في فيلا كبيرة يحاوطها الحراس من جميع الاتجاهات ، ويظهر من شكلها أنها ملك لشخص مهم ...
بالداخل وتحديداً ف التراس أمام حمام السباحة .. تتحدث كاميليا زوجة يونس الزهيري السفير المصري
كاميليا: أدينا رجعنا مصر يا يونس مش هتقوللي ايه سبب رجعونا المفاجئ دة من ألمانيا ؟
يونس: بعدين يا كاميليا مش وقته ، المهم الولاد فين؟
كاميليا: برة
يونس قفز من مكانه بذعر: بتقولي ايه ؟!
كاميليا: ف ايه يا يونس مالك اتخضيت كدة ليه ، خرجوا كلهم
يونس بعصبية: ازاي يعني من غير ما اعرف ، هو يعني عشان اتربوا برة ينسوا الأصول
كاميليا: انا مش فاهمة انت متعصب ليه ، مهم متعودين ع كدة من زمان
يونس: لكن دلوقتي الوضع اتغير يا كاميليا
كاميليا قامت من مكانها وبصتله: أيوووة ايه اللي اتغير بقا دلوقتي؟!
يونس بصلها بنظرة مشتتة: ما.. مافيش ، بس ع اقلها اعرف هم راحوا فين ، ويا ترى اخدوا الحراسة معاهم ولا ماشيين كدة من غير حماية ، مهم كبروا بقا ومبقتش تفرق معاهم ويسيبوني انا ف قلقي
كاميليا: سيف خرج مع صحابه ، رونزي وزينة راحوا الجامعة لأن الدراسة ابتدت بقالها أسبوع .. وطبعاً كل واحد فيهم معاه عربية حراسة يعني مفيش داعي لكل القلق اللي انا مش عارفة سببه ايه دة
يونس بدأ يهدأ: أه صحيح ، بس برضوا كانوا قالولي
كاميليا: هم ملهمش ذنب كانوا داخلين يسلموا عليك ، وانا بصراحة منعتهم لأن عينيك كانت لسة يدوب راحت ف النوم وانت من ساعة ما رجعنا ومبتنامش كويس صعبت عليا اصحيك غلطت انا؟!.
يونس: طيب ، بس آخر مرة تمنعيهم عني تاني ماشي ؟
كاميليا: حاضر ، بس اهدى انت كدة هم تلاقيهم قربوا يرجعوا
هز رأسه برضا ، وقام يعمل مكالمة تليفون..
#######
في الجامعة ..
بتمشي بنتين خارج الكلية ، واحدة منهم ترتدي قميص ابيض ع بنطلون جينز وبوت اسود برجليها ، شعرها اسود طويل حاطة طوق عليه ، معلقة شنطة ع ضهرها .. والأخرى فيست وبنطلون جينز شعرها ليس طويل او قصير ، بيقفوا عشان يتكلموا...
رونزي: ايه الملل دة ، يا ريتني ما جيت
فاطمة: ايه يا بنتي هو انتي لحقتي تزهقي
رونزي بصتلها: طبعاً منتي هتملي وتزهقي ازاي ، منتي بتخرجي وتتفسحي وتعملي كل اللي نفسك فيه ، إنما أنا مبعملش حاجة خالص "قالتها بضجر"
فاطمة ضحكت: دة انتي طيبة أوي ، انا بخرج واتفسح يا شيخة اسكتي
رونزي: ليه هو انتي باباكي حابسك من ساعة ما جيتي مصر!! بيصمم انك تركبي مع اربع شوايل مملين لا بيتكلموا ولا بيصدروا اي صوت ، وكل شغلهم يمشوا وراكي ف اي مكان زي الأنسان الآلي مصمم عشان يقرفك وبس ؟
أنت تقرأ
اختطاف ابنة السفير
Humorابنة سفير تختطف من أجل الحصول ع ميكروفيلم يهدد بعض الجواسيس ، ثم تختطف مرة أخرى من مقنع وتتوالى الأحداث الكوميدية والمغامرة الجميلة 💜
