اختطاف ابنة السفير

الأخيرة

رونزي فتحت الباب باندفاع وهي بتسمع صوت ضحكاتهم ، رفعت أيديها ع الباب وهي بصالهم بازدراء وغضب
جميلة: ف حاجة يا رونزي
رونزي بغضب ف عيونها: اطلعي برة يا بت
جميلة: نعم!!
دخلت بزمجرة: بقولك اطلعي برة ، ولو شوفتك هنا تاني مش هيحصلك طيب ... يلا اخرجي
بدر: اهدي يا رونزي
رونزي بزمجرة: بس ياض انت ولا انت عاجبك قعدتها
جميلة: ايه اللي انتي بتقوليه دة ، وبعدين انتي ايه اللي مضايقك ف وجودي
رونزي: عشان انا وبس اللي المفروض اقعد هنا مش اي حد تاني

بدر مبسوط من غيرة رونزي العنيفة دي وحب ينكشها أكتر
بدر بمكر: ليه يعني انتي وبس ! مهم برضو صحابي ونفسهم يطمنوا عليا زيك
رونزي فتحت عينيها بدهشة يصحبها حنق: وحياة امك يا حرامي
وكانت هتهجم عليه بس جميلة منعتها
جميلة: انتي هتعملي ايه يا مجنونة

زقت أيدها ومسكت شعرها وصرخت بألم
جميلة: آآه اوعي ايدك
رونزي سحبت شعرها أكتر وجزت ع أسنانها: يعني كلهم خرجوا وانتي قاعدة معاه لوحدكم ليه

بدر مش قادر يبعدها مسك بطنه واتألم
بدر بتعب: ااااه
جميلة صرخت: عاااا ابعدي يا مجنونة
رونزي بعصبية: انتي اللي ستين مجنونة
بدر بوجع: انا بموت حرام عليكي

كلهم دخلوا الأوضة بسرعة ع صوتهم وشافوا رونزي فوق السرير ومتحملة ع بدر وماسكة جميلة من شعرها
دلال بفزع: ايه ف ايه
جميلة: حد يبعدها عني هتطلع شعري ف أيدها
رونزي بزعيق: مش هسيبك

بدر مش مستحمل هزة السرير والألم بيشد عليه
دلال: يا حبيبتي سيبيها

دخل سيف وزينة وحاولوا يشدوها عن جميلة
سيف: يا بنتي اهدي ، هي عملتلك ايه

مسكها سيف ونزلها عن السرير ، والدكتورة دخلت لقت حالة الفوضى دي ف الأوضة ، وبدر ماسك بطنه بألم
الدكتورة: ايه اللي بيحصل هنا
اتقدمت ع بدر: انت كويس ؟
بدر بيتحمل الألم: كويس بس ف ألم شوية هنا

الدكتورة بعدت الغطا وكان ف دم
الدكتورة بدهشة: الجرح نزف تاني
وكملت بصرامة: لو سمحتوا اطلعوا برة
رونزي: برة مين يا بت ، وبعدين انتي اللي برة هو مفيش دكاترة رجالة ولا ايه
جاها صوت يونس بحدة: رونزي ، تعالي معايا
يونس هو وبيشدها لبرة بصوت باكي: لا يا بابي مش هتكشف عليه
بدر: لو سمحتي ابعتي اي دكتور
الدكتورة: بس يا استاذ بدر...
قاطعها: انا قولت عاوز دكتور

اتنهدت وخرجت تبعت حد من زمايلها
دلال: ليه يابني مكنت خليتها تشوفك
عدي: سيبيه براحته يا طنط
جميلة بضيق: بجد مستفزة
عدي بغمزة: هي برضو!
مازن: هي ليه هجمت عليكي
عدي بابتسامة خبث: كانت عايزة تاخد الشاندوتش بتاعها
مازن: نعم!!!
فجأة سمعوا صياحها برة
عدي: جماعة انا خارج لحسن تيجي تقتلنا كلنا
جميلة بعند: بس انا مش هخرج

دخل جلال ووراه الدكتور
جلال: اتفضل شوف شغلك يا دكتور ، ويلا كلكم ع برة

محدش قدر يتكلم وانسحبوا كلهم وخرجت جميلة معاهم
______