وصلت الإسعاف للمستشفى وحطوا سارة ع الترولي وبيجروا بيها ، وكان جاسر ومازن وصلوا .. دخلوها أوضة العمليات بسرعة .. جميلة بتبكي وخايفة يجرالها حاجة ..
مازن حضن اخته: اهدي أن شاء الله هتبقى كويسة
جميلة بدموع: يا رب يا مازن
جاسر قعد بأسى والدموع لامعة ف عينيه .. ام سارة جات جري بعد ما سمعت
أم سارة بلهفة خوف: بنتي فين وحصلها ايه
جميلة مش قادرة تتكلم حطت أيدها ع وشها وفضلت تبكي
أم سارة بزعيق: متنطقوا سارة جرالها ايه
مازن: اهدي يا طنط سارة هتبقى كويسة ، هي ف أوضة العمليات دلوقتي
#######
نزلت جري ع السلم لغاية التراس وهي بتنادي
زينة: بابي مامي الحقو
الاتنين قاموا بفزع: ف ايه
زينة: ف كنيسة حصل فيها انفجار
يونس بصدمة: ايه
حمدي دخل بسرعة عليهم: يونس ، رونزي بنتك وجلال اتخطفوا
كاميليا بخضة: بنتي اتخطفت تاني ، اكيد نايف عملها
حمدي بأسى: للأسف أيوة
عرفان: وانتوا معرفتوش مكانه ليه
حمدي: عدي اتصل بيا وبلغني أن ف 3 كنايس اتزرعت بالقنابل لكن الحمد لله قدروا يفكوا المتفجرات اللي ف الكنيستين بس للأسف ف كنيسة منهم ملحقوهاش ، وف ناس كتير انصابت ومنهم سارة
زينة صرخت: سارة!! .. وحصلها حاجة
حمدي: ف المستشفى بس حالتها متطمنش .. المهم عدي ف طريقه لـ رونزي وجلال
يونس: طيب يلا بسرعة نروح وراهم مستني ايه
عرفان: خد سيف معاكم ، بسرعة قبل ما يعمل فيهم حاجة
######
بدر واقع ع الأرض والدم مغرق جسمه ، رونزي وجلال ف حالة صدمة
نايف بنظرة خبيثة: ابنك!!! هو دة يبقى ابنك!
وكمل بشر: يعني واحدة حبيبته "شارو ع رونزي" والتاني أبوه!!
ضحك بشر: الله دة الانتقام بقا طعمه لذيذ أوي .. ابنك كمان هيتحرم من حبيبته زي منا اتحرمت من ياسمين ، ومش بس حبيبته لأ وكمان أبوه
ومثل أنه الحل دة معجبهوش: ولا أقتله هو وهي وأعذبك انت والسفير ، مهو برضو عشان هو راجل مهم عملوا المستحيل عشان بنته تفضل كويسة ومحدش يمسها لكن ياسمين ، طظ فيها يجرالها اللي يجرالها مش هتفرق...
جلال فاق وبصله: انت حقـ.ير
وف لحظة صوب المسدس ناحية جلال ومرة واحدة ضربه برصاصة ، خلت رونزي تصرخ بأعلى صوتها
وكمل بنظرات شر موجه كلامه لـ فرانك: خده
وقرب منها: وانتي تعالي قومي
مسكها بعنف وقومها وخدوهم وخرجوا
رونزي: أوعى ايدك عني يا زبا.لة
نايف بزعيق: امشي بقولك
عند بدر نفسه بيرجع واتعدل باندفاع ، وحس بألم ف بطنه مكان الرصاصة ، وحط ايده عليها وقام بتعب ، بيبص ناحية الباب بنظرات تحدي وواعدة لـ نايف وخرج
_______
رونزي ببكاء وهو بيجرها: صدقني بدر مش هيسيبك وهيقتلك
نايف بغل: طبعاً مهو بيحبك ، بس انتي لازم تموتي عشان هو يعيش اللي انا عيشته ، حتى لو انتي ملكيش ذنب بس مراتي.. ياسمين كان ذنبها ايه هي كمان
أنت تقرأ
اختطاف ابنة السفير
Humorابنة سفير تختطف من أجل الحصول ع ميكروفيلم يهدد بعض الجواسيس ، ثم تختطف مرة أخرى من مقنع وتتوالى الأحداث الكوميدية والمغامرة الجميلة 💜
