يونس بزعيق: بنتي فين !!!! ازاي تسمحوا لنفسكم تضيعوها منكم ، انا هوديكم كلكم ف ستين داهية
كاميليا وزينة بيبكوا عليها وخايفين يكون جرالها حاجة
كاميليا بدموع وبكاء: جيبلي بنتي يا يونس انا عايزة رونزي ، انا حاسة انها ف مصيبة ، أكيد اتخطفت
يونس بعصبية مفرطة: ازاي يا عدي قدرت تاخد بنتي لمكان زي دة وبدون علمي ، دي قالتلي انها رايحة للدكتور!! ايه اللي خلاك تروحوا حفلة فيها ناس كتيرة وانت عارف انك مش هتقدر تحميها
عدي مش عارف يقوله ايه لأن دي غلطته هو ، كان لازم يمنعها وميطاوعهاش ، اول مرة ف حياته المهنية تحصله مشكلة زي دي ومش عارف هيعمل ايه او يتصرف ازاي
سيف: احنا لازم ندور عليها بسرعة ، جايز ف ضرب النار اللي حصل دة تكون استخبت ف مكان ولا حاجة
يونس فكر شوية: أيوة فعلاً لازم نروح ندور تاني
وقبل ما يمشي رفع ايده السبابة ف وش عدي بتهديد: بنتي لو جرالها حاجة أنا هحملك انت كل المسؤولية
عدي متكلمش لأنه مقدر شعوره دلوقتي لأنه أب وكمان بيحمل نفسه نتيجة اللي حصل عشان لو كان منعها مكانش حصل اللي حصل دة
_____
ف مكان مجهول قاعدة ع كرسي وايديها ورجليها مربطة ، وعيونها مغميين ..
رونزي: انتوا يا بهايم ياللي خاطفيني
بتحرك أيدها ورجلها المربوطين بضيق: هو انا هفضل كدة كتير يعني ، طيب ردوا عليا...
"زعقت بصوت عالي" يا بهاااايم
فجأة حست بـ باب بيتفتح وصوت رجلين بتقرب منها
Flash Back..
ف العربية..
عدي بيبص عليها ف المراية: لسة مصممة برضو ع المشوار دة
رونزي: انت مش قولتلي ان الحفلة دي فيها ناس تعرفها؟
عدي: أيوة بس...
قاطعته: مبسش .. وبعدين قولتلك اني مخنوقة ومحتاجة اغير جو ، ومتقلقش أنا وعدتك ان بابي مش هيعرف أبداً
بص عليها ف المراية وحرك راسه بقلة حيلة ...
وصلوا مكان ف حفلة كبيرة .. وخدها يعرفها ع صحابه ..
عدي شاورلها: احب اعرفك يا رونزي ، مازن .. سارة .. جميلة .. جاسر
وكل واحد بيعرفها بيه كان بيشاورلها بالتحية
رونزي: هاي يا جماعة ، اتشرفت بمعرفتكم أوي
سارة: واحنا كمان ، قوليلي بقا بما إنك عيشتي برة وكدة الحياة ف أوروبا شكلها ازاي
رونزي: عادي يعني زي هنا
جميلة: زي هنا ازاي ، اكيد مختلفة ف كل حاجة
رونزي: انا مش شايفة فيها أي اختلاف ، غير أن انا كنت اتحرك براحتي هناك لكن بعد ما رجعت مصر للأسف بقيت مقيدة ومش بعرف ادخل وأخرج براحتي زي الأول
جميلة: تقصدي ايه؟
رونزي: اقصد من ساعة ما رجعنا وبابي مشدد الحراسة أوي علينا ، دة انا حتى خرجت من وراه وميعرفش أننا هنا
جميلة ضيقت عينيها باستغراب: ليه بقا هاه؟ هو السفير خايف من حاجة !! طيب انتوا ايه اللي رجعكوا كدة من غير سابق إنذار ، اللي اعرفه ان أي سفير مش بيرجع غير لو طلبوه لأمر مهم
عدي: جرى إيه يا جميلة انتي هتطلعيهم عليها ولا ايه ؟ مبلاش تحقيق الصحفيين دة
مازن لرونزي: اهي طول النهار كدة قرفاني استفسارات واسئلة وحاجة ملل ، مش عارفة تفرق ما بين الشغل وحياتها
رونزي: عشان كدة .. بس احب اطمنك يا جميلة لو فاكرة نفسك هتقدري تاخدي مني أي معلومة فانا معرفش اي حاجة ف أي حاجة
سارة ضحكت: والله انتي دماغ
رونزي بتبص ع جاسر ، حاسة أنها تعرفه أو بتشبه عليه
جاسر: بتبصيلي كدة ليه؟
رونزي رفعت حاجبها: انا حاسة انك شبه حد أعرفه
جاسر لعبلها حواجبه عكس بعض: هو انا ف ف جمالي برضو
رونزي ضحكت بسخرية: هه ضحكت ، بس... افتكرت فيك شبه من عم شكشك
الكل ضحك وجاسر كشر
سارة: تعالي نرقص يا رونزي
رونزي بحماس: يلا
عدي وقفها: استني حضرتك مينفعش ، هأمنك ازاي وسط كل دول مش هينفع
رونزي رفعت عينها بنظرة تهديد: لا هينفع والا انت عارف هعمل ايه ، ها قولت ايه
عدي ذم شفايفة بضيق ، وسابته وراحت ترقص مع سارة ومازن وعدي والحراسة عينهم عليها عشان متغيبش بعيد
أنت تقرأ
اختطاف ابنة السفير
Humorابنة سفير تختطف من أجل الحصول ع ميكروفيلم يهدد بعض الجواسيس ، ثم تختطف مرة أخرى من مقنع وتتوالى الأحداث الكوميدية والمغامرة الجميلة 💜
