Band Baja Barat || Completed

Chapter 1

At the Oberoi mansion

In the living room

Dadi : Avantika!!! Idhar aana zara!

Avantika bhagte hue aati hai aur kehti hai.

Avantika : Haan, mom bataiye.

Dadi : Arnav tayar hua ke nahi? Hume sagai ki ring dikhane ke liye jeweler ata hi hoga. Use jaldi bulao.

Avantika : Arnav! Jaldi niche aao. Hume tumhari aur Jahnvi ke liye ring kharidna hai!

Arnav bhagke niche ata hai.

Arnav : Mom, main aa gaya.

Arnav Oberoi , is ghar ka sabse bada beta. Uski shadi uske girlfriend Jahnvi ke saath thik hui hai. Business ke mamle mein strict hai lekin family ke liye kuch bhi kar sakta hai.

Avantika : Good. Tahir kaha hai?

Arnav : Vo toh so raha hoga.

Avantika : Oof! Yeh Tahir bhi na... Kabhi nahi sudhrega.

....? : Main so nahi raha.

Sab piche mudte hai. Aur Tahir ko dekhte hai.

Tahir niche aate hue bolta hai.

Tahir : Bhai, kyu mere naam pe afwa phela rahe ho?

Tahir Oberoi, Avantika ka chota beta. Apne maa ki jaan hai. Bohot bigda hua hai. Din raat ladkiyo ke piche bhagta hai. Par adate chahe kitni bhi kharab ho, dil ka bohot accha hai.

Avantika use dekhke smile karti hai aur bolti hai.

Avantika : Tahir, accha hua ke tu aa gaya. Hum sab tere bhai ke liye ring kharidne wale hai. Teri choice acchi hai. Tu bhi hamari help kar.

Tahir : Bhai ki shadi hai. Unhe choose karne do. Mujhse yeh sab nahi hoga.

Dadi : Vo tera bhai hai Tahir. Aur maine na apni saheli ke poti ko bhi bulaya hai. Vo wedding planner hai. Aur bohot hi pyari bacchi hai.

Avantika : Yeh toh aapne bohot accha kiya mom. Vo kabh ayegi?

Dadi : Vo bas aati hi hogi.

Tabhi ghar ki ghanti bajti hai. Sab log darwaze ki taraf dekhte hai. Avantika jake darwaza kholti hai. Vaha pe ek sundar ladki khadi hui thi.

....? : Namaste, aunty.

Dadi use dekhke smile karti hai aur bolti hai.

Dadi : Aree beta tum aa gayi? Bahar kyu khadi ho andar aao.

Vo ladki andar aati hai aur sab use dekhte reh jate hai.

....? : Namaste, dadi.

Vo dadi ke pair chuti hai.

Dadi : Jeeti raho beta. Sab log, isse milo. Yeh hai mere saheli ki poti Tanvi.

Tanvi : Namaste.

Tahir ka muh khula ka khula reh jata hai. Vo use dekhta hi reh jata hai.

Arnav : Tahir, apna muh toh bandh kar. Makkhi ghus jayega.

Tahir apne hosh mein aa jata hai aur sab hasne lag jate hai. Tanvi apne hath se apna muh dhak ke apni hasi rokne ki koshish karti hai.

Thodi der baad, jeweler bhi aa jata hai. Aur sab milke jewelry dekhne lag jate hai. Tanvi dadi ke paas baith ke jewelry dekh rahi hoti hai.

Tahir Tanvi ko ghurta rehta hai. Akhir vo hai itni sundar.

Jeweler : Madam, yeh dekhiye. Yeh bilkul naya design hai. Aapki hone wali bahu pe bohot accha lagega.

Avantika : Hmm... Yeh kaisa hai Arnav?

Arnav : Accha hai mom. Jahnvi ko bohot pasand aayegi yeh.

Tahir : Haan, mom. Bhabi ko yeh bohot suit karega.

Avantika : Phir yehi le lete hai. Yeh pack kar dijhiye.