما كانت شادا نرمين عيسى قاللها انا نسبق نتلاقاو من بعد حركتلو نرمين راسها ايه وهو راح من بعد نرمين قالتلها
- تروحي وحدك ولا نوصلك لدار
غزرت فيها اسما ودارتلها براسها لالا  وقالتلها
- لالا روحي لوقت راهو يجوز نقدر نروح وحدي متخميش
من بعد نرمين طبطبت على كتاف اسما وطلقتها بدات اسما تمشي من جيهة دارهم من بعد نرمين دارت كانت رايحة نطق مهدي
- علاه منطقتيش وقولتيلهم بلي اهلهم علابالهم بكلش وعلاه مقولتليش على شروط لجدد
منطقت نرمين بحتى كلمة وكملت طريقها لدارهم من بعد تغزل وراح مهدي جبدها من يدها وقاللها كي نسقسيك جاوبيني
نفظتلو يدو بالقاوي ودنات لوجهو وقابلت عينها بعينيه وغزرت فيه بجدية وقالتلو
- مانيش مضطرة نجاوبك راك فاهم ويدك هاديك متزيدش تمدها باسكو نكسرهالك
تبسم معاها ومسح وجهو بلغش وقاعد يحرك راسو تع ايه بتغزال وراح من بعد كي دار صاب مايا متكية على طونوبيل وتتبسم كمل طريقو ديراكت لطنوبيل بلا ميغزر فيها كامل. لحقت نرمين عند باب دارهم وكي لحقت للباب خارت قواها وبداو يديرها يرجفو خلاص مقدرتش تزيد تتحمل ودمعة لحقت لشفارتين عينيها من بعد فجأة تفتح لباب وعنقتها يماه وبدات تبكي
نرمين بادلت يماه لعناق ولكن خلاص سقط قناع قوة نرمين وفحظن يماها ولات كي طفل صغير لي تبحرتلو لعبة تاعو ولا طاح فلرض وتجرح جرح صغير بدات تبكي وتشهق ويمها تمسحلها في سعرها باباها كان واقف وعينيه شلال يشوف أميرتو قدامو راح ترمي روحها لموت يشوف أميرتو الوحيدة لي كان يحميها من قرصت بعوضة يخاف عليها من نسمت لهوا بنتو لي كان يحلم يشوفها عروسا ويلعب مع ولادها لي يهبلوه ويكونو قطعة من بنتو لوحيدة نرمين رفدت راسها شافت بابها قوات فلبكية وفتحت يدها ثانية وهو دنا ليهم وحظنهم بينزوج وبداو يبكيو بينزوج ماكانوش مصدقين هاد شي صبح برك كانت حياتهم طبيعية كانت دنيا معمرة ضحك وتمبهيبل كيما كل يوم ليوم صبح كاملة عائلة مجموعين  وراحت بنتهم تقرى كيما كل يوم ونورمالمو هاد لوقت ترجع من لجامعة يقابلها باباها ويطلعو لدار وهوما ڨصارين ولكن لا تأتي الرياح بما تشتهيه السفن بين لحظة وأختها تقلبت دينا عليهم بنسبة 360 درجة

🌟
🌟
🌟
🌟
يادرا وش راح يصرا من بعد هنا خلاص البارتي تاعنا علابالي بلي طولت و طولت بزززاف سمحلي أولا راح نقوللكم بلي صراتلي خيبة انا بزاف باسكو روايتي ملقيتش فيها دعم بزاف وكاين لي يشوف ويروح يعني تقيسك هاد الحاجة ودخلت فروايات +18 تلاقهم فايتين 50k مشاهدة وكومنت و فوت تغيدك والله و الحاجة ثانية مكانش عندي الالهام وظروف شويا جاتني ظروف صحية باش نكون صريحة معاكم مي الحمد لله وسمحولي على تأخير ونتمنى تخلولي أرائكم فاليكومنتار وراني حابة أعطوني اقتراح على عنوان الرواية حابة نبدلو وغدوة نحطلكم بعض العناوين ونتوما قولولي اما لي خير مي دورك راح نحط شورط ادا لبارتي لحق ل 50 فوت راح نحط لبارتي لي بعد مي هادي راح نبدها  بعد ما نتناقشو على لعنوان
ولي معجباتوش رواية يقولي عادي نحبسها مع انو كنت نخمم نحبسها والله مي كاين عيباد عزاز على قلبي محبيتش نخليها في خاطرهم
هيا منطولش بارطاجيو الرواية بليييز
وراح نحطلكم غدوة بإذن الله العنواين وبالاك الحلقة 10
متنساوش كومنت + فوت 💓💓