بدر بدهشة: ليه مش هظهر ، انا مش فاهم حاجة
جلال حط ايده ع ركبة بدر: عشان انت هتشتغل ف الخفا ، جاسوس
بدر: طب ازاي
جلال: انا اتفقت مع القيادة أنها تحطك ف المهمات الصعبة والكبيرة ، بس هتبقى ظابط سري
بدر: طيب هعيش حياتي معاكم ازاي وكلهم عارفين اني ف شرطة
جلال وقف ومشي كام خطوة: انت مش هتعيش معانا ، انت دلوقتي ف نظر كل الناس ميت ، امك واخوك وكل عيلتنا جالهم خبر وفاتك من ساعة
بدر بصدمة: ايه! حضرتك ازاي عملت كدة
جلال التفت له بجسمه: عشان نتخلص من الجواسيس اللي ف بلدنا محتاجين جنود شجعان زيك كدة يبقوا عايشين عشان بس بلدهم مش لنفسهم
بدر: طيب منا كدة كدة هكون ظابط وأكيد مدخلتش الشرطة عشان منظرة وخلاص ! ليه لازم اكون بعيد عنكم
جلال: مهو لما تبقى مخفي عن عيون الناس وتمسك مهمة وانت محدش يعرف عنك حاجة دة هيسهلك كل مهماتك
بدر اتنهد وعقد حواجبه وهو بيفكر ، وبعدين بصله
Back..
دلال بصدمة: وبدر وافق!!
جلال بصلها وهز رأسه بموافقة: حبه ليا مخلهوش يقدر حتى يفكر يرفض
دلال بصتله ودموعها ف عينيها: ياااه ، وازاي جالك قلب تبعده عني وتوهمني بموته وهو لسة عايش بيتنفس
جلال: زي ما بعدته عنك ، كان برضو بعيد عني ومن آخر مرة انا مشوفتوش الا النهاردة وهو جاي برضو عشان ينقذني
قعد ع الكرسي بتعب وهو يجهش بالبكاء
بصتله بتهكم: بتعيط ليه! مهو لو مات دلوقتي عادي ، هو نفذ كل أوامرك لغاية آخر نفس فيه مش مهم بقا يعيش يموت المهم أنه كان بيطيعك ، استغليت حبه ليك بإنك تبعده عن العالم ويعيش زي الآلة تنفذ لك أي أمر ، حتى لو ع حساب حياته ونفسه ، حقك تفتخر يا جلال
جميلة: طيب ايه علاقة السفير بـ بدر؟
بلع ريقه عشان يكمل: من فترة كبيرة شوفت بدر بهيئة غريبة ، ف الأول فكرته هو متخفي عشان يعرف اخبار عننا عشان وحشناه ، اتعصبت وكنت رايح اعاتبه لكن اختفى بسرعة من قدام عيني...
اتصلت بيه وقولتله ازاي ينزل مصر من غير ما يديني خبر ، قاللي أنه ف روسيا ازاي شوفته ف مصر !! انا كنت هتجنن لأني متأكد اني شوفته ، كان لازم أتأكد تاني وجمعت كل المعلومات عن الشخص اللي شوفته ، طلع واحد اسمه ياسين سوري الجنسية لكن عايش بقاله فترة ف مصر كان بيشبه بدر بالتمام ، لكن كنت برضو شاكك فيه وخليت بدر يعرفلي هو مين ويتأكد إذا كان جاي مصر عادي ولا ف حاجة...
ف النهاية اكتشفنا أنه ظابط إسرا..ئيلي اسمه داني ، وكان ف نفس الوقت اللي اللوا أكرم اتقتل فيه .. شكيت أنه اتقتل بسبب أنه اكتشف حقيقته ، بس محدش كان يعرف مين اللي وراه وبيساعده هنا...
حصل بعدين السفير رجع من ألمانيا وهو خايف ومحرج ع عيلته محدش يخرج ، دة اللي خلاني شكيت أنهم هددوه بحاجة بس كنت عايز أتأكد ..
خليت عدي يبقى ظابط الحراسات الخاص بيهم لأنه الوحيد اللي كان عارف ان بدر لسة عايش
أنت تقرأ
اختطاف ابنة السفير
Humorابنة سفير تختطف من أجل الحصول ع ميكروفيلم يهدد بعض الجواسيس ، ثم تختطف مرة أخرى من مقنع وتتوالى الأحداث الكوميدية والمغامرة الجميلة 💜
